原來頭先行到上去嘅嗰個地方,係一個藝術館,本身諗住入去望下,但佢門口擺咗個箱,話入場費自由定價,好似香油錢咁
唔知放幾錢好,最尾都係算了
繼續亂咁行,行到去一個市集,我愛呢啲手作嘢
好似拉近人與人之間嘅關係
之前都提過,我鍾意每個地方買磁石貼,但又真係未買過手作嘅,企咗喺度幾分鐘,最尾都係算了,應該唔擺得耐,可惜
玩黑膠唱片就聽得多,咁樣玩法真係第一次見,又真係幾靚呀
行到一間聲稱係純天然嘅蜂蜜舖,我有啲喉嚨唔舒服都會想食下,但可惜上唔到機
啲糖好似係唔錯嘅選擇,下圖嗰啲珍寶珠同埋一包糖都係一歐
買咗一包試下,味道幾唔錯,真係有實質嘅蜂蜜味