274 Like
22 Dislike
160冇希望
2021-08-24 01:02:47
樓豬為咗我哋特登寫錯
黃紙
2021-08-24 01:44:57
為咗俾我地睇多啲特登寫錯
你今天好嗎
2021-08-24 09:28:25
Live 正評e d
綠嶺
2021-08-24 18:06:10
「我去叫佢哋收手。」我想衝出班房同雅妍嘈過。
「停低!」倩兒少有地拉大嗓門講嘢。
「點解⋯⋯」我轉身,望到嘅喺一臉唔甘心同痛苦嘅倩兒。
「今晚返去再你同講好唔好?我想休息下。」倩兒無咗平日嘅氣燄。
習慣咗嘅話,點解仲會有淚水喺佢眼角?
「我去叫佢哋收手!」我氣上心頭,同呢個女仔識咗唔耐,但係我呢一刻怒髮沖冠。
「唔好,我求下你。」倩兒變咗個小朋友咁,無力地拉住我隻手。
我嘅怒氣霎時間逃逸無蹤。
「今晚可以同我講發生過咩事嗎?」我唔會放棄解決呢件事。
「應承你。」倩兒依舊全身濕透。
「你套體育衫呢?換咗佢先啦。」佢再濕住身都唔係辦法。
「成個衫袋畀佢哋收埋咗。」倩兒講。
「仆街⋯⋯」我雙手緊握拳頭咁講。
「我無事,你唔洗咁嬲。」倩兒試圖安慰返我轉頭。
我除咗我件有啲汗水嘅運動衫,再笠落倩兒身上。
「雖然有啲汗,但好過你咁樣透晒入面出嚟。」
「好臭。」
「忍下。」
「都係好臭。」
「無辦法。」
「多謝。」
氛圍唔同咗,倩兒其實幾可愛。
綠嶺
2021-08-24 18:08:32
「我幫你叫uber返屋企先。唔好拒絕我。」我提議。
濕到咁佢都好難繼續上堂。
「唔該。」倩兒見我咁強硬就無再推搪,好好咁接受我嘅好意。
我換返校服之後就陪倩兒落校務處搞早退手續。
打緊波嘅陳浩然見到我喺一樓就跑上嚟搵我:「衰仔搞乜唔見人?」
我指住倩兒。
浩然再講:「咁快溝新女!?」
「唔係,佢畀雅妍蝦。」我指住同校務處女職員交涉緊嘅倩兒。
「又係條臭雞⋯⋯」
「你幫我同阿Sir講我唔舒服要早走。」我決定一齊走。
「得啦,咁你自己睇住啦!」陳浩然講完就落返去打波。
擔心倩兒嘅我就陪佢一齊返屋企休息。
【第十四話 完】
陳家樂好快樂
2021-08-24 18:21:45
正, 一齊早退番屋企開心開心
三J萬能俠
2021-08-24 19:05:36
推
打死隻臭雞
綠嶺
2021-08-24 21:45:44
【第十五話 校園欺凌(二)—— 過去】
//
中一,啱啱考入中學嘅倩兒覺得自己同其他人格格不入。
其他人用嘅都係全新、無他人筆跡嘅教科書,自己用嘅卻係舊版、被不知名人士畫花晒嘅教科書。
其他人用穿嘅係啱身嘅校服,而自己穿嘅衣不稱身嘅二手校服。
其他人食嘅係飯盒,自己食嘅係一舊麵包。
倩兒唔明白點解自己要咁樣受苦,雖然屋企住公屋,但其實佢都有啲錢。
只係屋企嗰個男人唔肯畀錢倩兒用。
倩兒有嘅零用錢,全部都係母親偷偷地畀佢。
就連學費佢都無係嗰個男人身上拎過,佢仲讀到書全靠獎學金支撐。
佢唔明點解自己要咁辛苦,佢唔明自己做錯啲乜所以要受咁多苦。
當時,有個未來會虐打佢嘅女人曾經邀請過倩兒「出去玩」,或者係想同倩兒成為朋友。
「放學後同我哋出去行街。」嗰個叫雅妍嘅女仔問。
無閒錢出去玩嘅倩兒當然係回絕呢個邀請。
「我今日去唔到呀,對唔住。」當年嘅倩兒比較開朗。
「咁算。但係下次唔好再拒絕我。」雅妍嘅聲音帶點威脅。
倩兒心諗我下次都係會拒絕你,我根本無錢同你哋出去玩。
又一次嘅邀請。
拒絕。
又一次嘅邀請。
拒絕。
唔知已經拒絕過幾多次,今次雅妍同佢嘅黨羽一齊嚟邀請倩兒放學後出去行街。
「對唔住,我有嘢做。」倩兒試圖搵藉口拒絕。
「吓?!」雅妍發出質疑嘅聲音之後現場嘅氛圍即時改變。
喺雅妍身後嘅女同學們收起慈祥嘅笑容,臉上掛起兇惡嘅表情。
「我再問多次,放學同唔同我哋出去?」雅妍再畀倩兒多一次機會。
綠嶺
2021-08-24 21:51:39
「我出唔到。」即使係呢個氣氛下,倩兒都無改變原來嘅答案,倩兒根本無可能出去,因為佢無可以花費嘅金錢。
得唔到稱心答案嘅雅妍一腳踢翻倩兒張枱。
「你咁樣即係落我面。」雅妍將倩兒推落地。
雅妍嘅黨羽夾手夾腳將倩兒拉去女廁,一個只屬於女生嘅地方。
佢哋將倩兒壓倒喺地下,再由四個人㩒住佢四肢。
雅妍跨坐喺倩兒身上。
「啪!」
清脆嘅一巴掌,倩兒嘅臉上多咗一個紅色嘅掌印。
「八婆。敬酒唔飲飲罰酒,我哋畀咗咁多機會你都唔珍惜。」雅妍講完就打埋落倩兒嘅另一邊臉。
「你試下同其他人講今日嘅事,你會死得更加慘。」雅妍企返起身後再用力踩落倩兒個肚到。
「呀!」倩兒叫痛嘅時侯噴出唔知乜嘢液體。
「今次少少教訓。」其中一個㩒住倩兒嘅女仔講。
「條友用嘅都係二手書嚟嘅。」另一個女仔講。
有一個女仔除咗倩兒上身嘅恤衫再講:「嘩!佢件校服後面寫嘅係其他人嘅名嚟㗎!原來佢連校服都係二手!」
「Oh my god!原來係一個窮撚嚟,唔怪之得有咁大陣酸臭味啦。」一個本來企咗係角落頭嘅女仔一臉厭棄咁望住倩兒。跟住佢再將水樽嘅水倒落倩兒嘅身上:「我哋幫take a shower啦。」
「好呀好呀!」其他人興奮咁拍手附和。
綠嶺
2021-08-24 21:52:37
送了兩個加更畀大家
因為寫完覺得好睇
破產中
2021-08-25 00:02:36
打鳩條臭雞啦
三J萬能俠
2021-08-25 00:55:34
八婆雅妍
20181029.2021429
2021-08-25 01:10:44
屌撚到隻臭雞跪低道歉啦
雷光一閃
2021-08-25 02:12:55
打打力bam落去
三J萬能俠
2021-08-25 09:57:31
推
肥當比利
2021-08-25 10:16:07
推
陳家樂好快樂
2021-08-25 10:18:37
諾衡幾時都幫倩兒take a shower
綠嶺
2021-08-25 11:57:41
同陳浩然先好似開心啲
下下下
2021-08-25 12:41:19
但係我哋想睇倩兒多啲
男大當婚女大當淫
2021-08-25 13:29:58
我心底裡曾經都擔心過黃雅妍係咪因為錢先同佢一齊
佢呢段關係就會淪為一場買賣。
雅妍話我嘅朋友都係因為錢同家底先同佢做朋友
男大當婚女大當淫
2021-08-25 13:31:58
對唔住,我唔知要安慰你
要點?
綠嶺
2021-08-25 13:33:01
真係唔知要安慰
btw唔好quote文
男大當婚女大當淫
2021-08-25 13:38:06
話就說原來你有電話