與我同屋嘅女同學打到帽我嘅ex躺平//《同居女孩》

抵死 男主角咁唔主動
警世故事

男主唔好再咁迂腐喇，主動d

諸君!!!!!!

有聲

以前中學生係咁，無依家啲00後咁開放

白白送條女俾人啊

送macbook又唔見佢扭扭擰擰

樓主仲做緊嘢今日未知有冇文

唔記得有無出書
個故大概係講

加油啊樓主

00後會點？

「我都加入！」一把女聲講。

係周璇，我同佢唔係太熟所以無乜嘢好介紹。

「咁樣事前準備就完成，之後就係關事行程安排嘅嘢，有冇其他同學想同我一齊負責？ 」女班長問道。

「我！」陳浩然又一馬當先舉手表示有興趣。

「陳浩然，你已經要負責玩樂組，你可唔可以讓個機會畀其他同學？」男班長合理嘅建議喺陳浩然眼中係佢溝女嘅障礙。

「咁有冇人想準備？」

陳浩然環視班房，每當有人想舉手佢就怒睥嗰個人，結果無人敢舉手。

我諗大家對陳浩然踢檯同何老師對抗嘅事仍然歷歷在目，所以班入面應該無癡線佬會同陳浩然作對。

「無人想做喎，男班長。」陳浩然一臉意氣風發同招積咁講。

「咁就拜托你。」女班長出面打圓場。

「係嘅～」陳浩然用極噁心嘅語氣答。

就係咁，秋季班會旅行嘅事前準備就分好工。

我、倩兒、男班長、周璇負責食物。

陳浩然、女班長、李樺負責玩樂。

女班長同陳浩然就單獨安排行程。

「做咩無啦啦想幫手呀？」我問坐喺我隔離位嘅倩兒。

虐殺事件之後，我將自己個位調咗去倩兒隔離，為咗好好係佢身邊睇住佢。

「我咪話過我想改變，呢一小步可能好有用。」倩兒答。

「拿，有我係到，有咩都有個照應。」我拍心口咁講。

「我唔洗你跟住。識新朋友都被你跟住，你由變態佬進化咗做癡漢？」倩兒厭惡咁望住我。

「我只係想確保你無事，咁樣都變咗癡漢。咁唔去囉。」我不滿地發小朋友脾氣。

「我唔係咁嘅意思⋯⋯」倩兒開始笠水。

「玩下你咋！」我拍拍倩兒膊頭佢。

「好好玩咩衰人！」倩兒講完就用手指不停篤我條腰。

「喂！」怕痕嘅我忍唔住喝止佢。

結果，呢下叫聲吸引咗全班目光，倩兒見狀就擰歪臉扮唔識我。

「我想食菠蘿腸仔！」淋浴係眾人目光下嘅我語無倫次咁講。

「定係腸仔菠蘿好？」陳浩然大聲反問我。

「Pizza走菠蘿先好食。」

「邊有人食Pizza唔加菠蘿！」

「菠蘿腸仔Pizza世界第一！」

「菠蘿必須死！」

「咕嚕雞球！！」

我嘅胡言亂語喺班上引發出一場罵戰，亦因為咁我都唔再係眾人嘅焦點。

倩兒望住我笑咗笑：「你呢啲人搞亂晒個班會。」

控制唔到場面嘅班長們手足無措，我有啲唔好意思。

「可能我收咗錢搞事呢。」我笑住應倩兒。

嘈吵嘅班房入面，我哋兩個竊竊私語。

推推推

輕輕一推

追到live 好正

原本以為寫到夕陽個下就End ，但諗諗下唔係短故

菠蘿pizza

推推

今晚有冇文啊

【第三十七話 購物】

班會完結前，男班長叫食物組放學後留低，話要一齊去買嘢食。

倩兒問可唔可以晏少少，佢話想探完媽媽先去買。

其他人都無意見，所以我哋約咗陣間5點係Donki，即係我樓下等。

「咔嚓。」屋企嘅大門被打開，探完媽媽嘅倩兒返到嚟。

「落去啦。」坐喺沙發嘅我喊道。

「你唔換件衫？」倩兒問仲穿住校服嘅我。

「唔洗啦。」懶得換。

「咁你落去先。」

「點解？」

「我唔想畀人見到我哋一齊出去。你唔想嘅我可以落去先。」倩兒提出。

「哦～你怕畀同學見到我哋喺同一棟大廈出嚟。」

「我怕人哋以為我同你個變態佬有嘢。」

「有咩嘢呀？」以前嘅我可能會遷就下倩兒，但依家嘅我搵到戲弄佢嘅方法，所以我唔會手軟。

「就係有嘢囉⋯⋯⋯⋯」

嘻。

每次見到強勢嘅倩兒一變到怕怕羞羞我就有勝利嘅感覺。

「唔玩啦，我落去先啦。」我有如勝利者般挺胸收腹走出門口。