受咗五年嘅痛苦校園生活嘅倩兒，絕對值得一句辛苦晒。
事件解決到依家，倩兒都未試過好好抒發情緒，我睇得出佢一直都壓抑緊自己。
倩兒唔知幾時開始企係原地抽泣，無論佢雙手點抹都好，眼睛湧出嘅淚水都無停過。
「我真係好辛苦。嗚⋯⋯我自己一個咗好耐⋯⋯嗚⋯⋯」
或者，佢終於等到一句辛苦晒。
一直默默承受嘅倩兒終於有人同佢咁講。
「我知道。」我將佢擁入懷中。
「我好係好累⋯⋯嗚⋯⋯」
「雖然未來仲有痛苦，但係你唔會再係自己一個。」
「我唔想再做自己一個係角落頭嘅女仔，嗚⋯⋯」
「無問題。我保證。」
「我都好想媽媽病好，嗚⋯⋯」
倩兒果然係愛自己媽媽，即使對方係自己痛苦嘅原因。
「吉人自有天相。」
「嗚嗚⋯⋯」
所有嘅情緒都釋放。
埋藏係心底，幾年份嘅感情爆發。
以往嘅佢為咗唔令其他人擔心，將所有嘅感情都封印係自己體內。
或者呢個就係倩兒叫我一齊探佢媽媽嘅原因。
佢想畀我睇到佢所重視嘅一切。
佢信任我。
佢依靠我。
「真係辛苦晒你，你已經做得好足夠。」
倩兒喺我懷內放聲大哭。
夕陽嘅餘輝猶在。
被告知可以停落嚟嘅女孩。
等待已久嘅一句客套說話。
鬱悶爆發嘅𣊬間。
值得信任嘅人喺身邊。
呢個女仔，真係辛苦晒。
嚎啕大哭後，倩兒就推開我：「你果然係變態佬，呢個時候仲抽我水。」
倩兒對我擺出鬼臉，然後就跑走咗，我就即刻跟上去。
最後，我哋兩個就係打鬧聲下跑返屋企。
【第三十五話 完】
我明咩感覺㗎
）
無下次，你哋原諒我啦
