與我同屋嘅女同學打到帽我嘅ex躺平//《同居女孩》

男豬食屎啦

明明倩兒同條臭雞嘅事係佢哋之間嘅私人姻緣恩怨，我唔應該插手，都無身位插手，但係我抑壓唔到衝動，干涉咗佢哋嘅事。

垃圾左膠

其實男主呢啲人仆街過班臭雞，自己無受過又係到說三道四

加甜唔該

男豬好撚嘔心

男主好似離地有錢人

推推

收皮啦男主
Gchi倩兒繼續復仇，將雅研整做人彘，吊喺冇人嘅課室，俾男同學每日返學、小息、食lunch、放學得閒就可以過去出下火

推下章唔該打埋男豬

【第二十六話 開導】

第二日一早我就走咗去拳館。

「準時。」館長一邊動態拉筋一邊講。

館長戴上咗兩個拳套，可能佢今日要打比賽。

我指住拳套問：「陣間你要上擂台？」

「係。」

「邊個挑戰你？」

「係一個自大嘅傻仔。」館長話語未落，一個身材矮小同瘦弱嘅男人，大搖大擺咁喺正門行入嚟。

「今日我要將呢個場收歸我名下！」個傻仔笠住一件明顯oversize嘅空手道袍，腰綁黃帶，睇落都似係一個有為青年。

但係佢纖瘦嘅四肢，完全唔似一個打開拳或者做開運動嘅人。另外，佢頂住八兩金嘅冬菇頭，同埋佢有一隻眼戴住眼罩。

「你要同佢打？」我問館長。

「係。」聽到答案之後我臉色一沉，開始擔心呢個on9仔會畀館長打死。

館長好似睇穿咗我嘅諗法，所以佢講：「放心，我只係要畀啲教訓佢，我只會出腳唔會出手。」

「咁都好，唔會搞出人命。不過我估唔到你竟然會為咗條廢柴而出山，明明佢唔係乜嘢大人物。」on9就罪不至於死嘅，受下教訓就會收斂下。

「佢已經騷擾咗我哋拳館成個月。起初我哋當佢係白卡佬，趕走佢就算，點知佢變本加厲，我只能夠無可奈可咁同佢講話要打一場，贏咗就佢想點都得。估唔到佢會應承。」估唔到連平時咁硬朗嘅館長都無呢個on9仔辦法。

「都好嘅，呢啲人受下苦先會知道世界唔係圍住自己轉。」我講。

「其實你都明呢個道理。」館長講完之後就走上擂台。

拳館職員幫個on9仔穿上唔同嘅護甲，將佢包到實一實。

「陣間你唔掂嘅話記得出聲嗌投降。」職員畀咗on9仔一個善意提醒。

「佢夠我打先至算啦！」職員無奈地嘆口氣，拍拍on9仔膊頭就走咗去。

on9仔昂首闊步走入擂台，然後大聲宣告：「我打贏你之後，呢個場就係屬於我㗎啦！」

圍住喺擂台睇熱鬧嘅觀眾都忍唔住發出乾笑。

雙方簽咗生死狀之後就各自企咗喺擂台嘅兩個斜角。

企喺擂台中間嘅裁判揮動手刀向下劈，同時大喝一聲：「Fight！」

館長一步都無郁過，企定定喺原地望實on9仔。

on9仔見館長郁都唔郁就冷笑一聲：「睇來你都睇穿咗我嘅真正實力，嚇到郁都唔敢郁！等我再解放多啲力量去解決你！」

on9仔講完就除咗個眼罩，然後一邊衝向館長身前一邊大叫：「九陰白骨爪！」

佢雙手無力咁打圈，佢弱小嘅拳頭擊中館長心口幾下。

館長一面無奈咁望住佢，然後垂低雙手，再一個側踢踢落on9仔膝頭。

On9應聲倒地，館長無即時補刀，反而喝令對方：「起身。」

On9仔用盡全身力氣先企到起身，佢喘晒氣咁講：「不愧係我睇中嘅對手。呼⋯⋯呼⋯⋯我都係時候使出真正嘅實力，你受傷唔好怪我呀！」

On9仔突然仰天大叫：「呀！！！！」

刺耳嘅叫聲喺成個場館迴盪，館內所有人無一不用雙手遮住雙耳，館長都唔例外。

On9仔眼角見到館長雙手掩耳就一個箭步衝向館長，想對佢打出一記上勾拳。

館長不慌不忙向on9仔下盤一踢，on9仔本來想避開，可惜嘅係館長嘅踢擊速度奇快，on9仔係剎那間就畀館長破解咗佢使出「真正實力」嘅一擊。

只係掛住按摩被踢中嘅地方嘅on9仔無留意到館長已經走到佢面前，當佢發現館長嘅時候，已經係畀館長踢到失去平衡同四肢朝天嘅時候。

180正評加更


館長無因為對方倒地而停手，佢用類似足球員射波般嘅姿勢踢落on9仔心口，雖然隔住護甲，但係腳踢到護甲時發出沉實嘅「呯」一聲，令在場人士都感受到呢一腳嘅威力。

On9仔即時噴出不知名液體，再不停咳嗽：「果然無睇錯。咳⋯⋯咳⋯⋯不過你太睇小⋯⋯」

「我」字都未講到，館長就再踢向on9仔腹部有護甲嘅地方。

「呯！」

又係沉重嘅一踢。

On9仔今次好似噴咗啲嘔吐物出嚟。

「咳⋯⋯咳⋯⋯」佢嘅咳嗽越嚟越勁。

「認唔認輸？」館長高居臨下咁問。

不過on9仔始終係on9仔，係呢個時候都仲要作死。

「我只係未使出真正嘅力量。你以為自己會贏到我？哈哈哈⋯⋯呀！」

館長係到笑嘅時候卯足全力踢落on9仔屁股，on9仔嘅反應都係大聲叫痛。

館作再作勢要踢到on9仔到，on9今次耍手擰頭咁講：「認輸啦！投降啦！求下你唔好再踢啦！」

On9仔畀館長打到懷疑人生，佢差在未聲淚俱下咁求饒。

「係咪唔打？」

「唔打啦！唔打啦！」

「以為仲嚟唔嚟搞事？」

「唔搞啦！唔搞啦！」

「之前嚟搞串我個場嘅事，你要點賠？」

「唔知⋯⋯」館長聽到呢個答案就作勢要踢向on9仔，on9仔見勢色唔對就即刻急口令咁講：「對唔住！係鄙人唔識死，不知好歹咁嚟呢個場館興風作浪，騷擾到各位職員又影響到客人真係非常之對唔住！我以後都唔會咁不知所謂，唔會再影響到大家！」

「你覺得自己值得原諒？」館長對呢個答案唔太滿意，於是又作勢要使出踢擊。

「鄙人唔值得！所以鄙人會擺低筆賠償金嚟展示自己嘅誠意！」

館長好似滿意呢個答案，於是佢轉身離開擂台。然後，場館職員即刻走到擂台中為on9仔檢查傷勢，大家都非常專業。

完場之後，落返擂台嘅館長筆直咁走向我。

「雖然咁樣類比唔係完全正確，但係我想你知道，要斬斷悲傷、麻煩嘅連鎖，有時候係需要震撼教育。」館長舉起拳頭再講：「當人唔能夠依靠說話去阻止傷害發生，我哋做到嘅就只有用拳頭去保護自己。阿妹嘅拳只係將無限輪迴嘅鎖鏈打斷。」

「邊到相同？你哋打拳場係喺雙方都同意下嘅情況進行。同埋倩兒幪咗面，對方未必知係佢出手，最後可能乜都唔會改變。」我試圖反駁。

「你前女友打阿妹時又有冇經過佢同意？阿妹只係喺同一個情況下對佢哋出手，既然對方默認咗唔需要得到對方同意都可以打人，咁畀人報仇嘅時候佢哋就唔好再怨天怨地。就算阿妹幪面，只要佢哋知道有人會係佢哋蝦蝦霸霸嘅時候對付佢哋，佢哋自自然然就會收斂。」館長講。

館長嘅推論根本無反駁嘅餘地。

報仇只會帶嚟空虛呢啲廢話我一直都唔同意，但係我嘅道德潔癖仲未消除到。

「但係……」其實我無理據反駁，我只係想講句「但係」。

「聽我講。如果頭先我唔肯對打，由得佢喺度繼續大吵大鬧，你覺得佢會點？」館長問。

「佢會得寸進尺，更加多時間上嚟搞事。」我答。

「道理就係咁。一次震撼嘅回憶同教訓就可以令到人學乖，知道有乜嘢對象唔可以招惹，又或者有咩事唔可以做，同埋有啲嘢做咗係會有後果。阿妹令到你前女朋友知道欺凌人嘅話係會有機會畀人報仇。呢個教訓會令到佢唔再去傷害其他人，唔止係阿妹一個，係所有被欺凌者。最終呢個欺凌嘅連鎖至少唔會喺佢哋兩個之間再出現。當武力成為唯一出路嘅時候，反對用拳頭去解決問題嘅道德潔癖只會係負累，亦只會係助長欺凌者嘅武器。」

館長除咗幫我健身，亦都幫我健心。

無謂嘅道德潔癖好似變得有啲模糊。

健身健心

吃屎哥

推

篇文唔係咁簡單

館長有智慧啊

推推

抵男豬戴綠帽
成個人柒吓柒吓咁
On9大愛左膠

「我好似明明地。但係你唔係一直都話學拳並唔係為咗蝦蝦霸霸，點解倩兒今次嘅行為你又接受到？」

習武之人嘅理念係止戈為武，拳頭係為咗保護自己而唔係為咗傷害其他人而存在。就算倩兒今次係反擊先出手，但係打到對方咁傷真係有啲踩界，完全見唔到佢點到即止。

「因為佢係為咗保護自己而出拳。同為咗傷害人而主動出手有本質上嘅唔同。你要記住，佢等咗五年先出手，佢絕對有資格還返五年嘅分量畀人。」

估唔到館長會認同倩兒。

「我好似諗通咗。」

五年分量嘅反擊。

保護自己。

道德潔癖助長欺凌者。

或者，大部分人嘅道德潔癖係不知不覺間助長咗好多唔公平嘅事發生。

「學拳除咗想你有肉體上嘅成長，我更加希望可以你會有思想上嘅昇華。」

館長由心而發咁講。

「知道。咁今日練乜嘢？」

我感恩識到呢個師傅。

「今日唔使練。你去氹番阿妹先。佢嘅行動始終同社會嘅制約有所出入，唔係個個人都可以明白佢，而佢好需要明白佢嘅人成為佢嘅支柱。我諗阿妹雖然已經報咗仇，但佢對自己行動都仲係有啲不安，需要人支持佢。」館長拍拍我肩膊。

倩兒好需要人支持，呢刻嘅佢或者對自己嘅決定感到迷惘同不安，作為佢唯一嘅朋友，只有我可以成為佢嘅救贖。

係館長嘅目送下，我離館回家。

【第二十六話 完】