與我同屋嘅女同學打到帽我嘅ex躺平//《同居女孩》

館長望望我再講：「你去練胸同三頭，之後再練正拳同肘擊。」

館長又叫我自己去練。

「係嘅。」跟住我就自己去練肌肉，而倩兒就跟館長學防身術。

好快過咗一個半鐘，第一次練拳嘅倩兒已經累到攤咗喺地膠到。

館長行埋嚟篤一篤我個胸，點點頭。然後，佢望向倩兒講：「第一次嚟講你算係咁。記著，防身術或者武術只係為咗保護自己或其他人而存在，永遠唔好主動撩事鬥飛。」

倩兒若有所思咁答：「明白。之後我可以學其他格鬥技？」

「你有興趣？」佢肯學，我高興都嚟唔切。

「打拳發洩到好多壓力。」倩兒用率真嘅眼神望向我，再講：「同埋館長講得啱，只要出手反抗，施襲嘅人先會學識收斂。」

倩兒心意已決，我都想可以保護自己，所以我話：「學費我幫你搞掂。」

「唔驚我當你搖錢樹？」倩兒笑住講。

佢笑！倩兒竟然笑！我好想拎電話出嚟影低呢一刻，但係我雙眼離唔開佢嘅臉龐。

「咸濕佬，望夠未？」倩兒又變返平時嘅冷酷模式，我後悔無影相。

「靚仔，阿妹好有天份，學多幾堂，佢打死你都似。」館長插嘴。

「唔係掛。」樹熊咬葉.jpg。

「你好自為知。你哋下個禮拜睇下搵唔搵多幾日過嚟玩下。」館長講完就走咗去搵其他學生。

「我想之後逢星期二四六都過嚟。」倩兒同我交代。

其實佢唔使特登同我講，佢鍾意嚟咪嚟，不過見到佢咁有衝勁我都好高興。

「你聽日起身再諗清楚啦。」第一次打拳嘅人，第二日一定會全身酸痛到出唔到街。

【第十八話 完】

【第十九話 雞胸】

帶倩兒去打拳嘅翌日係星期日，所以我瞓到晏晝先醒。

出乎意料地，倩兒仲喺房到，無出到去探佢阿媽。

我諗佢應該係肌肉酸痛到起唔到身，所以我過去佢到敲敲門睇下佢點。

「咯咯。」

「咩……事？」倩兒好似咇屎咁咇咗兩隻字出嚟，睇來我估中咗，佢真係肌肉痛到落唔到床。

「使唔使買啲嘢食畀你啊？」我隔著道門問。

「唔……洗。」佢又好辛苦先咇到兩隻字出嚟。

既然佢逞強，我就忍唔住要戲弄一下佢。

「痛到落唔到床喎。」

「卟。」房內傳出跌嘢嘅聲音。

「我……只係想瞓多……陣。」倩兒勉勉強強先講得晒句嘢。

「下午時段都仲眼瞓？」

「少少。」

「唔玩啦，我買啲嘢你食，食完你再去探媽媽啦。」佢太倔強，我就放過佢一次。

「都話……我無嘢……」

「你唔食嘢邊有力起身去探你阿媽呀？」我動之以情去氹氹佢。

「⋯⋯⋯⋯好啦。」倩兒沉默咗一段時間先屈服。

「我幫你決定食乜啦！」我講完就落樓下踩單車去買兩個阿活紅米雞胸飯。

高蛋白質、有碳水又有纖維，雖然隔咗日，但如果佢真係想繼續打拳嘅話，我就要餵佢食多啲蛋白質。

我返到屋企嘅時候，倩兒已經坐咗喺飯檯到等我。

「點呀，係咪成身都好酸呀？」我一邊拎啲飯出嚟一邊講。

「係。」倩兒有啲怨氣咁睥住我。

「但係有無覺得爽先？」

「你M底？痛就爽？」倩兒嘅眼神變到死魚眼咁。

「唔係呀！呢種酸痛就係你身體成長嘅象徵！肌肉撕裂咗先會咁酸痛，肌肉修補好嘅時候你就會更強壯！」我彎一彎手臂去展示二頭肌。

「你果然係變態。」

「無你咁好氣。食啦，雞胸飯，好高蛋白質，對修補肌肉好有用。」我打開晒兩盒飯。

倩兒見到盒飯嘅眼神就好似見到垃圾咁，厭惡指數爆棚：「狗糧？」

「好食架！佢個羽衣甘南汁都好正哋！雞胸都好嫩口，你試下先再講啦！」無人可以係我面前講紅米雞胸飯嘅壞話。

無其他嘢好食嘅倩兒只能夠迫住食佢口中嘅「狗糧」。

倩兒切咗細細舊雞胸出嚟食咗一啖之後就瞳孔放大，耳仔又郁下郁下，睇嚟呢個飯比佢想像中好食。

「好食呢？」我問。

「一般般⋯⋯」個衰妹仲要死撐，不過見佢食得咁開心，我都無再調戲佢。

阿活紅米雞胸飯世一！

【第十九話 完】

大快活廣告文？

Lm

蛋白質

推推

推推推推推

推

精其實唔係好多強白質

推

【第二十話 坐我車】

食完飯之後，倩兒就一拐一拐咁行出門口。

「去醫院？」我問。

「係。」

「你咁樣有排都去唔到，我車你去啦。」我搖一搖同寶馬車匙（玩具）鎖匙扣放埋一齊嘅單車鎖匙。

「你未夠18歲都有車牌？」

「你又知我未夠？放心啦，我手車幾好架。」

「咁拜托你。」

我同倩兒落地到下之後，佢問：「你㗎車泊咗喺邊？」

「呢到呀。」我喺單車停泊處拎我㗎戰驅出嚟。

「呢㗎？」

「呢㗎。」

喺倩兒確認緊嘅時候，咁啱有一個黑人經過，佢聽到我哋嘅對話就睥到我哋實一實。

「上車啦。」我無視個黑人，騎上㗎單車再叫倩兒坐上後座。

倩兒有啲唔情願咁坐上嚟。

「攬住我條腰。」

「你果然係變態佬。」

「為安全咋！你快手啦。」我講完之後，倩兒就勉為其難咁攬住我條腰。然後踩踩下佢就成個上半身挨咪落嚟。

正呀喂！

終於可以食到波餅。佢對波仔貼到我背脊實一實，咁樣真係難能可貴。為咗享受多陣我決定減慢車速。

「你係咪特登減速？」倩兒冷不勝防地問。

「係。」我直認不諱。

「你真係咸濕佬嚟。」雖然佢咁講，但係佢無收返起對波，任由雙峰貼住我背脊。

穿過咗幾個隧道，我哋終於去到將軍澳醫院。

「我上去，你有事可以走先。」倩兒講。

「你探完就打電話畀我啦，我去體育館做gym。」將軍澳醫院附近就有個康文署gym room，我做住等佢都得。

「OK。」倩兒講完就去咗探老母。

又搞咗陣，我做完gym去埋東港城買完蛋白粉，佢就啱啱好打嚟同我講走得，咁我就去醫院正門等佢。

然後踩踩下佢就成個上半身挨咪埋落嚟。

推～多謝樓主～

正呀 有甜 倩兒咩cup

「伯母還好嗎？」我禮貌上問下。

「住醫院有幾好？」

「⋯⋯」

「都幾有精神。」倩兒主動打完場。

跟住我哋又踩單車返屋企，蛋白粉就大大罐咁棟咗喺車頭嘅購物籃到。今次，倩兒無攬住我而選擇咗打側坐。

「啲蛋白粉買畀你，如果你仲想練拳嘅話，飲下會好有幫助。」

「又蛋白質。」倩兒抱怨。

「你仲想唔想打拳呀？」

「想。」

「咁就好。」呢份禮物唔會浪費。

「我以後二四六會過去打拳。」倩兒講。

佢都幾有熱誠。

「咁我都呢幾日過去。」

出到海傍，海風突然刮起，倩兒嘅秀髮打係我臉上，都幾香。

「多謝。」倩兒放輕聲線咁講。佢以為細聲我就聽唔到，可惜我有一對順風耳，所以我大大聲答佢：「唔洗客氣！」

我嘅聲線好似有啲太大，嘈到Donki入面有幾個客人都望出嚟。

「你係咪傻㗎！」倩兒第一次係我面前咁激動，佢仲一掌拍落我背脊到。

「哈哈！」我就笑到停唔到，我唔知笑乜，但係就笑得好開心。

【第二十話 完】

推

有冇男女主概念圖
唔知點解我腦入面男主係signal wong可唔可以幫我清除呢個印象

Push

推