300日浪遊到南極，直到世界盡頭（IV）

大家好

四年前某日，我問女朋友，你最想同我去邊度旅行？任你揀一個地方，我帶你去。當時我以為就算唔係講日韓台，你話去瓦努阿圖都大我唔到。點知你竟然話要去南極。我真係諗都冇諗過呢世人會去呢度。

呢個答案，擊中咗窮撚嘅死穴

但作為女神心中完美嘅男神，冇理由即刻就Bam，所以我走咗去搵究竟去南極要預幾多銀兩皇天不負有心人，比我發現咗原來呢個世界有樣嘢叫last minute南極船飛

就係噉，我地踏上咗一個為期三百幾日嘅旅程，路線係噉：
香港－內蒙古－蒙古－俄羅斯－愛沙尼亞－拉脫維亞－立陶宛－波蘭－烏克蘭－土耳其－伊朗－希臘－保加利亞－羅馬利亞－塞爾維亞－波黑－克羅地亞－斯洛文尼亞－意大利－瑞士－法國－盧森堡－德國－古巴－墨西哥－伯利茲－哥倫比亞－厄瓜多爾－秘魯－南極－阿根廷－智利－秘魯－玻利維亞－阿根廷－烏拉圭－巴西－葡萄牙－摩洛哥－突尼西亞－埃及－香港

一啲印象都冇？唔緊要即刻追返舊Post：

直到世界盡頭 https://lihkg.com/thread/436262/page/1
直到世界盡頭（II）https://lihkg.com/thread/535194/page/1
直到世界盡頭（III）https://lihkg.com/thread/1958353/page/1

首先講聲唔好意思，呢份遊記一寫就寫咗幾年由最初一路旅行一路寫，去到後來電腦壞咗叉唔到電迫住去完先繼續寫，到重新返工回復返營營役役嘅生活，有一段時間因為冇咗當時嘅感覺，覺得寫唔返好睇嘅嘢出嚟，就索性擺低咗有時係冇心情，有時係懶，點都好，都算係爛咗一半尾

直到最近屎忽痕走去行麥理浩徑，意外得到好多巴絲嘅支持，連呢啲濕鳩Post都爆到1001，真係幾開心
［行路撚］麥理浩徑全走！https://lihkg.com/thread/2449820/page/1
［行路撚］麥理浩徑全走！（2）https://lihkg.com/thread/2450969/page/1

嗰種當時旅行寫Post然後追睇大家回覆嘅興奮又返返嚟。雖然行麥徑真係唔特別，但我好似搵返一啲失落咗嘅嘢。再睇到隔離絲打嘅長途遊記，原來佢哋都有睇我當時嘅Post，結果到佢去完返嚟我都未寫完雖然我未至於會令到其他人出發咁誇張，但我自己都成日睇前人嘅遊記，以生命影響生命我係絕對相信嘅。

我其實已經靜靜雞再寫返本身諗住喺舊Post繼續就算，但一連出咗3日，發現沉得太耐個Algorithm係唔會推返個Post上嚟，自己同自己單機真係屌唔住所以今次真係需要大家幫幫手，唔好嫌棄，繼續收睇我嘅旅程


女神都變咗老婆，即刻追Post
仆街啦仲想呃我中伏（今次真係唔會爛尾，唔好負皮）

上一個Post提到喺墨西哥城鳩遊咗幾日。作為一個多元嘅城市，除咗有古蹟有公園有地攤，自然都有文化藝術。


呢日就揀咗喺當地好出名，亦都好多遊客慕名而去嘅Frida Khalo博物館。門口已經人山人海了。


對於Frida，我就當然係聞所未聞嘅但老婆女神就係食畫大嘅，佢話呢個女人係墨西哥一個好出名嘅畫家，當時佢同我介紹佢係畫啲咩咩主義嘅，但我都唔記得晒（好垃圾嘅介紹）。唯一記得呢，就係佢有個好傳奇嘅婚姻。


就係佢了（Source：Wikipedia）

喺佢22歲嘅時候，就因為向一個前輩請教畫畫上面嘅嘢，就識咗當時42歲嘅另一個藝術家Diego Rivera，冇耐就結咗婚。嗰時諗住Diego一定係好撚靚仔，先可以食到學生妹，點知一Search，原來係噉嘅樣。


（Source：Wikipedia）
Diego娶Frida嘅時候，仲要已經結咗兩次婚，Frida係佢第三個老婆

當時Frida老母都唔係太滿意呢段婚姻，始終自己個女咁後生，就要嫁比個肥鳩。但Diego有樣嘢好緊要，就係佢有米。因為Frida本身都長期睇開醫生，又掛住搞藝術唔做嘢，需要一個有錢嘅老公嚟幫補吓，所以Frida老豆反而係比較支持佢哋。

後來佢哋結咗婚十年，都係離婚收場。不過離婚冇耐，又翻撻返，隔咗一年又結第二次了第二次仲Keep到十幾年，直到Frida個肺血管塞咗死鬼咗。Frida睇嚟唔止畫畫勁，仲有辦法令一個離咗兩次婚嘅男人停落嚟，都咪話唔簡單。

喺Frida去世一年之後，Diego已經娶咗第四個老婆

喺Diego好撚勁噉溝晒全世界啲囡嘅時候，我就只係識得對住啲畫急屎，於是睇到一半就去咗廁所。去去吓嘅時候，比我發現咗原來墨西哥城喺廁所科技方面都好有研究。一個小小博物館入面嘅一塊廁板都有按摩功能。會識得隨咗你嘅大便前後移動，好高科技。

所以我去旅行嘅時候，都好鐘意參觀人哋廁所嘅建築。喺嚟到墨西哥之前，我都係比較鐘情日本酒店嘅廁所，東京沖繩嗰啲大家都好熟，成日有啲電熱暖廁板，又可以洗Pat Pat。但估唔到墨西哥已經去到幫你Pat Pat按摩，好撚高瞻遠矚唯獨有啲奇怪嘅係，明明冇制比我㩒，點解會郁？

隔咗幾秒之後，佢又搖多一次，先知道唔對路了原來唔係廁板搖，係成個屎塔以至整間廁所都搖緊，根本係地震嚟屌你老母

聽到出面開始鬼殺咁嘈，同埋真係震到坐都坐唔穩，未經歷過地震嘅我都有啲手足無惜。嗰時喺度諗，萬一個天花冧咗落嚟，我咪成為活埋喺墨西哥公廁嘅一個柒頭究竟呢個時候應該點做

冇事嘅，忟屎，着返條褲，從從容容噉行返出去
保命要緊，屎都唔忟，露住碌鳩即刻出去啦傻鳩

LM

最後唔知哪來的勇氣，揀咗忟屎着褲，好彩冇冧天花


出到嚟，已經愰完隔世。老婆好似想喊覺得我仲咁耐先出嚟，以為我死撚咗喺入面。但係唔着褲又真係接受唔到喎

博物館嘅結構都好穩，應該只係跌爛咗啲展品，冇人受傷，有人喊咗出嚟，有人相擁，職員維持秩序。


有人好似我噉，影低歷史一刻。


跟住職員指示喺呢個稍為空礦嘅花園等咗一陣，啲餘震都震得七七八八，就慢慢離開了。


行返出大街，發現周圍都係人。連西裝友都行晒出嚟。先知道頭先一震，震到成個墨西哥城嘅Metro都停咗電。


啲交通燈都唔係好work，好多市民衝出嚟做人肉交通燈指揮啲車，亂中有序。


斷估都好多公司電力收咗皮，所以全城都湧晒出嚟放工，氣氛反而幾喜慶應該得返黎生會留喺office


H&M冇咗中國市場仲有墨西哥


雖然好多人冇事，但沿途行都見到有唔少地方受到重創。


行咗兩個幾鐘先返到住宿，見到間屋啲嘢冧晒落嚟，而個Host仲未返到。希望佢冇咩事睇返電視先知，原來啱啱經歷咗一場7.1級嘅地震，震央仲要係極近Mexico City嘅Puebla。

後來睇返，嗰日地震死咗三百幾人，其中我哋當時身處嘅墨西哥城就死咗228人

當晚睇電視見到好多路都震到裂晒，連出入機場嘅路都唔例外，加上噉嘅環境都唔太適宜再留低玩，阻住人哋救災。連埋舊Post提到嘅，喺墨西哥前前後後留咗18日，都只係窺探到呢個國家嘅好少部份，但回憶都好多，亦都好有信心終有一日會再返嚟。我哋Check清楚航班冇影響，仲有辦法去到機場，就馬上訂咗機票第二日即刻離開，正式向我哋今個旅程好期待嘅南美洲大陸進發。

如果比大家去南美洲，第一站會去邊呢？

我follow左樓豬
見你開新post，順便碌返你舊post recall一下記憶
然後就睇倒咁既內容

按摩廁板
原本見上面真係以為咁高科技

lm

樓主番黎啦

樓主執返條命

終於等到樓主繼續出環遊世界post！留名支持
你南美洲第一站係...哥倫比亞？定厄瓜多爾？

唔準再爛尾

話咁快已經坐咗上飛機。

仲記得當日喺伊朗同Toni，Nicole分別嘅時候，約定咗要喺南美洲相聚。（詳細請睇返直到世界盡頭（II）#410：https://lihkg.com/thread/535194/page/17 ）
知道佢哋都同我哋差唔多時間去咗南美洲，都有諗過直接去搵佢哋，而佢哋嘅第一站就係厄瓜多爾嘅基多。但買機票嘅時候諗起好耐之前喺拉脫維亞里加嘅Hostel入面有一位英國遊客千叮萬囑，叫我哋去到南美洲一定唔可以錯過哥倫比亞，呢個佢去過最鐘意嘅地方，我就一直念念不忘。雖然只係一次好普通嘅對話，但一個萍水相逢嘅人喺歐洲叫一個亞洲人去到南美洲一定要去某個地方，就叮着咗我嗰種命中注定嘅感覺。即使最終中伏，都覺得要去睇睇先安樂。

可惜一落機，感覺已經唔是太好

喺哥倫比亞首都波哥大（Bogotá）嘅機場唔太搵到公共交通，我哋就問吓啲機場的士，又Check吓Uber咩價錢。同好多地方一樣，通常Uber都會平啲，於是我哋就同的士司機講唔使啦，就行開咗。但架Uber等極都唔嚟，明明睇App見佢駛咗埋機場，之後又駛返出去，唔知係咪遇到咩問題。等咗好耐，搞得嚟不如搭返的士算。點知我哋問返頭先嗰個的士司機，佢已經加咗我哋價。

我 的士司機
我：頭先唔使呢個價架喎
的：而家貴咗啦。通漲呀
我：10分鐘通咩漲
的：好出奇呀咁你搭唔搭呀？
我：唔搭啦屌你老母

於是我哋走去問後面嗰架，點知佢開個再貴啲價呢啲係對待遊客嘅態度咩

長途旅行有嘅就係時間，只要肯等，Uber始終都係會嚟。

波哥大係一個山城，雖然講高原通常都唔會計佢，但海拔都去到2600m，比起平均2200m嘅墨西哥城再高一啲。雖然只係上升咗幾百米，但出發前睇嗰個醫生提過，部份人2500左右就有高原反應，所以當時未去過高原地區嘅我提自己要好小心，連行快兩步都唔敢。

結果第一日就坐䌫車上多咗幾百米

作為南美洲人口第三大城市（巴西聖保羅＞秘魯利馬＞哥倫比亞波哥大），預咗要迫。


波哥大嘅城市景。


好識揀地方起教堂


遊客商店，如果明知昆水都會幫襯，噉仲算唔算昆？


行返落山都好舒服

後來有次去以色列，發現唔單止喺俄羅斯搵到猶太人嘅足跡，原來有好多講俄文嘅猶太人因為由蘇聯走難去咗以色列。講俄文嘅人有成百幾萬，佔咗成個以色列接近兩成嘅人口，係好誇張嘅比例。所以雖然俄文喺以色列冇官方地位，但街上面間中有告示係四語並列（希伯來文，阿拉伯文，英文，俄文）。猶太人同莫斯科嘅關連都幾深，可能有啲似香港人同倫敦、溫哥華差唔多

以為Diego嗰時就係喺上面Un

兩個地方都有諗過，最後揀咗哥倫比亞

多謝你由第一個Post嘅第一頁追到而家

LM，由第一個po追到而家，希望唔好再爛尾

波哥大隨處可見嘅係塗鴉。只係有塗鴉嘅地方多數都係比較窮嘅區，連當地人都會提醒我哋唔好亂咁行。



穩陣起見我哋Join咗啲Local Tour。其實我哋都冇特別報名，不過一路上都有唔少，行埋去問吓個Guide介唔介意一齊聽就得。最緊要散Band時比返Tips


唔聽唔知，原來波哥大嘅塗鴉咁盛行係有段故。

同好多地方一樣，2011年之前波哥大嘅塗鴉都係非法，就算要畫，都係偷偷哋畫。當時有個叫做Diego Felipe Becerra（全個中南美洲有幾多個Diego）嘅細路仔喺條隧道入面噴油塗鴉。有黑警見到就想拉佢，之後唔知點解咁大仇口，一槍打撚死咗個𡃁仔媒體報咗出嚟之後，黑警就話呢個16歲嘅男仔唔係普通人，係有武器喺身嘅劫匪，即係恐怖份子嗰啲Fd，所以一槍打死佢係冇．做．錯．到！但波哥大人唔係藍絲，唔會信呢啲戇鳩講法。結果激起咗全城嘅大塗鴉行動。社會出現咗塗鴉唔係暴徒，同埋追究黑警嘅訴求。仲搞到連聯合國嘅人權理事會都出聲譴責黑警。


始終政府都係民選出嚟，為咗平息風波，當局炒咗個黑警之後政府順晒推動埋塗鴉合法化，甚至用錢鼓勵一啲出名嘅藝術家帶頭塗鴉。之後先演變成今時今日嘅塗鴉盛世。好多屋企同舖頭會特登請人返嚟畫靚自己幅牆，就算本身興趣唔大嘅都會請人返嚟畫，因為自己唔整最後就會比啲唔識畫嘅人搞得好核突

今次好有決心

LM 再次希望唔好爛尾

四圍行多咗陣。


市中心都唔少得呢啲銅像。呢個Bolīvar係乜水呢？原來佢係哥倫比亞由西班牙獨立出去嘅英雄。好多有錢人都鐘意奶權力，或者話唔奶好難上到位，但呢位Bolīvar就係例外。佢出身喺委內瑞拉嘅一個上層家庭，細細個就比屋企人送咗去西班牙，後來搬去法國，受到當時嘅啟蒙運動思想影響，就返咗老家推動哥獨，成功建國。其實嚴格嚟講都唔係哥獨，而係一個叫Granada嘅國家，範圍除咗哥倫比亞之外，仲包括今日嘅巴拿馬，部份委內瑞拉同秘魯等等，所以佢嘅影子喺不少南美國家都見得到。

喺波哥大避免太夜返歸，五點幾就已經去咗食晚飯。

好多時都係雞飯、豆湯。

都未食完，就見到佢哋開始落閘，餐廳點解會咁早閂門呢？

一向都唔鐘意阻人收工，見佢收檔，拿拿林飲埋碗湯就走，出到去發現條街明顯少咗好多人。好多本來有開門嘅舖頭都落咗閘。周圍仲多咗啲著得比較暴露嘅女郎

人算不如天算，以為五點幾食已經早咗，點知一到六點鐘成條街氣氛變晒。連當地人都收舖唔做生意，真係不宜久留。嚟哥倫比亞之前都問過一啲旅途上遇到嘅Experienced travellers有冇咩要注意，其中一句記到而家：when you don't feel safe, take taxi, don't walk. 雖然喺機場有唔愉快經歷，但我哋都決定搭返的士，早啲休息，聽朝再出嚟。

問題係，如果的士司機有問題，噉應該點

每去到一個城市好似都例牌要睇博物館噉。波哥大就揀咗黃金博物館（El Museo del Oro）去參觀。


哥倫比亞係出名盛產黃金嘅國家，早喺西班牙人嚟殖民之前，當地嘅土著已經用黃金做好多藝術品。呢個博物館就收藏咗好多唔同時代嘅金器。


諗起上個星期先有一單新聞係講哥倫比亞有個金礦爆炸，有堆礦工埋咗喺入面，都唔知出唔得返嚟 就知道呢個國家嘅金礦挖咗成千年都仲喺度。成日講哥倫比亞毒梟，其實佢哋走私黃金更加嚴重。應該話好多南美洲嘅地方都有呢個問題，唔少金礦其實係比啲武裝團體控制住，用啲非法移民嘅工人去開採，又買賣啲童工，同埋有好多妓院喺附近比啲礦工解決需要，完全係血鑽石嘅黃金版


仲有好多亞馬遜嘅雨林因為開採金礦嘅原因而比人斬晒啲樹。喺提煉黃金嘅過程用嘅水銀又做成嚴重污染。因為啲金礦嘅位置太過偏遠，打擊嘅難度好大，導致非法嘅金礦比起合法嘅仲要多。亦都好難去追踪究竟啲金係咪走私返嚟，令到整個行業變成洗黑錢嘅手段。以前睇過一篇報道，話聯合國有報告講做呢啲非法金礦生意嘅人賺得比起販毒更加多。閃耀嘅黃金背後都有好多問題。

當然呢啲都唔係博物館講嘅。但有時就係對個館嘅嘢冇晒印象，反而有啲自己無聊走去搵嘅嘢就入咗腦一路記住。噉又算唔算係個博物館話比我知呢？

唔經唔覺喺波哥大過咗幾日，女神間中都話有啲頭暈唔舒服，去到呢日直情嘔埋出嚟，唔係好妥。同Airbnb個房主講完，佢就提議不如Call個醫生上嚟睇睇佢。原來呢度唔興自己去門診，多數有事係直接叫醫生上門診症。因為佢有買醫療保險，所以上門都唔使錢。其實我唔係好明，啲保險唔係應該計個人架咩，點解佢買咗保險，但係我哋睇醫生都唔使錢

可能佢叫個醫生寫佢個名？既然佢話唔使比就唔理了

醫生嚟咗之後，睇咗兩睇，就話女神係腸胃炎，同埋叫佢即刻除褲頭先仲讚緊呢度嘅醫療真係一流，有得上門，但點知都係奇奇怪怪。我哋兩個都呆咗，究竟做乜事要除褲呢？乜腸胃炎要探肛架咩

笑死 爛尾數一數二出名 樓主

除褲找數
保險唔駛錢，要肉償

女醫生嚟

靚過佢少少
如果男醫生我就大喝一聲趕佢出街啦原來個醫生覺得既然作嘔，就打返支止嘔針最有效。真係各處鄉村各處例，正路唔係食止嘔藥就得喇咩同埋點解唔打手要打Pat Pat

打完一支，個醫生就拎多咗兩支出嚟，都冇解釋清楚就拮埋落去實在係冇乜信心，於是即刻拎個針筒嚟望一望，再查一查就發現只係啲胃藥嚟。根本就係好似中國啲醫生噉亂嚟，中國就係咪都打點滴，呢度就乜鳩都打Pat Pat。

由於係上門診症，佢都唔會有藥喺身。個醫生寫低咗張藥單，就叫我哋自己去藥房買藥，成日聽嘅醫藥分家就係噉樣西班牙文嘅醫生體我就梗係睇唔明，拎咗去附近間藥房買咗成堆藥返嚟，不外乎都係啲止痾止嘔藥同抗生素。對於佢腸胃炎嘅判斷其實我半信半疑，我食一樣嘅嘢但又乜事都冇，同埋腸胃炎照計唔會頭痛。

雖然藥照食，但我同時覺得有機會係高原反應。講開哥倫比亞有咩海拔比較低嘅地方，個Host提議咗一個叫San Andrés嘅渡假小島比我哋。

係一個遠離哥倫比亞大陸嘅嘅外島。

可惜Check完發現機票有啲貴，同埋估計嗰邊嘅風景同喺伯利茲同墨西哥見到嘅相差唔遠，所以就冇去到了。而家諗返如果再比我揀，可能會去。當時覺得好貴嘅錢，到返返工之後其實都係好快儲得返，反而機會錯過咗就唔知幾多年後先有機會再去再搞多幾次武漢肺炎真係要等下世

最終選擇咗北部嘅海邊城市Cartagena。

比次機會