300日浪遊到南極，直到世界盡頭（IV）

多謝你，希望你新工開心

好榮幸見證你呢個人生里程碑

睇完你都考慮第時去果邊玩

比Punta Del Este嘅沙灘上嘅音樂轟炸咗一晚，第二朝慕名去到呢度一個幾出名嘅地方，有南美洲Santorini之稱嘅Casapueblo。自從去咗布宜諾斯艾利斯，到烏拉圭，一路上都唔知聽咗幾多個南美巴黎、南美瑞士、南美乜乜乜。雖然感覺到佢哋介紹呢啲地方嘅時候多少有啲自豪，但用得呢啲名就始終有種比唔上歐洲、未係最好嘅感覺。


呢座Casapueblo既係酒店，亦係一座博物館，係由藝術家Carlos Páez Vilaró花咗36年時間先起好。幢嘢靚唔靚就見仁見智，我就覺得同希臘嘅Santorini冇乜可比性，無謂拉埋一齊講呢間嘢最大嘅亮點，係呢位Carlos個仔Carlos Miguel，原來正正就係上次喺Montevideo博物館介紹過嗰場空難嘅生還者之一嚟


Casapueblo某程度上係對Carlos對佢個仔嘅一份心意。嚟之前都唔知呢間嘢同嗰單空難有關，知道咗之後不禁覺得世界真係細。而呢個倖存者今日仍然在世，變咗一位六十幾歲嘅伯伯。我諗佢都估唔到竟然會有個九唔搭八嘅外國人山長水遠嚟到呢度，唔知點解幾日之內分別喺兩個唔同嘅地方聽到自己嘅故事。


我哋帶住呢啲故事，離開咗呢個冇乜睇頭嘅Casapueblo，返去Montevideo同Mercedes佢哋道別之後，就離開烏拉圭，呢個短短哋玩咗五日嘅國家。


搭船返到布宜諾斯艾利斯嗰日，咁啱係我嘅生日。成個旅程嘅行程大致上都係由我計劃，我冇幫自己諗啲咩活動，亦都叫咗女神唔使咁麻煩。尤其係呢一年本來就係非常開心嘅一年，就算咩都唔慶祝如常生活已經開心到要死


喺Esteben屋企附近搵咗間牛扒店，用好撚抵屌嘅價錢叫咗份扒嚟鋸，慶祝自己嘅廿八歲，喺呢個南美洲嘅巴黎開始得如此美好。呢度啲扒份份都好足本，一人份基本都夠我哋兩個人食


喺布宜諾斯艾利斯呢段時間玩得咁開心，都要多謝Airbnb嘅屋主Esteben帶我哋去跳Tango，同埋比咗好多資訊我哋去玩。我睇得出佢都好鐘意我哋（啲房錢），知道我哋今次真係要走，都有啲唔捨得，話一定要送我哋去搭車。我哋祝佢快啲有人Book佢間屋嚟瞓，等佢月尾都仲有錢可以去同朋友飲酒


臨走前我哋向佢誠意推介呢度唐人街嘅超級市場嘅辛辣麵同出前一丁。走訪咗一堆南美洲嘅國家之後，發現呢度啲香港人食開嘅嘢算係最齊全雖然貴就貴啲，但都忍唔住買咗少少擺入背囊孭住。我諗佢一定唔明呢啲垃圾食物到底有咩咁值得食

終於有新

之後二星期後見

你對樓主咁有信心 我預一個月

半個月先出一篇

終於有文

阿根廷國土好大，城市同城市之間距離好遠，大城市之間嘅距離就更加遠到唔會想坐車。離開布宜諾斯艾利斯，我哋再一次坐飛機直接飛到千里之外，同另外兩個國家接壤嘅邊境之地伊瓜蘇港（Puerto Iguazu)。


作為南美洲最繁榮嘅都市之一，布宜諾斯艾利斯擁有唔止一個機場，我哋去烏斯懷亞轉機嗰個係EZE，而今次離開呢個係AEP。兩個機場之間相距幾十公里，如果唔揸車淨係搭公共交通，隨時要三四個鐘先可以由一個機場去到另一個，所以喺度轉機真係要睇清楚。


唔駛兩個鐘，就由國際都會去到邊疆小鎮。伊瓜蘇港係一個只得幾萬人住嘅細城市。嚟呢度嘅旅客都只有一個目的，就係嚟一睹伊瓜蘇瀑布嘅風采，我哋當然都唔例外。今次住嘅Airbnb嘅屋主，知道呢度交通唔似大城市咁方便，都提供埋接送服務直接由機場車我哋去屋企。


呢度嘅屋主係一對法國同西班牙嘅夫妻，男嘅三十幾歲，女嘅只係廿歲出頭，但佢就因為鐘意咗呢度嘅生活方式，好後生就扔低晒所有嘢嚟到伊瓜蘇港開民宿，帶人去瀑布玩，賺少少生活費就一日。呢度冇大城市嘅繁囂，只有濕熱嘅天氣同好多蟲，屋企門口有隻大蜘蛛喺度結網，夜晚瞓瞓吓會有大甲蟲喺地下爬嚟爬去，個感覺有少少似哥倫比亞北部嗰堆Hostel。如果旅行初期嚟到呢啲屋應該會幾唔慣，但經歷咗咁多個月，我哋呢晚都一如以往瞓得幾好，不禁幻想我哋會唔會有一日都可以好似佢哋一樣，玩玩吓就揀一個鐘意嘅地方停低，留低開民宿，過啲簡簡單單嘅生活？


第二朝一早我哋就出發去睇瀑布，伊瓜蘇瀑布出名到唔駛多講，人人睇完《春光乍洩》都知道去阿根廷一定要嚟呢度。但我嚟之前都唔知，原來除咗阿根廷，巴西都係呢個大瀑布嘅觀光勝地。呢個係同伊瓜蘇瀑布嘅地理位置有關。瀑布嘅水來自伊瓜蘇河，呢條河就係兩國嘅國界，河嘅兩邊分別就係阿根廷同巴西兩個國家，所以兩邊都各有一個收費嘅國家公園比大家欣賞嚟之前我都搵咗一輪資料，睇吓到底邊一邊值得睇啲，定係兩邊都要睇晒。似乎普遍嘅資料都話阿根廷呢邊嘅瀑布數量係多啲，比較壯觀，加上本身對呢邊嘅情意結大少少，就一於先睇呢邊再算


阿根廷伊瓜蘇國家公園嘅入口位於伊瓜蘇港以東十七公里。園區非常之大，首先可以坐一段火車入到去接近瀑布嘅區域，再沿住呢啲預設嘅步道喺瀑布群之中穿梭。要行晒所有步道再預留足夠嘅時間影相，一定要花足全日，好彩嘅係啲步道舖得非常之整齊，就算冇乜運動底子嘅人都唔會太辛苦。


第一個進入我哋視線嘅瀑布群雖然張相影唔到全景，但都可以見到個瀑布嘅水量係好驚人。喺嚟到伊瓜蘇瀑布之前，我只係去過之前厄瓜多爾Baños嗰種瀑布，出發旅行之前更加只係見過大帽山附近嗰個梧桐寨瀑布仲記得梧桐寨個瀑布號稱香港第一大瀑布，當時去到見到有一條細細嘅水柱喺高少少嘅地方射落嚟，不禁懷疑「到咗啦？」當然伊瓜蘇作為世界三大瀑布之中嘅天下第一闊瀑布，拎梧桐寨去比係好唔公平只能夠話極目望去睇唔到盡頭嘅伊瓜蘇加上環迴立體嘅澎湃水聲真係非常震撼。

邊有試過咁耐

慢慢睇更開心

支持樓主繼續出文

專登等5個月先再睇，而家又live左真係好正好好睇

推呀

終於有文，加速唔該

記得你啦

人呢

唔見人再推

千奴巴

last min 南極船飛即係點？

推

推