直到世界盡頭（II）

返咗香港啦

多謝支持

仲諗緊點樣解決呢個兩難嘅時候，上天已經幫我地搞掂咗。

德黑蘭作為一個八百幾萬人口嘅城市，雖然比唔上香港咁多水貨客，但論擠迫程度都唔低。即係係Masoud親自入巴士站幫我地買飛，都因為當晚所有去Yazd嘅巴士都滿晒座，失敗而回。

出咗嚟五十幾日，我地都未曾試過唔預早買飛就直接殺去巴士站，今次聽Masoud胸有成竹咁話唔會冇飛先第一次試，點知就出事了。我有理由相信佢根本幾十年冇搭過公共交通

當我以為佢可能會車我地返佢屋企時，佢就擅自幫我地揸咗主意，買咗兩張去另一個城市Isfahan嘅車飛出嚟。睇嚟佢今舖真係決心要送走我地 唔通我地呢幾日得罪咗佢而不自知

就係咁，我地係毫無準備嘅情況下就去咗Isfahan。

嗰陣都仲未講得有咩問題，只係知道好攰，好想快啲上車瞓返一覺。過咗一晚，晨早落車，先醒起呢度並冇Masoud個Fd子，但我地亦未Book任何住宿。個巴士站好荒蕪，冇Wi-Fi比我地搵住宿資料，我地冇Data卡上網，車站啲人亦冇一個識英文 一時間，竟然有少少灰機。

最後應該係靠Offline版嘅Google Translate，加啲身體語言，上咗一部的士叫司機車我地去一間近得嚟又平嘅Hostel。反正Hostel點都有Wi-Fi同有人識英文，去咗就算唔想住都會有其他辦法 估唔到就係咁樣，比我地喺嗰間Hostel認識到整個旅程中最重要嘅朋友，後來亦喺南美洲有機會再一齊玩

人生中嘅緣份，就係估唔到先至值得珍惜

對嗰一朝其中一個最深嘅印象，就係個太陽好猛。喺Common Area等緊入房嘅時候，部電話就咁放咗喺枱面已經熱到頂唔順



佢平時明明應該係咁樣㗎嘛


(Tunnel Of Love, Kiev, Ukraine)

一上到房，即刻開大冷氣瞓返個靚覺兼降溫。



話說呢間Hostel一開始比我地感覺唔係太好，因為一落車嘅時候已經見到有兩個歐洲遊客喺門口同個的士司機有爭拗，然後個Hostel老闆就咁喺隔離食花生，疑似縰容同胞呃錢。繼而老闆一開始話房錢10美金一晚，但到登記好晒資料收錢嗰時佢就搏懵收10Euro 如果一時鬆懈唔據理力爭就會比佢呃到

但點都好，總之最後就住咗喺呢度

wallpaper好閃

G持

繼續推~~~~~

尋日冇返屋企出唔到文，即將補返

賣身

咁係咪可以四個老婆

我都想好似洪褔咁

啲伊斯蘭國家都仲係可以，但首先要好有錢

試吓去毒遊

喺伊斯法罕（Isfahan），行嚟行去都係伊瑪目廣場，雖然佢係一個僅此於天安門嘅大廣場，但日日去，大極都總有行完嘅一日。呢個城市本身講唔算有趣，只係有Toni、Nicole同洪福同我地組隊，令我地過咗前所未有咁熱鬧嘅三日。洪福因為冇用WhatsApp，FB Account都一年未必online一次，自從過咗呢三日之後，就再冇聯絡 而Toni同Nicole即使同我地分別咗，仍然一直同我地交換旅遊資訊，直到南美再見同埋各自結束旅程返到香港澳門，都繼續有偈傾。估唔到當日因為買唔到去Yazd嘅車飛而流落到Isfahan，竟然令我地識咗兩個重要嘅朋友



酷熱嘅伊瑪目廣場。啲伊朗仔仔係會着住衫褲直接跳入水池。



後面修輯中嘅清真寺。



有啲係可以入去睇嘅，只要比入場費



喺德黑蘭錯過咗嘅靚靚清真寺建築，喺呢個城市就慢慢睇。



無論裹裹外外都好靚





寫喺壁上面嘅波斯文同啲圖案夾埋一齊可以話係渾然天成，毫無違和感

成個晏畫都係喺呢度渡過。唔記得有冇返去抖抖，總之夜晚又返嚟呢個廣場



睇唔到啲青青藍藍嘅圖案，但換咗氣氛，廣場就有另一番味道。



夜晚嘅伊瑪目廣場相當熱鬧，有啲似細個嗰時中秋節嘅屋企樓下咁，一班班人圍埋一齊傾偈煲蠟 （利申我唔煲，犯法架 ）



我地嘅華人樣實在太引人注目，仲要一行四個人咁多（洪福夜晚約咗人，冇同我地一齊出嚟，唔通識咗新囡囡） ，好快就引嚟咗一班伊朗人叫停咗我地

佢地全部都30出頭，但竟然仲搵得返以前中學一齊玩嘅同學，一齊出嚟慶祝一日嘅齋戒完畢 喺Masoud身上知道伊朗人好重家庭觀念，但原來佢地一樣咁珍重同學之間嘅友誼



畢咗業十幾年，竟然仲可以約到出嚟好青春咁野餐，食生果，飲可樂 喺香港，除非有人結婚請飲，唔係都幾難約到咁多人出嚟，仲要冇人介意公園多蚊，食嘅嘢唔夠豪華，又黑墨墨影唔到相打卡呃like

我地坐低咗之後，其實都冇傾太特別嘅嘢，round table咁介紹吓自己叫咩名，點解嚟伊朗，屋企有幾多兄弟姐妹（佢地幾鍾意問關於屋企嘅嘢，反而喺歐洲同新認識嘅人傾偈就少啲提及），職業係咩，十幾人一人講幾句不知不覺已經講咗好耐。

嚟咗伊朗幾日，漸漸適應咗每日不停被搭訕嘅節奏，無論係搭地鐵，行公園，坐Snapp（Uber），喺景點定係街頭，都會被人邀請傾偈。雖然有時會覺得冇咩好講，但都幾欣賞佢地呢種主動嘅熱情，令你覺得你唔係被當成單純嚟呢到消費嘅水魚，而係真真正正一個活着嘅個體 完全感受到嗰種背後嘅尊重

或者就係因為呢種對人嘅尊重，先令到佢地可以保持到同家人以及朋友間嘅緊密，三日一小宴，五日一大聚，感情歷久常新。我都祝佢地可以保持呢份情意，過多十年廿年仍然約到出嚟，做一世嘅朋友

文阿