300日浪遊到南極，直到世界盡頭（IV）

係利馬有地方住咁啦
真係好可惜,秘魯真係好多野玩, 淨係利馬已經夠玩幾日

巴打住南美好型希望我快啲有機會再去過

有咩型鄉下地方，物質生活冇香港咁好
但係好自由好多野玩有錢就咩都有得玩

btw依家住香港，遲下住唔落先走返去秘魯

嗰時真係有諗過搵辦法長居南美啲華人超市老闆話唔使驚搵唔到嘢做，啲南美人好懶，話香港人出兩三成力好快上手。但驚西班牙學得太慢。

巴打點睇

一日未完場一日都唔好放棄住。既然起飛前三個鐘會有人，我哋就轉頭再嚟過。


為免夜長夢多，今次我哋帶晒所有行李過嚟，如果班機有位，就提早坐28號呢班，早兩日去到。我諗應該冇乜人咁啱去阿根廷嘅。

等咗一陣，終於見到佢哋開工，好快就輪到我哋。我哋講完我哋嘅情況之後，佢哋就Check Check今晚班機，真係仲有位淨，即時出埋機票比我哋


今次應該冇其他嘢可以阻到我哋上船喇掛


寄埋呢個陪咗我哋半年嘅背囊過去，心情終於放鬆返。


雖然有啲波折，但上天都算對我不薄。做返次好心推阿伯過馬路比少啲考驗我OK？

追返I，發現樓主以下的預言就黎一語成讖

quote: 如果有一日，香港人流亡全世界，而又竟然冇忘記自己嘅地方，又捨得將啲錢用嚟周圍起博物館講自己嘅歷史。咁到時遊客就唔係嚟睇呢個，而係睇香港人被迫害史

而家諗諗吓隨時係中國一戴一露周圍開博物館講黨史

轉眼已到阿根廷。喺布宜諾斯艾利斯落機，要入咗境先可以轉機。過程都好流暢，首都機場一般都冇乜意外。


阿根廷首都有南美洲巴黎之稱，但我哋今次只係嚟轉機，等哋我去完南極再返嚟鋸扒



由萬里晴空嘅布宜諾斯艾利斯飛到烏雲蓋頂嘅烏斯懷亞，都要三個半鐘，可想而知阿根廷係一個幾大嘅國家。見到噉嘅天氣，隱隱有啲不祥預感。都係藍天白雲比較啱我。


半個鐘之後，印證咗我嘅預感。真係有啲事發生咗自問每一個步驟都好小心，諗唔到有咩位可以出錯。偏偏⋯⋯今次輪到個行李唔知去咗邊

我哋喺個行李運輸帶到等咗好耐，都唔見嗰兩個大背囊。就算寄失都冇理由同時失晒兩件丫。追問之下，原來係我哋犯錯。阿根廷轉機係要清一次關，即係我哋喺布宜諾斯艾利斯係要自己拎返件行李再Check-in過，而我哋唔知

真係輸經驗


地勤職員喺首都搵到我哋嘅行李，算係不幸中之大幸。如果真係唔見晒，我哋就真係變乞衣睇親人哋去烏斯懷亞啲相都係藍天加埋一堆雪山好撚靚嘅，得我哋先係世界末日噉灰矇矇。突然之間覺得好似返咗內蒙古嘅希拉穆仁草原，來回地獄唔知折唔折得返人間。

職員話唔使擔心，行李會跟下一班機送過嚟。因為30號嗰班取消咗，快則聽日29號，慢則31號。但我真係放心唔落，因為呢幾日已經黑仔到想像唔到其實啲職員幫我哋嘅時候幾有耐心，但我嗰時應該禮貌麻麻，真係唔好意思


我哋啲羽絨、Fleece全部喺晒個大背囊度，好彩唔知做乜將飛機上面將瞓覺毯帶咗落嚟，於是就用佢笠住個頭，喺體感負1度嘅街頭前行。


Bienvenido a Ushuaia.

巴打，睇返你既遊記，好似自己再去一次，傻事不斷發生，但當年旅程學識左凡事總會解決到，無論係你講既Huaraz行山，定係南極船票 
繼續留名支持 

尋晚發現咗呢個PO
依家仲係睇緊(1)
追到LIVE再講

好鍾意樓主間中喺遊記入面提一啲平時唔會諗，但係其實值得思考嘅問題
e.g. 當我地冇咗份工，唔係為咗緩解生活壓力而出走，呢個時候旅行對我地嘅意義係咩?

推

南美人係好很懶，呢邊出糧係逐個禮拜計，分分鐘出完下個禮拜會唔見人，到洗晒d錢又出返黎R返你

另外華人工資一般比南美人高

至於西文，文法方面識英文就識西文大部份文法，淨低既就係記字（其實連字都好似）

例如
a=to
y=and
para=for
el/la =the
en=in/on/at/about/by...

(yo) voy a la escuela en autobús
I go to school by bus

至於居留權，你帶副身家過黎開間舖頭仔，有d業績搵到下食就有申請到長居嫁啦。又或者，打下工做工作簽，搵腦細保你做幾年就有長居

以前追到放棄左，加油！
最後用左幾多錢？

我自己寫返都覺得好似再去一次

不過好多時都冇答案
重睇抵錫

多謝支持

係阿根廷聽啲華人超市老闆都係噉講，一星期出一次糧，甚至未返工已經要借糧

記得之前有提過，重睇

每人十五萬左右

留名

啱啱先發現呢個post，即時追曬post 1
諗起讀書嗰陣一邊返part time 一邊追丹尼爾，而家已經出黎做野兩年了，旅行又冇得去，有種講唔出嘅滋味

我都係追丹巴大

唔係重睇，係尋日先開始由頭睇
冇理由中間睇起

有冇洗費公佈

由頭開始睇抵錫