300日浪遊到南極，直到世界盡頭（IV）

呢排應該會多啲Update

冇打針好堅，頂撚住呢排咁熱要飲多啲水

多謝支持

知道有人會追返就好開心，會繼續寫埋落去不過要俾啲時間

原來真係keep住更新

終於等到樓主返來了
繼續留名支持

原來個post仲識更新

寫寫下其實都得翻3個國家，2022應該完到啦

由冇AC睇到就快grad了
原來樓主仲存活

喺波圖嘅第二日，都係返返去聖本篤火車站附近。


葡萄牙除咗瓷磚畫出名，另一樣有名嘅嘢係沙甸魚。有時見到啲人迫巴士迫地鐵就會話迫到好似沙甸魚一樣，其實就係講緊啲沙甸魚罐頭。為咗降低製作成本，令一個細細嘅罐頭可以擠多幾條沙甸魚，同埋用最少嘅醬料去浸住嘅魚，通常啲沙甸魚都會迫到好埋先入罐。葡萄牙最出名賣呢啲罐頭，有個稱號叫「沙甸魚罐頭王國」。


火車站附近有間專賣沙甸魚罐頭嘅紀念品舖，叫做O Mundo Fantástico da Sardinha Portuguesa，啲罐頭攞到有密集恐懼症。而沙甸魚之所以叫做沙甸魚，係最初啲魚都係喺意大利嘅薩丁利亞島度捉返嚟。葡萄牙比較主流嘅煮法係烤嚟食


由舖頭一路行去河邊都係遊客區，但都唔會開天殺價，就算喺度食嘢都冇乜壓力。


葡萄牙雖然曾經係海上帝國，但今日可以話係西歐入面比較窮嘅國家，物價以西歐嚟講算係好平。平平地填飽個肚，一兩歐一餐冇乜難度。就算食成個Set好多時都係十歐左右。喺幾年前，葡萄牙嘅黃金簽證計劃都係唔少中國人嘅移民選項，比五十萬歐羅已經可以居留，住咁幾年就係歐盟公民。加上唔少澳門人都有葡國護照，喺里斯本同波圖都唔難見到來自澳門同中國嘅移民。如果唔係呢個黃金簽證計劃越收越緊，葡萄牙都係一個幾吸引嘅地方


食完飯嚟到波圖嘅盡頭杜羅河（Duoro）。呢條河由西班牙一路流出大西洋，將波圖同對面嘅城市加亞新城（Vila Nova de Gaia）分開。喺河嘅上方，就有一條跨越兩個城市嘅路易一世大橋（Ponte de Dom Luis I）。


條橋嘅歷史已經超過140年，但用今日嘅標準去睇仍然好靚。如果以起緊嗰時嚟計，路易一世大橋係當時世上最長嘅同類大橋，非常猛料。


一河之隔嘅對岸就係加亞新城，名義上已經係另一個城市，但過去對面仲近過維港。加亞新城雖然細啲，但都係葡萄牙第三大城，佢嘅河邊主要係啲比人Chill嘅酒吧，冬天嘅下晝曬住太陽噉飲酒一定好舒服



由路易大橋行返轉頭，走幾步就嚟到呢座波圖主教堂（Sé do Porto）。喺波圖真係唔使行出呢個區域，呢頭每行幾步就係一個景點，鐘意睇建築嘅話一個少少嘅區域已經可以睇幾日。


或者考慮吓搬過嚟住18年頭十三萬歐買到四人家居




波圖作為一個市容又靚，物價又正嘅西歐地方，其實仲有好多地方值得慢慢睇，有唔少據講好靚嘅書店、教堂之類，我哋都未有緣一一參觀。奈何我哋今次嚟葡萄牙只係轉機，偷到兩日出嚟參觀呢度已經好開心。好快又到咗離開嘅時間，飛返里斯本，留多一日就向旅程最後嘅部份——北非大陸出發

真係有架

都話會寫完

樂觀

恭喜你畢業

果陣ecaudor只係去左galapagos, 如果你2017年有出到呢個post就好 一定會去埋quito

無啦啦碌到你喱個post 到追到live
唔夠24個鐘，想同你講聲，好正呀！
同埋，快啲出埋佢呀你

要追埋 小冬瓜乾巴 既post

係連登數一數二冇爛尾既長post

Quito天氣好到不得了，一年四季都係十零二十度，差唔多日日都有彩虹睇
但我就冇去Galapagos

多謝支持
緩慢連載中

LM

多謝牙痛巴
呢個post追開有感情，每次有更新都好驚喜

依個post幫左我開多，第時做少好多資源搜集

bookmarked

返咗里斯本，最後一日嘅轉機之旅就去咗海事博物館（Museu de Marinha），睇吓葡萄牙嘅航海歷史。


玩過大航海時代或者聽過少少世界歷史，都知道葡萄牙帝國曾經盛極一時，可以話係世上第一個稱霸地球嘅海上帝國。十五世紀嘅時候仲未有人造衛星，要繪製世界地球，真係要靠人一步一腳印去踏足嗰個地方先知道地形係點。當時葡萄牙帝國就最先有遠征隊離開歐洲，穿越大西洋向住非洲同美洲大陸探險，慢慢先了解到各個大陸嘅地理分佈。


喺探索世界嘅同時，葡萄牙都征服咗唔少新嘅地方，其中呢個北非嘅Ceuta，就係葡萄牙帝國第一個海外嘅殖民地，打開咗歐洲全球殖民建立帝國嘅序幕。喺之前波圖嗰個聖本篤火車站，就有一幅瓷磚畫係以Conquest of Ceuta為主題，畫低咗呢個歷史性嘅時刻。今時今日嘅Ceuta係屬於西班牙嘅領土，因為位於北非，同摩洛哥相鄰，成為咗摩洛哥人偷渡去歐盟國家嘅抵壘聖地。當時都諗住去到摩洛哥睇下有冇機會到此一遊，但最後都冇去到


喺葡萄牙開始出海冇耐，西班牙嘅哥倫布都發現新大陸，兩個最早期嘅海上霸主就有爭拗。喺教宗嘅調解之下，呢兩個國家就傾咗一條世紀條約——托德西利亞斯條約（Tratado de Tordesillas/Tratado de Tordesilhas）出嚟瓜分全世界根據呢條濕鳩條約，佢哋喺大西洋嘅某個位劃咗條直線，線以東嘅地方加埋整個印度洋都歸葡萄牙，線以西嘅地方同埋全個太平洋就歸西班牙。所以圖入面嘅南美東部，即係今日嘅部分巴西，就撥入咗葡萄牙嘅範圍。但以當時嘅科技，其實都冇辦法太準確測量啲經緯度，所以即使有咗條約，領土嘅爭議仍然存在。西班牙對於後來嘅巴西擴展到界線以外亦都冇好堅決反對雖然後來隨住英法崛起同埋西葡變弱，呢條條約變咗歷史文件，但都要去到1999年葡萄牙放棄埋澳門，呢個叱吒一時嘅帝國先至正式成為過去。


博物館入面展覽咗當年出海嘅船艦同海員嘅配備，對航海歷史有興趣嘅話好值得嚟睇




有一個館放滿晒啲戰船嘅模型。船頭係代表帝國嘅盾牌同國徵


里斯本同波圖一樣，都係可以睇嚟睇去都喺同一個區。呢座博物館其實又係喺之前嚟過嘅貝倫區。睇完博物館，女神話要再食葡撻。


今次直接每人兩件感覺上返到嚟西歐，都係啲好大路嘅旅遊。所有人都見慣遊客，所有嘅嘢都發展得好完善，一切都變得好舒服好簡單，但同時唔會有咩奇遇。喺呢啲地方留多幾日，反而會開始掛住內蒙古嗰啲痴撚線導遊，古巴嗰啲冇得上網嘅生活，甚至南美嘅劫匪。亦有可能係旅行耐咗，個人都變得痴痴地。


喺葡萄牙嘅最後呢晚，我哋上咗當地嘅一個景點，聖朱斯塔升降機（Elevador de Santa Justa）。呢架𨋢已經有百幾年歷史，設計上屬於新哥德式建築，曾經係用蒸氣推動。不過今日當然已經改咗用電，可以當佢係一座普通嘅觀景台。


排咗一段時間隊之後，終於輪到我哋。唔知上天係咪知道我哋冇幫襯到買嗰啲沙甸魚罐頭，就罰我哋體驗吓葡式沙甸魚嘅感受


入到𨋢入面都還好，可能歐洲人都比較大份，𨋢入面唔敢設計得太窄。


上到去有啲餐廳，又有啲位可以望下里斯本嘅夜景。


始終個升降機都唔係好高，望落去唔會有好宏偉嘅感覺。如果有時間多，我覺得望吓無妨，但唔嚟都冇咩所謂


通往頂層嘅螺旋樓梯。我哋去嘅時候就閂咗，唔知幾時先有開放呢。


如果問我呢四日葡萄牙小旅行最精彩係咩，我應該會揀食葡撻過埋呢晚，我哋返到機場，搭返TAP Portugal繼續上一程未完嘅飛機，去到旅程最後一段，北非嘅第一站摩洛哥。繼伊朗之後，相隔咗二百幾日，再一次進入伊斯蘭嘅世界。