300日浪遊到南極，直到世界盡頭（IV）

對我嚟講，每一日都係戲肉嚟

終於去到南極
Galapagos 我地果時都好想去，但真係貴，南極同佢之中我地最後揀左南極。

btw樓主老婆去完南極之後一路揹住條裙？

聽唔明d英文點算

夜晚好唔好訓？

出文未呀

講緊在座兩位

其實諗諗吓應該去埋，反正返嚟都係要返工。嗰時唔去唔知幾時有機會去

條裙之後一路揹住呀

聽唔明英文就聽西班牙文架啦，啲船員淨係識呢兩種文如果多中國遊客可以搵佢哋翻譯普通話嘅

夜晚非常好瞓，長開暖氣好舒服，架船擺吓擺吓好似搖籃一樣

今晚啦

係到睇遊記睇得多都會想去南極，但係依筆錢可以係其他國家玩多好多日

真係有機會辭職先會考慮買 你果類船飛

係德萊克海峽搖足兩日點忍訓到覺？

第四日瞓醒已經見到白茫茫嘅雪地，終於見到南極洲


原本第一個登陸嘅地方唔係南極洲大陸嚟，而係外面一個叫Hydrurga Rocks嘅島仔。但點解話「原本」呢？因為當架船駛到埋去之後，啲職員會派兩三個經驗比較豐富嘅領隊落去勘察吓先，確定安全先至比大家出去。但領隊Agustin就話天氣麻麻，寧願Skip咗呢個位喺前面再睇睇

估唔到第一個登陸就有啲阻滯。Agustin話唔使太擔心，今日天氣好好，好有信心下一站一定可以落去。不過佢都分享咗以往嘅經歷，佢帶過最唔好彩嘅一次，係喺南極四日都天氣惡劣，日日都風大雨大，最終有三日都完全唔適合落船，為免客人千里迢迢嚟到食白果，先好勉強地安排咗一次登陸。如果一生人得一次機會可以嚟到都搞成噉，我諗一定會好失望



但呢件事係唔會發生喺我哋身上。我哋架船已經剷埋上啲冰上面，登陸在即。而且天氣仲要非常之好


陸續安排大家坐艇仔登陸。未輪到我哋，就喺船上面影吓相先


細船嘅好處就係做咩都唔使點爭，慢慢Set機都唔會阻到人


到我哋落船，每個人都要踩過消毒水，殺晒鞋上面啲菌先可以登陸，不過過程其實都幾頹。年年都咁多人嚟，總覺得南極被污染都係遲早嘅事而呢個污染我都有份嘅


就係坐呢啲艇仔登陸。


喺我哋行上嚟之前，探路嘅船員會先扒好啲雪整比條路我哋容易啲行， 務求做到阿伯阿婆都上到嚟



望住同船唔同年紀嘅人，就覺得Keep住有個好嘅身體真係好緊要。唔係到咗自己六七十歲嘅時候，就算有人請自己嚟，都未必頂得順又要暈船又要行山嘅行程。當然可以嘅話，越後生做係越開心


我哋嘅第一站，Charlotte Bay嘅Portal Points。南極好大，面積只係略細於俄羅斯少少，所以有好多唔同嘅部份。只係啲名講咗出嚟都冇人知，我去完都唔會記得連唔同地方嘅景都係唔一樣得嚟又好相似。


不過唔好意思都要講句，第一次登陸係未有企鵝睇當然齋睇冰天雪地都已經好震撼了。特別係對於生活係亞熱帶嘅我哋嚟講，就算之前喺Huaraz嘅雪山都同呢度嘅壯闊好唔同。真係未試過極目望遠都係無盡嘅白雪。對上一刻有相似感覺嘅，可能係蒙古嘅戈壁。呢個南極嘅初體驗就好似我第一眼入到蒙古一樣，都係有種「呢個就係我出嚟旅行要睇嘅嘢喇」嘅感覺如果要我用四個字總結⋯⋯我會話「活着真好」。

但唔慣雪地生活嘅我，踩咗個幾鐘雪地已經覺得隻腳好寒，凍到有啲痛，明明已經着咗兩對羊毛襪 不過我係平時喺香港冬天都會手腳冰冷嗰啲人嚟。就算比我再留耐啲我都搞唔掂，真係太虧了


食埋晏要好好休息一陣，隊隻腳埋去個暖爐度熱一熱先得。轉頭就要迎接今日嘅重頭戲，有企鵝睇嘅Cuverville Island

我都係因為呢個原因冇去埋Falkland，的確用同一筆錢可以去其他地方玩到好耐

我估應該狂瞓，啲暈浪藥食完都幾攰

聽晚啦

終於寫到南極，留名支持 

自己好怕 有時去左個景點 / 地方 唔鍾意

要等時間過 先走得 果種感覺

巴打比你重新黎過 會增加/減左咩 國家咁？

又到咗再次登陸嘅時間。同朝早一樣仍然好好天，外面嘅溫度係負4度。知道咗原來上岸唔係必然之後，我哋都更覺要好好珍惜每一次機會。見咁好天，女神就話機不可失，一於拎埋上船前買嗰條裙出去影相其實我仲係好緊張，不過早啲影都好，萬一有咩差池都仲有三日機會比我補救


本身都着到好擁腫，就算成條裙收埋喺身上面都唔係好覺


終於見到企鵝呢次登陸亦係我哋第一次見到企鵝。但我嘅心思並唔喺企鵝上面淨係想搵一個好嘅地方可以比我影到相。太少企鵝嘅位置唔得，人多嘅地方又唔得，太大風嘅地方又會有少少驚腳架唔穩，光線唔好嘅地方⋯⋯反而唔大問題，幾乎每一個位都比太陽冇死角直射


行吓行吓嚟到呢度，啲團友都唔知去晒邊，竟然得返我哋兩個，似乎可以一戰


女神即刻金蟬脫殼變身，都唔知佢點諗到可以帶條裙出嚟


見佢話收貨，我都試吓影吓自己。我套衫就簡單好多，一早着定喺底就得，褲都唔使換。

我哋又換衫又Set機咁大陣象，開始比路過嘅團友發現，有人就話一定要幫我哋揸機影呢輯相，叫我哋放心交比佢我當堂如釋重負，有人幫手影就乜嘢問題都解決晒啦，我係唔好意思開口搵人幫手咋


一連影咗幾張，都係咁上下嘅影完仲要同我哋一齊睇，問我哋靚唔靚師兄我喺咪船上面係咪有咩得罪咗你，唔好意思

都可能係陽光太耀眼令佢睇唔清楚隻大手指，但冇辦法，有啲嘢始終都係要靠自己



之後就係擺唔到嘅甫士影到夠為止直到頂唔順太凍

女神都好開心，見到你開心我就滿足了唯一嘅美中不足係船上面冇網絡，要落咗船佢先可以Send比啲朋友威威不過如果真係要上網都唔係唔得，肯比USD10都有有限Data可以上到一陣。但我就反而覺得間中斷吓網都唔錯。


都係大約影咗五分鐘左右，已經要着返衫，我哋呢個南極換衫影相嘅事蹟好快就傳遍咗整架船


之後我都輕鬆返，係時候好好再望真啲呢度嘅景色經常會喺地下睇到啲一撻撻灰灰紅紅嘅嘢，其實就係企鵝屎嚟。見到企鵝屎就知附近實有好多企鵝


連企鵝仔都話好開心要慶祝吓，喺大家面前表演扑嘢大約一分鐘就高潮了


講起企鵝，諗起以前睇過一篇前歷史博物館館長丁新豹嘅訪問，佢話香港六十年代嘅時候都曾經有過企鵝。嗰時牛奶公司喺銅鑼灣開咗間冰廠，有人養咗隻企鵝，每日下晝四點就會帶佢去百德新街行街，仲話應該好多人都見過如果早幾十年出世分分鐘南極都唔使嚟就有得睇企鵝了。不過香港咁熱帶出嚟散步算唔算虐待


只能希望呢度唔好暖化得太快


臨完結之前就坐艇仔遊個圈先，有啲人已經凍到叔叔不行了，坐埋一邊靜晒


穿過清澈無倫嘅冰水，同Cuverville Island講拜拜。南極嘅一切地方我諗呢世都未必有機會再嚟了

南極影婚紗相

出咗啦

比個理由你去多一次

好鐘意呢條問題，我自己有時都會諗。但我又覺得就算去咗個地方唔鐘意都冇咩好怕，就算再差都有回憶。

好似我一開始中國內蒙古都係好惡劣嘅回憶，但比我再㨂，我都會照去嗰度，因為每次一諗起喺內蒙古嘅戇鳩經歷就好回味，我同老婆應該會笑足一百年如果真係要改，可能會調咗俄羅斯貝加爾湖嗰段，夏天去有啲浪費，會留返冬天，仲可以加段睇極光嘅行程落去。六月尾去伊朗嗰段都想執執，太熱加埋齋戒都好影響出街嘅慾望。

但拉勻嚟計，其實點玩法都會好開心

貝加爾湖冬天真係幾靚

長遠計健康有冇變差/好果段時間？始終飲食習慣唔同晒

我見到相都覺得好凍
企鵝真係好多肉又腳短好得意

好撚浪漫

Lm