300日浪遊到南極，直到世界盡頭（IV）

千奴巴係咪又準備第四次爛尾

唔係今日或者聽日一定會出

加油呀，多謝你！

你條仆街唔好再爛尾

聽住先

本來都想今年再去南美
而家睇住巴打個post 頂下癮先
有機會真係要去下galapagos
特別如果你地中意睇動物

笑撚死

上次講百內國家公園嘅時候都漏咗幾張圖。我哋喺Puerto Natales嘅時候去問過入去露營嘅價錢，當時啲職員就開住張Google都搵到嘅地圖同我哋解釋。


當時我哋兩個都冇露營嘅裝備，最低限度都要租一個二人營、睡袋、防潮毯、行山杖，淨係呢堆嘢都15000Peso一日走唔甩。營地啲宿費更加貴，大部份USD80一晚，如果冇租到爐就要比USD240一日包埋嘢食，如果租爐就加多至少17000Peso一日。計計埋埋行三、四日都至少要使五千銀，如果日日買佢三餐服務就過硬萬


結果純粹食吓嘢散吓步就離開咗呢度。不過聽講入面真係仙境一樣，我無緣睇到，當係留比有機會去嘅巴絲參考吓

轉眼去到智利嘅聖地牙哥。提起智利，通常都係講紅酒，或者會講起聖地牙哥背靠群山好型嘅城市景。但對唔太飲酒嘅我嚟講，印象比較深嘅要數呢個博物館。


回憶及人權博物館（Museo de la Memoria y los Derechos Humanos）係一個以1973年智利軍事政變為主題嘅博物館，內容主要係講政變後嗰十幾年嘅智利人受到迫害嘅情況。莫講話對今日嘅香港人嚟講應該好有共鳴，就算係17年嘅我睇完都覺得震憾。


73年嘅智利算係一個民主國家，人民可以一人一票普選總統。但喺冷戰格局下嘅選舉難免受到美國同蘇聯兩個超級大國嘅影響。當時傾向社會主義嘅Allende得到最高票數，但根據智利憲法票數唔過半都冇得即刻當選，要進入下一輪由國會議會投票再決定。但係喺國會入面反對Allende嘅勢力先係大多數，令到行政同立法嘅關係陷入咗僵局，後來過咗一排就發生咗軍事政變，智利變成咗軍人獨裁統治嘅國家。

當時反對政府嘅人都會比人捉入監獄折磨，博物館入面就有一個館專講啲酷刑，例如喺個睪丸到裝電擊棒，或者捉啲蜘蛛去女囚犯嘅下體，總之全部都係痴撚線嘅行完出嚟真係乜嘢心機都冇晒，只能講句太平盛世喺人類歷史入面真係非常奢侈。好多曾經民主共和嘅國家，最後都走回頭路搞到鬼五馬六，又甚至何謂民主本身已經有無限多個定義。就算睇幾個博物館都認識唔晒，更遑論真係要令世界變得更加好


政變四十年後嘅聖地牙哥已經係南美之中數一數二先進嘅城市，不過我嘅經歷都同我嘅認知有啲出入。話說我哋嚟到嘅第一晚間房就停電，唔講以為返咗古巴我哋都冇去探究淨係自己棟大廈停電，定成個區都停，只係拎支蠟燭出嚟點着佢，碌個杯麵，但願聽日唔會太沉重。

一個星期一篇好吊癮

竟然有文

但智利真係算南美入面最先進

Pushhh

早兩日由第一個po追到第四個po了(未睇晒四)
咪爛尾呀樓豬

睇你遊記覺得長途旅行去咁多地方好似幾正
已經唔止係去旅行咁簡單
而係過一段自由自在 四圍探索世界嘅生活

不過睇完嘅結論係自己應該唔會去咁耐
感覺自己最長去到個零兩個月到就會開始對旅行厭倦
(我睇落覺得你哋去咗幾個月後好似都有少少冇咗去旅行嘅感覺，變成另一種感覺)
所以倒不如將想去嘅地方拆開幾次分開去算數

有爛尾既感覺

發生左

不催文回覆

推

喺南美洲嘅大城市都係睇下啲塗鴉，行吓市集，食吓嘢。唔算話好特別。但我哋兩個自從大半個月前離開咗利馬之後唔係喺船上面就係喺啲小鎮或者郊區，都不由得有啲掛住都市嘅生活。


其中一樣有啲懷念嘅，就係秘魯嘅壽司，原來連智利都一樣有不禁讚歎日本文化真係輸出全世界。不過味道方面就麻麻地，同利馬食過嗰啲有段距離喺聖地牙哥嗰兩三日都幫襯咗幾間，全部都差唔多，之後都冇咩信心，留返返到秘魯先再食算數。


喺聖地牙哥搵到好多個月冇見過嘅辛辣麵，計返落都成十幾蚊包，但都係想食如果問長途旅行同短途旅行有咩分別，我諗呢樣就算係其中一樣。去短途旅行盡可能都避免食返本身食開嘅嘢，盡量搵當地嘅嘢去食去玩去體驗，但時間一長，人都係擺脫唔到嗰種習慣，見返啲熟悉嘅事物，食到熟悉嘅味道，聽到熟悉嘅語言，就忍唔住有種暖在心頭嘅感覺。千里迢迢去到咁遠，就係為咗搵返以前唾手可得食到厭晒嘅嘢，淥麵嘅時候都不由得覺得有啲諷刺。



熱辣辣露天市集，有咩人會買呢啲


Hea咗兩日，又問過啲智利人呢度有咩玩，大家都話冇乜嘢好玩，反而點我哋去一個叫Valparaíso嘅城市。Valparaíso距離聖地牙哥120公里，坐車兩粒鐘就到。因為喺海邊，好多人都鐘意放假去嗰邊吹吓風，遠離吓首都嘅山城生活。


我哋睇埋呢個靚靚哋嘅教堂就聽佢哋講去Valparaíso睇吓。


喺聖地牙哥嘅巴士站附近，有班人圍住個阿叔喺度賭錢。點賭法呢？就係條友拎住三隻反轉嘅杯，其中一隻蓋住咗個波，然後張三隻杯調嚟調去叫你估個波去咗邊嗰啲戇鳩Game。我印象中呢啲Game都係呃人，本來諗住行過就算，但見參加嗰個路人真係估得中嬴到錢，就睇多咗兩局。擺檔嗰條友手腳好慢，真係阿婆都知個波去咗邊，我喺側邊都連續估中幾舖。而最正嘅係擺檔條友比人估中完係真係會賠錢。睇到我心癢癢想落場嬴返呢幾日啲車馬費返嚟

你哋去旅行會唔會玩呢啲伏味濃嘅濕鳩嘢

前排有少少忙，嚟緊出返密啲

感覺都幾唔同。可能長途旅行就係想追求嗰種去到厭倦嘅感覺，好似一個內觀嘅課程。

冇呀

點求婚?點求婚?點求婚?點求婚?點求婚?點求婚?點求婚?