三年前某日，我問女朋友，你最想同我去邊度旅行？任你揀一個地方，我帶你去。當時我以為就算唔係講日韓台，你話去瓦努阿圖都大我唔到。點知你竟然話要去南極。我真係諗都冇諗過呢世人會去呢度。
呢個答案，擊中咗窮撚嘅死穴
但作為女神心中完美嘅男神，冇理由即刻就Bam，所以我走咗去搵究竟去南極要預幾多銀兩
皇天不負有心人，比我發現咗原來呢個世界有樣嘢叫last minute南極船飛
就係噉，我地踏上咗一個為期三百幾日嘅旅程，路線係噉：
香港－內蒙古－蒙古－俄羅斯－愛沙尼亞－拉脫維亞－立陶宛－波蘭－烏克蘭－土耳其－伊朗－希臘－保加利亞－羅馬利亞－塞爾維亞－波黑－克羅地亞－斯洛文尼亞－意大利－瑞士－法國－盧森堡－德國－古巴－墨西哥－伯利茲－哥倫比亞－厄瓜多爾－秘魯－南極－阿根廷－智利－秘魯－玻利維亞－阿根廷－烏拉圭－巴西－葡萄牙－摩洛哥－突尼西亞－埃及－香港
一啲印象都冇？唔緊要
即刻追返舊Post：直到世界盡頭 https://lihkg.com/thread/436262/page/1
直到世界盡頭（II）https://lihkg.com/thread/535194/page/1
我都係睇返我阿爺個Post先知，上次講到，我地喺塞爾維亞應承咗一對來自瑞士嘅Backpack耆英Urs同Regula，要去佢地屋企痴餐，而一路經斯洛文尼亞、意大利，再入瑞士。
對當時嘅我嚟講，呢對公公婆婆帶比我嘅，同好多喺旅途上認識嘅人一樣，都係比到我旅行嘅能量，令到我嘅旅程多咗故事，更加精彩。成日話「旅途上最美的風景是人」，就係噉嘅意思。但係，亦都只至於此。一旦相處嘅緣份完咗，就有排都唔會再見。無論當時經歷嘅嘢有幾轟動都好，真係可以變成朋友而一路keep住聯絡嘅係少之有少。俄羅斯嗰三個沙發主如是，伊朗嘅Masoud如是。所以為咗保持住旅行嘅溫度，亦為咗令到當初對我地有恩嘅人可以對其他旅行者繼續咁有心，我地每隔一段時間就會搵返佢地，就算半年一個message都好，至少等大家都知道當日嘅相遇並唔係一場夢。
每次WhatsApp Urs同Regula，通常都會半日左右收到回覆。對上一次，係一月尾提佢地中國開始爆發肺炎，叫佢地留意吓會唔會比中國人搶晒啲口罩，記得買定兩盒傍身。而佢地就叫我地喺香港要小心。直到近排歐洲大爆發，我先忍唔住再問吓佢地近況，但今次係唯一一次過咗兩日仲未回覆
我隱隱有啲不祥嘅預感。同一時間呢兩日亦諗返好多旅行嘅回憶。或者就好似嗰位隔咗成年仲幫手推Post嘅德傻巴打話齋，我當留個回憶比自己都好。
又話唔定，Urs同Regula其實係連登巴絲，特登撚鳩我，唔覆機引我出文比佢地睇
即刻追返舊Post
旅遊撚死全家（三年前去架，唔好負皮
）
Be happy that the sun is still shining on you.
窮撚去旅行真係正仆街
但既然唔嚟都嚟咗，就唔好咁寒酸，我地決定豪返一日，好好地感受吓呢個歐洲天堂嘅魅力。佢地特登嚟接我地，至少都要請返佢地食餐好嘅！
不過冇辦法，我地成個旅程唯一預早買咗嘅機票得兩張，就係出入古巴嗰兩程，純粹係為咗方便喺香港預先整定古巴簽證。去嗰程仲有5日就喺德國科隆出發。實在冇辦法喺度逗留。
只係無論幾開心都唔可以好似痴漢咁樣，一定要欲拒還迎先得。
唔知係咪咁，連索啖空氣都特別有藝術氣息。
就算唔係有個花園咁誇張，如果可以有張床比人嚟couchsurfing，都已經好唔容易。問題嘅係長途旅行嘅人好多時都爛身爛世，好撚大個背囊，間房太細其實都好難休息。香港啲奇則真係唔係咁容易適應
