好期待更多秘魯同馬丘比丘！！
300日浪遊到南極，直到世界盡頭（IV）
千奴
1001 回覆
1026 Like
44 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
終於睇完南極
好期待更多秘魯同馬丘比丘！！
好期待更多秘魯同馬丘比丘！！
巴打原來無去Paine 行山？定睇完Perito Moreno 之後去行返？
真
巴打既勇氣可以令你一世人都永遠記得呢一幕
我就會一世都遺憾自己唔會有呢一頁既人生
我就會一世都遺憾自己唔會有呢一頁既人生
點解唔會有
唔會有年紀唔細 又無咁既勇氣唔番工咁耐 仲要飄洋過海去世界既另一啲角落咁耐 呢啲熱血我唔知邊到搵
唔好比藉口自己，係任何地方，基本48個鐘內番到香港，冇咩好需要擔心
留名支持
好奇想問下巴打約莫用咗幾多錢
熱血唔一定係去旅行嘅，搵樣興趣去堅持，搵樣嘢學，甚至係為家庭事業搏殺都可以好熱血，最緊要樂在其中
寫得慢少少姐冇爛
冇爛
一人大約十五六萬
El Calafate係一個大約得六千人住嘅阿根廷南部小鎮。Calafate係一種會生藍莓嘅黃色花仔，因為可以喺智利同阿根廷南部嘅Patagonia地區搵得到，而成為呢個地區嘅象徵。而El Calafate就係莫蘭奴冰川（En: Perito Moreno Glacier/Es: Glaciar Perito Moreno）嘅入口城鎮。
Moreno喺西班牙文入面意思係啡色，但個冰川應該就同啡色冇關，頂多係啡喺啲欄杆度。純粹係個探險家咁啱叫Moreno所以改咗呢個名。因為入咗聯合國教科文嘅世界遺產，所以成個國家公園入面嘅配套都好完善，全部都係啲舖好晒步道，就算坐輪倚都唔使驚。
園區入面都有唔同嘅路線可以揀，想短短地行又得，想行幾個鐘都冇問題。跟住啲牌就路痴都唔會盪失路。
莫蘭奴冰川雖然唔係世界最大嘅冰川，但都應該係頭十零二十個，連綿三十公里，算係壯觀。因為全球暖化嘅關係，好多冰川都不斷溶化，所以就算有所謂嘅世界排名都係不斷變化緊。我爬過嘅坦桑尼亞Kilimanjaro就曾經有個好大嘅冰川喺嗰邊，但我18年去嗰時已經溶得七七八八，有估計指好快就會完全消失
目前最大嘅冰川據聞位於塔吉克一帶嘅中亞地區，我哋今次旅行就無緣經過，遲啲唔知有冇機會見到呢？
睇睇吓冰川嘅同時，經常會有啲冰塊崩塌落嚟，呯一聲勁大聲。不過距離都比較遠，如果唔係應該會更加震撼。有興趣近啲睇嘅人其實可以參加佢個Zodiac Cruise落水兜吓，但我哋啱啱喺南極返嚟，見嗰日天陰陰哋，想慳啲錢就冇去到了
好彩園區幾大，就算唔落水都可以周圍散步睇吓雪山同湖景。
來回冰川同El Calafate嘅巴士都疏，為咗等巴士，我哋都係入面留咗好耐。行到攰都有啲餐廳可以飲杯嘢休息吓，除咗比較凍都算係無可挑剔
有巴打問我哋有冇去Paine行山，我哋正正就係諗住先去El Calafate再返轉頭。順路嚟計其實Paine係近Ushuaia多一啲，但今次我想避咗坐去智利中部嗰程超長途巴士，所以會買機票由智利嘅Punta Arenas飛去首都Santiago。於是最後就坐巴士兜咗南部一圈。
多謝巴打覆
得一枝公 住宿應該貴啲
得一枝公 住宿應該貴啲
一個人會貴啲，除非住多人Dorm
有文就有我
Live咗真係好痛苦
但係太快寫完又唔捨得
好撚矛盾
Live咗真係好痛苦
但係太快寫完又唔捨得
好撚矛盾
去美州d國家洗唔洗打針？
應該有排都未寫完，唔使擔心
主要都係打黃熱病嘅針，有唔少國家都規定一定要打咗先比入境
你係香港打?有冇時效咁?
百內國家公園（Torres Del Paine）喺Patagonia地區嘅另一重頭戲。早就聽過人哋話喺呢度行山好靚，只可惜我哋掛住南極之旅，都冇咩搵過百內嘅資料。喺Puertos Natales，我先發現要入去行山，除咗入場費唔使講之外，仲要視乎你行幾多日，逐個Campsite訂位，好似我哋呢啲冇帶露營嘢嚟嘅，仲要租晒全套營具。加加埋埋都係一個幾可觀嘅數字考慮到得我自己一個想行，陣間喺入面追唔到進度去唔到啲Checkpoint都唔知點算，就決定成個公園Skip咗。女神知道唔使行幾日山好似幾開心
離開咗之後就去智利嘅南部城市Puntas Arenas，意思係沙點，估計曾經係好多沙好荒蕪，亦係流放囚犯嘅地方。後來隨住全球海運發展，藉住地理上嘅優勢，呢個喺巴拿馬運河出現之前橫越南美洲嘅必經之地就慢慢就繁榮起嚟。呢度同時係出發去南極嘅港口城市之一。不過我哋今次嚟呢度就唔係為咗再去南極，而係嚟望吓呢度好出名嘅一個墳場
Cementerio Municipal Sara Braun曾經比CNN評為全世界最靚嘅墳場之一。既然咁近嚟到就一於參觀吓。
墳場有一個傳說，相傳呢度係由一個叫Sara Braun嘅人捐地興建。佢起呢個墓地得一個要求，就係佢要做最後一個穿過墓地正門嘅人。所以當佢死咗埋葬好之後，成個場嘅正門就永久封閉，後來所有參觀嘅人都要經側門入去。
起咗一百年嘅墳場到今日仍然好多人嚟拜祭。埋喺度嘅唔少係當地嘅貴族，亦都有當時嚟做生意搵真銀嘅歐洲移民後代。
我哋呢一年參觀過嘅墓地得兩個，另一個就係薩拉熱窩內戰嗰個。呢度冇咗薩拉熱窩墓地嗰種歷史嘅重量，取而代之嘅係一種歲月靜好嘅心情。唔知比呢班仙人見到和合山或者將軍澳嗰種墳場會點諗？
只可惜當時冇問佢呢度嘅龕位會唔會越嚟越貴
留咗一日好快就離開咗Punta Arenas。成個Patagonia都有種匆匆走過嘅感覺，係我哋落船之後未適應到新嘅旅行節奏，定係我哋已經迷失咗，根本唔知自己想睇啲咩？
考慮到得我自己一個想行，陣間喺入面追唔到進度去唔到啲Checkpoint都唔知點算，就決定成個公園Skip咗。女神知道唔使行幾日山好似幾開心離開咗之後就去智利嘅南部城市Puntas Arenas，意思係沙點，估計曾經係好多沙好荒蕪，亦係流放囚犯嘅地方。後來隨住全球海運發展，藉住地理上嘅優勢，呢個喺巴拿馬運河出現之前橫越南美洲嘅必經之地就慢慢就繁榮起嚟。呢度同時係出發去南極嘅港口城市之一。不過我哋今次嚟呢度就唔係為咗再去南極，而係嚟望吓呢度好出名嘅一個墳場
Cementerio Municipal Sara Braun曾經比CNN評為全世界最靚嘅墳場之一。既然咁近嚟到就一於參觀吓。
墳場有一個傳說，相傳呢度係由一個叫Sara Braun嘅人捐地興建。佢起呢個墓地得一個要求，就係佢要做最後一個穿過墓地正門嘅人。所以當佢死咗埋葬好之後，成個場嘅正門就永久封閉，後來所有參觀嘅人都要經側門入去。
起咗一百年嘅墳場到今日仍然好多人嚟拜祭。埋喺度嘅唔少係當地嘅貴族，亦都有當時嚟做生意搵真銀嘅歐洲移民後代。
我哋呢一年參觀過嘅墓地得兩個，另一個就係薩拉熱窩內戰嗰個。呢度冇咗薩拉熱窩墓地嗰種歷史嘅重量，取而代之嘅係一種歲月靜好嘅心情。唔知比呢班仙人見到和合山或者將軍澳嗰種墳場會點諗？
只可惜當時冇問佢呢度嘅龕位會唔會越嚟越貴留咗一日好快就離開咗Punta Arenas。成個Patagonia都有種匆匆走過嘅感覺，係我哋落船之後未適應到新嘅旅行節奏，定係我哋已經迷失咗，根本唔知自己想睇啲咩？
喺香港打，有效十年。
有文睇