［行路撚］麥理浩徑全走！

 見好多巴絲都出行路Post，其實一路都想試下行一次長途。

麥理浩徑係香港最著名嘅山徑，仲入選National Geographic全球20大夢想行山路線。以前仲有旅遊嗰時，唔少遊客都會特登飛嚟香港行山，孭住大背囊分四五日走營嘅都成日見。冇理由去到外國就識行富士山行EBC，但身為香港人竟然冇行過老麥所以一直以嚟都好想全走一次。

其實毅行者都搞咗好多年，相信好多巴絲都玩過，但我就一直都冇機會參加。試過抽過幾屆都唔中籤，有次終於抽到，但毒撚冇Fd搵唔齊腳，連嗰百二蚊報名費都沒收埋之後最近兩年直情連個活動都取消埋。加上而家對啲慈善機構都印象麻麻，就算遲啲有返都未必想捐咁多錢參加了

諗吓諗吓，不如唔好靠人，準備好就自己出發。條路就一直喺度，有心嘅，日日都可以自己玩毅行者。


路線：西貢北潭涌-屯門何福堂，唔帶營，唔瞓覺，目標兩日完成

行得慢唔好笑

留名

依家開始行？

係咪100km？

早上09：47，麥徑起點，西貢北潭涌出發，目標係100公里外嘅屯門


仲喺度索緊啲對鞋，左整右整嘅時候，已經好多人落車同我一齊行平時行山都怕多人，今次反而好期待沿途多啲人，有咩需要都可以求助，最好半夜都人山人海

話時話點解三月已經咁熱。明明上星期仲擔心緊太潮濕，而家已經好似夏天

有冇酒？

唔休息得唔得呀

戴頭燈行？

想跟

請定時打咭出POST
飲多D水，做防曬，最好買定包 得力素 跟身

有咩唔舒服唔好死頂
唔休息行兩日唔係個個都得

加油 天氣熱返帶多d野飲

點都好，水、乾糧、尿袋、外套、口罩要齊。 仲有唔訓會冇體力，頂唔順就打999

頭10KM都係石屎路。


應該好多人都知，但都循例介紹吓，麥理浩徑全程有200個標距柱，平均每500米就有一個，所以行咗冇耐就見到第一個我嘅目標就係冇穿冇爛噉睇晒200個牌。慢慢行嘅話應該每幾分鐘可以見到一個，如果太耐冇見就應該係盪失咗路

樓主每次回Post 最好報下附近標距柱號碼
TouchWood 有咩事呢個Post D 巴絲打都大概知你去到邊

唔露營，不需酒

試吓先知

呢兩日熱到仆街飲夠水

加油巴打

帶咗兩盞

Target 幾時完成

關鍵在聽朝凌晨眼瞓，要小心拗柴或者跌落引水道

偽行撚留名

支持樓主
我廢中，之前行全條麥徑分開左5次，每次20km左右