300日浪遊到南極，直到世界盡頭（IV）

你返去錫女朋友啦，我唔係gay
BTW，結婚未?

我自己都冇詳細mark低只係出發前後對比返銀行戶口計返出嚟每隔一段時間有大約總結吓，同埋啲大筆少少嘅團費/機票有記低，有冇咩想知

變咗老婆啦

10月29日。

一覺醒來，尋日嘅陰霾已經散去，烏斯懷亞變返好靚嘅海灣城市


出太陽嘅烏斯懷亞都唔算太凍，雖然呼氣仲係出晒煙，但算係幾舒服嘅溫度。趁住好天氣，我哋首先去買船飛嘅旅行社報到，做啲上船前嘅準備。


呢間就係我哋幫襯嘅Agent，叫Freestyle，都係就噉Google Search返嚟，服務唔錯回得幾快我哋將架機取消咗嘅事同老闆講，佢話佢都收到消息。原來我哋已經算係好彩，起碼早知道而且反應得快，仲可以早三日嚟到。有啲人今日先知，啱啱仲問緊個老細應該點做。淨係同我哋嘅同船都有八十幾人，估計唔少人都係較啱日子早一日飛嚟，30號嗰班機應該好多人奶嘢


嚟到可以睇晒仲有咩Last Minute船飛可以揀但論價錢而言我哋嗰個都係震撼價不過老闆就同我哋講平得嚟係有原因。唔同日子出發嘅船睇到嘅嘢會幾唔同，十一月頭因為啱啱入夏，最適合睇冰同雪，企鵝反而只係啱啱登陸。十二月一月先會睇到生蛋同埋企鵝BB出世，所以會貴啲。二三月水尾嗰浸就係觀鯨嘅季節。而大船設施比較多亦都會貴啲，我哋嗰間就比較Basic。

但無論咩月份出發，坐咩船都好，佢都可以保證所有去過嘅人都會覺得物有所值。


之後就同我哋檢查有咩裝備要租。防風褸、雪褲、行山杖、冷帽、手套咩都有，有啲要加錢有啲唔使，總之Check清楚唔好上到船後悔就得了 Btw右手面嗰張南極喺上面嘅地圖幾有意思，呢個世界睇嘢可以有唔同角度


搞掂晒之後，我哋又出去行吓。見到另一間旅行社都貼咗啲Last Minute嘅Offer出嚟。呢個USD4300照計係同我哋架4200同一條船嚟，原來間間Agent食水唔同重點係，點解佢仲有位？我哋決定入去白撞吓扮買

我哋一入去都唔轉彎抹角，直接話要買出面貼住嗰張飛。個職員即刻同我哋打去船公司到問，結果都係冇飛嘅冇咩事我哋都係出返去先


離開咗啲旅行社，成條街靜得好交關。當然本身烏斯懷亞都冇乜人，但下晝更加嚴重。原來佢哋大部份商舖1-4pm係Lunch Hour，唔好話零售店，好多餐廳都唔開只可以話呢度嘅Work Life Balance真係好好冇嘢好做，我哋就返去等行李，結果真係收到航空公司嘅通知。佢哋仲揸車過嚟送到我哋門口

今舖真係否極泰來，所有可以出錯嘅因素都排除晒。可以疊埋心水等上船鳥！

恭喜哂
祝你地白頭到老、永結同心、連生貴子、開開心心

戶口計完，大概幾錢

啱啱咪答咗每人大約十五萬

連生貴子要諗吓先

延續香港民族呀ching

你延咗未

結咗婚之後先延
不過有共識會延
女朋友話想延兩個

烏斯懷亞城市好細，如果要玩，主要都係Join團出去火地島同附近嘅地方睇山睇海睇燈塔，啱時間嘅有時唔使去南極都已經睇到企鵝 但自從買咗船飛之後，我哋都冇平靜過，呢兩日唔想再節外生枝。以我哋嘅狗屎運氣，隨時Join團行完山返嚟整親腳要入醫院不如抖吓穩陣啲。


話晒都係遊客城市，唔少得呢啲紀念品市集。


所有嘢都係以企鵝做主題連燈會唔會整隻連鵝？


行到攰就去Cafe打卡，過吓港男港女生活飲緊嘢嘅時候聽到普通話，似乎南極都係中國遊客嘅熱門之選，唔知我哋架船會有幾多煲冬瓜呢


平時見到啲印仔都會好想儲，但任何嘢只要配上殘體字都會有陣柒味，搞到連左邊嘅繁體字都不了

行完返到住宿，同屋主傾咗陣偈，我都好好奇究竟呢度啲居民見到咁多遊客來又去有咩感想。唔知佢自己有冇去過南極呢？佢就答我：我冇去過。呢度日日都有得睇雪，我反而唔明點解要比咁多錢去睇啲一樣嘅嘢

原來喺我眼中好期待好夢幻嘅一件事，對有啲人嚟講係咁難以理解，甚至係不值一提。人生，究竟應該追求啲咩呢？睇嚟每個人都會有唔同嘅答案。

臨上船前一個下晝，女神話要做一個最後準備。要買條靚裙上去影相唔怪得對住啲Local Tour一啲性趣都冇，鬼馬呀你。


我當時最大嘅考慮，其實係驚影得核突。睇到呢度嘅巴絲打都知，我係唔識影相，唔識構圖，唔識攞角度又冇sense，都唔好講部機喺古巴跌咗落屎渠之後個顯示屏壞咗，對唔到焦，連基本功能都有問題。萬一滿懷希望上去影相，結果張張相都唔見得人，都唔知點算加上南極嘅天氣變化都好大，聽過有人日日都唔好天，一切都要講運。又或者，好多嘢就好似上船前發生嘅事一樣，係控制唔到，唯有盡人事。

冇諗過上船前係會忐忑不安瞓唔着覺，定係其實只係因為太過興奮？

祝巴打快啲同女朋友拉埋天窗

徒手係屎渠撈返上黎？

好認同呀,人愈大記性愈差,無影相個啲真係唔記得左都唔知

多謝，我都想快啲

好期待你寫南極
話唒你都鋪排左四年

巴打去個陣幾多歲？

徒手係屎渠撈返上黎？

衝上去之際，唔知係咪太心急，又或者係着住拖鞋嘅關係，鞋頭一屈，就仆咗街。

好仆唔仆，成個人趴咗喺條坑渠邊到，連掛喺心口嘅相機都發出啪一聲望一望部機，好似仲開到，但前面個相機蓋已經唔知彈咗去邊條坑側邊有個無底洞，估計已經係跌鳩咗落去，執唔返了。

企返起身之後，覺得個膝頭陰陰毒。望真啲，原來已經成隻腳都係血血水同坑渠水撈埋一Pat。然後已經唔係好行到路了。側邊啲人望晒過嚟，講咗一堆我聽唔明嘅嘢，應該係問我有冇事掛。

我都回一回帶睇返先
直到世界盡頭（III）#90：https://lihkg.com/thread/1958353/page/4

掛住咗喺頸，但掛住理隻腳都冇理過部機了。自此之後部機就神神化化

影相＋寫低真係好緊要。寧願間中停低幾日比自己慢慢寫，都好過日日出去玩但幾年後唔記得太半

呢位絲打真幽默

嗰時27

屌我宜家差唔多年紀 我都一直好想去南美之類road trip就差個契機，好驚老左唔敢再闖
希望說服到女朋友一齊去

有肺炎就麻煩啲

正！想知途中有冇嗌交