300日浪遊到南極，直到世界盡頭（IV）

以為又爛尾

局黎嫁，夾埋做戲等人以為好易贏，釣既就係遊客
如果奶左野又言語不通，popo又廢，追都追唔返


btw係利馬d鬼仔會直接偷，邊洗擺局咁麻煩
利申：被偷過幾次

搭巴士多人逼下逼下就冇左銀包

睇嚟樓主都好易被人呃

冇俾人呃呀通常係俾人偷野炸
有邊個華人係南美洲住未試過出街俾人偷呀

同埋我唔係樓主

我見樓主話心癢癢想試, 就算呢次唔中招,
都有機會係其他地方中伏

喺南美喺街拎任何財物出嚟本身係一件好高危嘅事

一寫返出嚟就覺得中硬伏，但當時就係會有種氣氛令人鬼掩眼想落場玩

正當我諗住拎啲Pesos出嚟擺低廿蚊跟機，就有人細細聲喺隔離叫我唔好。「唔好玩，呃人架。」我拎轉頭睇吓係何方神聖，但就搵唔返嗰個人。或者係佢驚被發現會比人打獲，所以輕輕一提就走咗，又或者只喺我嘅幻覺？細心一諗，就好似各位巴打話齋，嬴錢嗰個九成九係媒嚟，我一落場應該就會輸晒，又或者有個同黨趁我唔覺意偷我身上嘅嘢。


理智戰勝咗衝動，上車冇幾耐就到咗港口城市Valparaíso。


嚟到智利中部一波未平，一波又起。喺Valparaíso一落車，就遇到旅途中第一次搶劫我仲喺度睇緊Google Map研究緊點行，突然就有一個男人跑前一手捉住我部i Phone想搶走。都唔知算係好彩定唔好彩，因為避過Santiago嗰場騙局嘅關係，我嘅戒心係提高咗。雖然當街拎電話出嚟喺南美算係高危活動，但我隻手指都穿實咗機殼個i-ring，而且係雙手拎住部機嚟睇。佢一伸手嚟搶，我就下意識兩隻手捉實部機同佢鬥力

個男人見搶唔成功，都冇即刻收手，反而係再出力啲同我鬥過，我心諗我都捉撚實咗你仲點會搶到，即刻大喝一聲屌你老母佢搶咗四五秒鐘都失敗先至跑走，附近嘅人淨係笑笑口話我好彩，全程食花生。講真嚟得南美都預咗有呢啲，嚟咗成兩三個月先發生已經比想像中遲，但對於周圍嘅人見怪不怪嗰種冷淡都係唔太舒服。可能喺呢度多管閒事會好危險所以冇人出聲？我睇唔透。


一直去到啲遊客餐廳定定驚先夠膽再拎部手機出嚟同人講返起件事都心有餘悸。有人話遇到搶劫唔應該同佢搏，反而應該乖乖哋比佢搶就算，因為唔知佢有冇槍有冇刀，陣間謀財唔成害埋命就GG。我當時真係冇諗咁多，只係覺得比人搶咪盡力守護自己嘅嘢，係反射動作嚟。比人㩒住嚟搶都唔反抗，反而將退縮講成係一種智慧，呢種邏輯似曾相識，只可以話係十分可悲但我承認最終力保不失只係純屬僥倖


正當我以為自己已經算係驚險嘅時候，比我哋收到另一個消息。原來之前約好喺南美見面嘅澳門朋友Toni同Nicole已經到咗智利北部嘅San Pedro de Atacama，但佢哋發生咗件意外。事緣佢哋由玻璃維亞參加咗個好出名嘅鹽湖沙漠三日團嚟到智利，喺個團到被導遊偷完錢不特止，嚟到智利第一日想去ATM㩒錢就食咗卡San Pedro雖然係旅遊城市，但係嗰度間銀行係空城嚟，並冇職員當值。打去ATM個電話又講西文搞唔掂，唯有去遊客中心搵人幫手。個遊客中心幫手打返總行，總行就話個ATM係外判保安公司，佢哋處理唔到。因為佢哋得一張Plus卡，如果拎唔返張卡又申請唔到新卡，就會山窮水盡焗住搭飛機返歸，但佢哋仲有最期待嘅復活節島買咗機票未去。而最慘嘅地方係，嗰度有個規矩，如果解款車嚟到執走張卡，冇人即場認領嘅話，就會直接銷毀張卡。但基於保安理由，佢哋係唔會透露架車邊日同幾點嚟。就算搵埋警察話留低資料之後拎返張卡都唔得


當時佢哋得返兩個選擇，一係就日日夜夜喺部機隔離留守，一係就放棄張卡提早結束旅程

返咗香港先求，唔係旅程入面

做咩咁想知，巴打諗住求婚？

搭巴士多人逼下逼下就冇左銀包

睇嚟樓主都好易被人呃

冇俾人呃呀通常係俾人偷野炸
有邊個華人係南美洲住未試過出街俾人偷呀

同埋我唔係樓主

我見樓主話心癢癢想試, 就算呢次唔中招,
都有機會係其他地方中伏

喺南美喺街拎任何財物出嚟本身係一件好高危嘅事

根本伏到仆街，好彩最後冇玩，可能去得耐咗個人冇咗戒心，人要中過伏先學到教訓

放假有文睇

好奇你地經歷咁多會點求婚

好好奇你聽到個把提示聲係真定幻想

終於見識到南美文化了，是咪好熱血好刺激呢

所以南美唔少華人有個習慣，係貼身衣物隱蔽地方，收埋幾張大額現金，就係防賊偷完之後冇錢應急

由Valparaíso去San Pedro de Atacama，要坐足廿粒鐘車。知道朋友提款卡都冇埋，我哋都諗住即刻殺上去救人，但Toni就話佢哋點都會試等一日解款車，希望拎得返張卡，叫我哋唔使趕。


於是我哋就決定買聽日嘅車飛，喺度留一日當係到此一遊，希望佢哋一切順利。



Valparaíso係一個充滿街頭藝術氣息嘅城市，比起出名塗鴉嘅哥倫比亞Bogotá可以話有過之而無不及。雖然一到埗就遇上搶劫，但呢度周圍都係嘅靚畫加上好天氣，足以將壞心情一掃而空。


而且正正係因為知道治安唔好，反而有種強烈嘅對比感。繽紛得嚟帶啲黑暗，破落之中又有生氣。係好有生命嘅一個地方。


我哋住嘅Hostel入面，有一個長租嘅歐洲人，佢喺嚟呢邊做嘢定居嘅，已經搬咗過嚟好幾年。喺哥倫比亞都見過唔少歐洲人去南美住，但今次啱啱比人搶完嘢，又忍唔住問一問佢點解要揀一個充滿罪惡嘅地方定居。


「又唔係日日都搶我，拉勻嚟計住得開心咪得。」


或者係喺香港生活得耐，慣咗樣樣都要最好，就連移民，都好多人話想搵個地方人工高得嚟租又平，又要安全，語言又通。但似乎，世上根本就冇咁完美嘅地方。追求得一啲嘢，自然就要犧牲一啲嘢。


或者唔講治安，自己小心一啲，呢度都係生活嘅好地方？


而家啲旅遊城市通常都有一兩個文創區。而Valparaíso就好似一個大嘅文創城市，雖然冇特別去劃分一個特定嘅區域，但佢嘅文化活動就滲透入城市嘅每一角落。咖啡、手工啲呢啲文青嘢自然唔少得。


連每一條樓梯都唔放過。

終於有新post，繼續留名支持

突然間出文出得咁快

keep住每日一篇呀

我哋喺Valparaíso打卡鳩遊，Toni佢哋就喺千幾公里外嘅San Pedro等解款車，等足一日一夜，都係無功而還


聽佢哋講，佢哋坐咗喺部ATM隔離，無論太陽幾曬都唔敢行開，只怕一走開架車咁啱嚟到就無仇報。好彩佢哋有兩個人，就算要去廁所或者買支水都有一個人留守。但原來佢哋話佢哋廁所都冇得去。因為嗰度附近冇公廁，佢哋只可以搵啲餐廳借廁所，但可能坐咗喺條街太耐嘅關係，啲餐廳職員以為佢哋係乞衣，就拒絕借比佢哋試過行去另一間，差啲借到，但比第一間餐廳個職員行去講咗兩句，第二間餐廳條友就改變主意，都係唔肯借了就算佢哋講到明肯比錢去，職員都無動於衷。


稍為開心嘅係，有啲行過嘅遊客好奇問佢哋咩事，聽完都相信佢哋，幫手說服餐廳啲職員比佢哋去廁所。亦有唔少人擺低啲生果同野飲叫佢哋加油，祝佢哋早日拎返張卡 有人直接比錢佢哋，但佢哋覺得如果收錢真係會變咗乞衣，就婉拒咗了


淨係聽佢哋講都覺得慘，Nicole好似仲慘咗出嚟先第二日就搞成噉，到第三日會唔會遇到更加惡劣嘅情況？ 佢哋就話唔會，相信今日已經係最壞。原來聽日係智利嘅大選日，銀行職員同佢哋講呢日一定冇解款車，所以佢哋可以休息一天。Hostel嘅老闆亦都相信佢哋，可以比佢哋拎返張卡之後先找數，所以住多兩日唔成問題，算係鬆一口氣。


而我哋死唔信邪，食埋最後一餐結果都係唔太好食嘅智利壽司，就飛晒啲中途城市直上San Pedro de Atacama，同呢對苦命澳門朋友轉轉運。希望唔會剋到佢哋更加邪頂住，等我哋嚟到就唔使驚冇銀用，最多到時幫手輪候看住部ATM

下篇幾時出

諗起都覺得慘

PISH

辛辣麵I know that feel

我都試過係玻利維亞間韓國餐廳嗌左碗辛辣麵，碗野乜餸都無都夠膽死賣成三十幾蚊港錢，但係果個comfort food既感覺係無價架

Lm

嗰間我哋食咗兩次