(可能甜)行山遇到三條女

Thank you.I will keep on,but why you say no app .Do you use ios?

I have both. But no such app on the store. What am I missing?

Will be good to turn your book into video art. You have other books? Sure not a newbie. 😂

I dont know what you missing.And I am really newbie.Thank you for your encourage.

Seems that ”Shikoto”’s app is no longer available at App Store.

You might search for an apk file to download it on Android.

坪洲篇8

突然，後面就傳出左生日歌。我緩緩咁拎轉個頭，就見到阿豪攞住個生日蛋糕，「Happy birthday to 浩然，Happy birthday to you」「生日快樂呀浩然」

係喎，我生日喎，唔記得左添。「多謝大家呀」

阿豪就講「點呀，我頭先演得真唔真呀」

我:「真呀，嚇死我添啦。」

阿傑就講「你唔好話，我都唔知策劃左幾耐啦，由一開始叫你黎，去到今朝攞蛋糕，你都唔知幾攰呀。」

深田就講「唔好講咁多啦，許個願先啦。」

我:「好呀，第一個就希望香港人可以攞到民主自由，第二個就希望大家可以一齊開開心心，第三個唔講得。」吹完蠟燭，就可以食蛋糕啦。

唔知點解我成日都覺得自己啲夢係預知夢，佢總會係夢入面暗喻啲未來細節俾我聽。我發到自己無罪䆁放，會唔會係代表芷晴唔會發現，我可以唔受任何刑罰呢，咁鏈我條頸既又係邊個呢。


食完蛋糕之後，我就問「跟住有咩做呀？」

阿傑就話「踩下單車啦好無呀」

然後，我地就執齊哂啲野落山，去左間單車鋪到。

阿傑就問「依度有邊個唔識踩單車架」芷晴同Irene舉起左隻手。

阿傑就問老闆「依部三人車要幾錢呀」

老闆就講「二百啦」

阿傑就講「好啦，租一架啦，依個重大既任務就交俾你啦浩然。」

認真咩，生日都要做咕哩。

然後，我就坐左上駕駛位到，佢哋都上左黎，「浩然單車出發啦」

一個人踏住兩個人，一開始真係都幾辛苦下，不過後面踩耐左，都輕鬆左不少。

坪洲既風景真係好靚有山又有水，附近仲有好多小貓咪，真係一個隱居既好地方，大過左無錢移民，黎依到住都唔錯。就好似陶淵明寫嘅桃花源記，真係有種豁然開朗既感覺。

後面既女朋友仔都係到講緊坪洲美麗既景色，望住佢哋依架咁和藹可親，真係開心。但唔知道芷晴如果知道左Irene都係我gf會唔會都可以咁呢。

我都係嚴重落後既情況下，終於就到左個牛皮廠秘密花園，依度係啲咩文青打卡聖地喎。

然後，佢哋就係度影相，我同芷晴就係到睇貓貓，依度啲貓真係好可愛，仲要唔怕陌生人，任摸唔嬲。

芷晴就講「真係好得意呀，我想攞返隻返屋企呀。」

我就話「可能佢哋都係有主人架，攞走好似唔太好。」

芷晴講「咁又係，兼且養貓都幾煩下。我走啦貓貓，下次再返黎探你啦。」

然後，我地就繼續圍島遊，都唔使三個鐘就將成個島行哂啦。

我地還左部單車之後，就去左間金源冰室到食野，坪洲嘅多士好似特別多花臣，呢度有吉列石斑多士，石斑炸到超香口，配埋搽咗牛油煎過既多士，真係好好食。

我又餵左舊俾芷晴食，佢都話「幾好食喎」。

其實有少少蝕咗，坪洲有好多鋪頭都係開星期日，但係尋日又無行到。

希望下次再黎過啦，然後就搭船離開左坪洲啦。

If you can write at such speed with this natural flow of emotion, you must be really talented. Where can people find more work from you aside from here?

Thanks will search. Is there a web site where all these novels are collected? This is very local and dear to life. Love it.

講真，樓主唔識點樣處理時事位，不如以後唔好加入去算啦。

Is there a way to read your work on kindle?

You must be see other people works.They really better than me.I have no more other works.The works that i will write in furture.

明白，最後今次填氹。

跪求純愛微甜

紙言又再改左個位，希望大家重睇既時候舒服啲啦，我明白新手唔係籍囗，但我都會改番自己既錯處，至少係紙言令大家睇得舒服啲啦。

好彩大家今次又話俾我聽，咁我下次就唔會再犯。

加油樓主
Btw 加速

Live

加油樓主

明白你指咩
一場誤會

因為我用開既 質量，都唔會意指，數量同質素，應該話我少見咁用法

所以見你講相同意思時，個下覺得怪

樓主唔加個d位仲好 好老尷睇到

重甜唔該

我明白啦，個topic可以完啦，我明啦。

推

媽媽篇

望住大海，感受住船隻係度浮浮沉沉，真係有種鬱鬱不悶嘅感覺，原來十八歲就係咁既感覺。

生活既壓力真係好多，好多野都係無了期，沒完沒了，我再感受唔到坪洲嗰陣微微涼風啦，要返去城市既煩囂之中，真係好辛苦。

佢哋係度玩緊uno，我就係度發左四十五分鐘吽哣。

到左中環之後，我就同芷晴搭返去黃大仙，佢哋就返去觀塘。

芷晴就問我「你無野呀嘛」

我就答佢「無咩野既，係依兩日太開心，要返黎，所以樂極生悲姐。」

芷晴就講「你生日喎，開心啲啦。」

我格硬整左個笑容俾佢。

然後，芷晴就錫左一下我塊面，講「你瞓陣啦，可能太攰啦。」

我就靠左落芷晴既肩膀上面，瞓着左。

我再次醒左，就到左黃大仙。

芷晴就怕怕羞羞咁問我「bb，你今日上唔上黎呀。」

我就又再戴上個虛假既笑容講「唔好啦，你返屋企瞓陣啦。」

芷晴就都好體諒我講「哦，咁好啦，你都早啲休息啦。」

我:「好啦，拜拜啦bb」錫左佢一啖之後就走左。

返到屋企一打開門就見到關哂燈，應面而來既係空虛感，真係家唔成家既感覺，得返自己一個。

我坐係梳化到，開下電話睇下youtube，發現都係搵唔到心靈既慰藉。

明明有朋友，但就想一個人，感受孤單，但係又好傷感，種感覺真係難以言喻。

突然之間，廚房就傳出左開門聲，唔係又有pee呀。

媽咪就攞住個雪芳蛋糕出黎「阿仔生日快樂」

我見到之後慢慢熱淚盈眶，淚水係我既眼眶不停咁打滾，嗰種孤寂既感覺頓然無存。

我真係係度不停咁抹眼淚，但係佢仲係不停咁流。

媽咪就講「做咩呀仔，好地地喊咩姐。」

我無答到佢，只係趴係媽咪嘅肩膊上面。

自從老豆走左之後，媽咪就為生計，慶祝生日就買個雪芳蛋糕就算，或者我依架仲係唔鐘意雪芳蛋糕，但同屋企人慶祝先有感覺。

我今日先知親情既重要，所以我就講左句「多謝媽咪。」然後攬實咗佢。

媽咪就講「唔好講啦，食啦」

我慢慢先停止左哭泣聲，鬆開左手開始食個蛋糕，然後我地就分開左一人一半食。

途中我一路食就一路望住媽咪係到食，媽咪就好疑惑咁問「做咩呀，我塊面有野呀，神神化化既。」

我真係衷心咁微笑，同拎頭講「無呀，媽咪好靚呀。」

媽咪就唔領情咁講「依啲招攞去溝女朋友啦。」

食完之後，媽咪就摸一摸我個頭，「睇下睇下原來都咁大過啦，十八歲啦仔，生生性性啦知道嘛。」

人總有個階段係突然咁成長，突然咁重視親情，明明年年都聽同樣既野，但今年聽特別有感觸。

可能真係睇住媽咪既身體慢慢咁有明顯既衰退同 白髮蒼桑，開始識得珍惜，有時啲野真係一夜間既事，邊個都講唔定。

然後，我就去左沖涼瞓覺，係喎，聽日有新同事喎。