代入行山果兩個度諗就會覺得好無奈
你估佢地又想個消防死
將意外責任全部歸因到兩人身上係叫遷怒
佢地事前有冇做好準備先出發我就唔知
但到時間環境都去到惡劣先求救,最後仲間接害死個消防
佢地尋刺激同挑戰,消防就冇左條命
佢地都係見就快天黑，自己搞唔掂先求救
你話佢地間接害死個消防，原因有一部份係佢地身上，但當時消防用既策略﹑裝備﹑時機係咪恰當，我地都仲未知，暫時我見到既資訊淨係得「跟足指引做」。咁指引係咪都有問題？仲有出事果陣係凌晨，點解要呢個時間出動，唔知，但值得細究。
係，佢地係抵俾人屌，但有冇必要叫佢地死全家，有冇必要起底，有冇必要逼到佢地自殺咁款，我除左嘆氣都唔知講咩好。
仍然相信連登會有理性討論
消防咪出黎講左有哂裝備同當時環境惡劣
你講指引我諗大家仲火滾
一心搵仲搏想去救兩條柒頭,冇左條仲仲比人質疑返有冇依程序指引,你冇病下話?
我意思係，指引﹑裝備本身係咪真係足夠保障消防安全。正正係因為跟足指引，有哂裝備都出事，先至更加要再細睇。
而家消防大佬死我唔痛心？佢個仔仲讀緊幼稚園啊。但係咪你屌到兩條友落地獄，下次就唔會有同樣情況？一個意外有好多原因，淨係怪哂兩條友，下次又死多件先黎再檢討？
你係咪覺得現今科技可以咁勁抽?
唔好屌果兩個仆街,我地不如屌柒d科學家做咩唔研究智能消防員
你up得出佢地策略﹑裝備既具體限制，我可能會服。但如果你既思維本身已經定死左：係咁架啦，冇辦法，下次消防又要搵命搏，咁唔係解決緊問題，只係純粹發緊脾氣。
你屌果兩條友間接令大家行山安全意識增加係冇錯，但都係果句，程度問題，起埋底真係太over，亦唔代表你可以避開消防做法有冇不足呢個問題。
兩條友法律上好大可能唔駛負責,你叫群眾點樣先可以服氣?
服唔服氣本身就係來自自己點理解件事，令群眾服氣而做既事都未必岩。如果係為左令群眾服氣，咁要法律黎做乜，直接拎佢兩個做活祭算啦。
