（嘈交要自貼身材）健身資訊討論區52

結果都係啱啱好趕唔到尾班車，跟住行番去

行左幾耐

咁你食半個月就知效果啦

有無片睇

隻手整親去做物治
俾物治係咁話
佢話從來唔鼓勵人做健身
人體既代償係有限制
強健一部份既後果係用其他換黎
又話我練到二頭前臂硬曬靈活度差blahblahblah
想睇下各位師兄高見

物治一定要轉介

我同你諗法一樣都係拉筋
但佢話拉幾多都無用

唔同意，凡事都有程度之分，邊可以單純話健身就一定唔好。

反而認識唔少物理治療師支持健身對抗肌肉退化（因為之前睇唔少）
小弟不幸訓過幾個月瑪嘉烈骨科，入面有七成都係老人肌肉流失引致既骨折
人老左身體可以弱到你唔信
連係張床坐起身都唔夠力，係廁所滑一滑可以盆骨錯位屎尿都痾唔到要插喉

如果人人都有健身習慣，其他科唔敢講，最少骨科可以好清閒

咁可能有人話，後生條肌肉未退化咪唔洗做尖

我唔認同

一來身體質素直接同生活質素成正比

二來做尖收獲三大因素食操訓，當你因為注重做尖而面對食同訓既問題，會避免到好多都市痛


大型既物理治療室甚至會有cable 機械比病人用黎訓練退化左既肌肉，都算係健身既一種啦

至於活動度問題，我只能講 。。。


巴打你好大隻

一d都唔大
只不過俾pt咁講都怯一怯
話曬佢係專業人士

另外我係度諗佢個代償係咩意思，如果我bulk大隻，個呢個所謂既限制係咪會拉闊左呢?

btw負評係咩意思，都係想討論下啫，因為物治有咁既意見想睇下師兄們點睇……

同埋大隻而活動度差左，又好似為左一個極端走去另一個極端，個平衡又應該點擺呢

另一樣比較特別既係佢直接否定左拉筋既功效
佢話我地做健身既點拉筋都幫唔到個柔韌同避免受傷
呢點亦值得討論

普通健身我覺得對身體係好既
一到比賽層面，我就覺得唔會
健美一定傷身，其實健力都會

Because human body wasn’t meant to be out through this , but we do it anyway (Ray William )

如果唔諗比賽，正正常常做，唔好去太盡，就一定健康既

唔知，可能係負評你個物理治療師

我想比你知道身理治療師本身都有好多種唔同既意見，可能佢唔係公立醫院做所以少接觸年老肌肉退化病人，令佢有咁既結論。

但支持健身既物理治療師都不在少數，我唔覺得巴打要聽哂佢一個人講。

代償應該係指身體理應用作穩定既關節被逼主動作出伸縮黎產生力量，例如常見既背桿深蹲同硬舉都有機會係咁。

如果你目標好清楚係為左健康生活而健身，當你留意到果一下開始炒姿勢你就可以終止果一組既訓練，注重返動作既品質。

代償個闊度有幾大應該係睇你有幾大既肌肉力量保護個穩定關節，同埋天生個關節構造容許佢有幾多既走位。

我唔係專業人士但我肯定都有好多物理治療師支持量力而為既健身

其實大隻 同 活動度
唔係對立，你睇下舉重啦
再者，拉筋》mobility
動態 Warm up > 防止受傷
佢講出呢d野，我只可以話 又一個不學無術

健美健力之外
我諗唔到有咩運動既國際級選手係冇穿冇爛，個個都負傷上陣架啦，冇新傷都有舊患
只不過人地練到負左傷都好勁咁解

好靜態既運動就唔會傷囉，射擊我諗唔會點傷

但好靜態既運動就幫唔到你提升身體能力

所以都係量力而為

我都覺得練肌肉係抗衰老既一個好好方法
你見D人無練過60幾歲成個人好似冧左咁
有D人後生有操過, 60歲仲企得好廷
分別就係呢度

天然健身根本唔洗諗咩太大隻影響活動度
按摩+拉筋 活動度點都好過成日低頭縮埋一舊既都市人。

不如佢叫人唔好返工啦
成日睇電腦一日坐十爐鐘櫈
個身硬到乜咁

認同, 拉筋靈唔靈活係睇你有無拉,
拉筋對操肌好重要, 唔係純粹靈活性問題
當然大隻佬要拉到YOGA 咁又難D

我聽到既都係咁，佢個觀點對我而言十分新鮮……

利申我係睇公立醫院

大家又點睇一d高度重複性既運動，例如扒船之類，係咪會令身體單一部份重複受壓構成負擔呢

好啦我錯了
不過都支持你聽多幾個唔同既物理治療師意見
因為物理治療師反對健身真係好反常理，好多時佢地都要教病人健身黎重拾退化左既身體能力！
唔一定係指入健身室先做到既野，可能係職業治療入面既機械。
當然物理治療同物理治療又分開兩班人。
物理著重於解決，職業著重於建立。

物治房都成堆機同gym係重複
個分別係做到幾重啫🤔

打棒頭，打排球都會令身體一邊肌肉發達好多
呢類運動員一入健身室就會比P記教練話佢地身體幾差幾差，好唔平衡，唔應該直接自己去重訓。

但有一個概念我諗冇錯既，就係肌力愈強，關節同軟組織所受既壓力愈細，肌力可以保護佢地。

但訓練既途中關節同軟組織自不然會受到新既挑戰。所以正確安全既訓練好重要就係咁解。

係呀所以我咪話物理治療師點會反健身
佢地叫人做咩動作健身都係工作既一部份
如果佢話反對人玩健力玩舉重玩健美
咁佢其實係反對哂所有動態運動。
受傷最多最嚴重既往往係有身體碰撞既球類運動
打籃球打到開放性骨折
而且講緊係最TOP最專業既運動員。