貓糧資料庫（5）

我比較簡單，殺得死蟲蝨嘅會不會係補品
而且蟲蝨唔係咩大病，當發現有先杜都未遲，反而注意屋企衛生重緊要
我已經年幾無同啲貓杜蟲蝨，只係定期噴蘋果醋水梳毛抹腳

唔存在

我隻貓一開頭俾汪喵佢食佢都好快清哂....宜家就食兩啖就用手好似撥貓砂咁圍住個兜撥撥撥....之後就唔食
宜家淨左廿幾罐

佢有俾益生菌貓貓食但一俾罐佢食就痾血...點搞
照俾罐由佢痾觀察會唔會轉好

餵罐真係要預幾隻版子輪住比
你可以留住過一排再比多數肯食翻

只要唔係痾到無精神無胃口係無所謂的
必要時用針筒補水

另外益生菌係要食一段時間先見效，各牌子嘅菌量菌種又有分別，效果都會差啲，唔可以心急（我隻貓嗰陣都痾左個幾月，都係食益菌慢慢調理）而且你都係試左益菌姐，其他方法你都未試

檔案有加到呢個牌子，因為佢無詳細寫加左咩維他命礦物質，你當佢係半個主食罐咁間中食都可以

已經有另外買thrive同canagan俾佢食, 隔左一兩個星期再俾汪喵都係一樣唔多食諗住放棄汪喵, 唔想曬野
另外,除左wellness core 同thrive 乾糧之外, 仲有邊隻牌子比較好
宜家食thrive佢d屎比較軟但都係一條條既, 不過會hi到d貓砂痴到屎 老婆話想換第2隻
之前佢痾唔出尿果陣就轉左wellness core冇耐, 有d陰影唔敢再試
所以仲有冇邊隻好介紹

請教肥美絲
岩岩幫佢換big dog生肉, 咁杜蟲有冇話要幾耐一次?
同埋黎緊4月中佢要絕育(女仔黎5MO), 係咪有傷口其間都可以照餵生肉?
仲有, 佢係領養,以前流浪. 隻耳之前有真菌, 醫左3次又話好番, 但我最近睇佢耳仔好似又黎料, 有冇咩方法? 或者好醫生?

我啱啱買左四箱添呀！！！都未送到佢就突然罷食
好彩另外仲有隻肥野包底

其實係咪關天氣事
我兩隻主子呢幾日突然唔肯食thrive
係掂都唔掂
明明以前食到laam laam脷

如果係體內既蟲 係咪靠睇便便就知有冇？

有冇興趣同我換thrive 吞拿魚

我另一隻貓都唔食...激死

一直以嚟每日有一餐都會落d felo lysine同d bio v 益生菌比隻貓
但最近唔肯食
淨係落左粉嗰d唔食 無粉嗰d就食

我的囡4kg 一日淨係食一件 所以要切左先呀可？
好驚會整到好多菌

新出嗰隻wildfield, instinct 除左兔三文魚其他口味都無再加k3，可以揀，oven baked 雞肉，dr elsey ，devoted 等等，或貴少少ziwipeak

我無定期杜蟲生肉處理不當先易生蟲
可以留意大便，普通寄生蟲肉眼可見，有先食藥杜，有啲蟲肉眼見唔到，大便軟又見血但精神，食極益生菌又唔好可以拎去驗下有無蟲，都係有先食

生肉同傷口無關，相反生肉營養天然易吸收對傷口癒合有幫助，又可以額外比魚油補下皮膚同免疫力

真菌通常喺免疫力差嗰陣容易復發，你可以用蘋果醋溝水（1:1-2）抹除菌，或者膠性銀（天然嘅抗生素，可殺嘅菌比一般抗生素多，iHerb 有）平時多食魚油，食物有營養，keep住貓身體健康就唔易發真菌

有啲蟲肉眼可見，一點點米色或成條意粉咁
有啲要顯微鏡先睇到，如梨型蟲，通常係大便軟爛同可能帶血，一有懷疑可以拎大便去診所驗

啲粉點儲存，係咪受潮影響口味？

佢一餐食到一包嗎？
預先分定一半食先解凍會比較好，因為佢已撈埋內臟，內臟回温速度通常快過肌肉，所以解凍愈耐菌愈多，如果剩係肉嘅都可勉強解耐啲

定係養多隻或食primal ？佢一大包一磚仔咁好易預分量

如果係口服杜蟲有冇邊隻好？

但係一開始要少少少少咁餵 我唔會一次解凍一舊
如果就咁係解凍前切少少出嚟解凍得唔得

另外 primal太貴喇我想喺有限budget俾到好少少嘅嘢佢