貓糧資料庫（5）

買左個噴泉飲水機比佢，用左一個月，覺得佢因為咁樣飲多左水

但係擔心個摩打有毒釋出，驚長期飲用會有害

你地有無用呢d機器

佢肯食咪得
有d加左水就唔肯食

之前唔知原來罐有分主食罐/副食，日日都食兩個副食罐 依家轉左食canagan,但見到好似幾低脂所以想轉，佢唔食雞既味 食到嘴叼哂，同埋我想問係咪年年最好打一次針？因為打到第2年就無打，買左ziwipeck 隻牛肉糧比佢又唔食，想轉Dr. Elsey’s雞肉味，但怕佢唔食

如果orijen 雞肉味呢？

其實點解咁少人去超市買冰鮮肉呢整貓糧呢?

human grade 新鮮d既肉唔係健康d咩

就咁食雞肉唔夠營養
加上煩同應該比較貴

唔係點會咁多人餵乾糧唔餵濕糧
因為平同方便

食肉，偶而食肥肉，咪cover 左80％營養？

其他20%主人再安排

點解食冰鮮用唔夠營養？

咁你有微量元素要食
taurine呀各樣維他命礦物質
齋肉唔夠 可能要埋骨同內臟
又要顧貯藏方法
整完隻貓又唔一定食

Minerals 同vitamins要自己再就份量黎溝就已經煩啦
除非你隻貓真係成隻雞連內藏同骨咁食
唔係既話淨雞肉係唔夠營養

就係想請教下果80％營養(fat + protein)可以由牛肉，帶皮雞肉，五花腩等就可以？

無錯，其餘果20％要慢慢執
taurine － 因為比熟肉佢食，熟肉唔夠taurine，所以要比補充劑
微量元素 - 又要食d補充劑
Fatty oil - 橄欖油
碳水化合物-乾糧
蔬菜-比少少紅薯佢食，其實因為我食

另外，想請教下calcium 可以係邊度黎，佢要吞左成舊骨先有?

其實平時煮飯，果d餸按番比例用清水煮比佢，我諗都唔係唔方便

calcium 只諗到比蛋殼粉佢食，但有無更天然既source 呢?

我覺得唔少貓餐比唔夠油同脂肪

因為主人自己覺得油同脂肪對貓唔健康

同埋唔少貓餐比左過量碳水化合物


純粹鳩估

睇完page 1 張google spreadsheet, 睇黎一星期比貓食一次豬潤雞腎豬心呢d內臟都應該唔錯wow

有好多維他命同微量元素

屋企3隻貓
3隻食既糧同罐都一樣
最大個隻7歲女仔
另外兩隻3歲男 2歲女仔
最大個隻好健康咩病都冇

男個隻早半年前屙屎屙唔出，去睇醫生照左Xray又話冇整 腸又正常，睇過啲屎又冇話好硬 所以比左啲藥就算，前後睇左3次，食藥個時有好啲，但到宜家都未覺得佢屙得好暢順 有時patpat會痴住舊屎。

2歲女仔個隻就早2個月開始有血尿，睇醫生話冇生石，可能尿導炎，開左啲消炎藥同埋叫多餵佢飲水，但未有好轉都係keep住有血啲尿。
3隻都好好胃口 食好多糧 我放長糧 每日夜晚會餵罐會啲加水同益生菌
想問下仲可以食咩改善到佢地情況 定一定要食藥先得

隻貓6歲,成6.7kg,想轉糧,而家食緊Hill's嘅糧,有冇糧推介
隻貓咩都唔食,魚肉又唔食,罐頭又唔食,雞肉又唔食,點搞好

試下唔好烚，加油煎試下

睇翻覺得自己寫得唔好
我剩係會揀dr elsey 雞味

Orijen 無論咩口味都有好多魚，又貴，我覺得性價比麻麻

想減肥濕食最好
佢唔食罐咁你有無決心幫佢轉糧先？呢糧味精糧因為成分好差，靠好多誘食劑引貓食上癮，同佢轉糧會好難，但事在人為
再咁食同肥落去好易有毛病

而且咁肥又唔可以餓佢好耐，唯有咩都買啲罐頭生肉凍乾乜都要試

唔可以放長糧，同埋轉全濕食
做左都無效果好大機會壓力造成（約有一半尿道炎case係不明原因，通常同壓力有關，要揾出壓力來源

一星期一次太少了
營養係每日需要，雖然你可以一次補足一星期嘅分量，但係貓食得多內臟會軟便，所以最好每日都有少少

喺自制食物方面，生肉比較簡單，有80%肉10%內臟（其中5%係肝臟）同10%骨做指標，蛋白質同脂肪由肉提供，維他命同礦物由內臟同骨嚟，蛋因為營養豐富，一星期都有一，兩次最好，如果自制肉非放養或野生，體內omega3會少左，咁就要加魚油補充

鮮食方面無一定方式，好多人都亂嚟，以為人食乜貓都可以咁食，人係雜食，菜肉都有，重喜歡低脂，貓係肉食，要以肉同脂肪作為主要營養來源，所以最安全都係跟翻80.10.10做，但因為煮食會令營養流失（有啲人重要一次煮幾日分量）你又要額外加翻啲營養素，如牛磺酸同B雜係水溶性最易流失（除非用蒸連水食）太低脂一啲脂溶性維他命又吸收唔到，要食皮同肉不能過瘦，鮮食要有營養好麻煩

鈣方面，骨頭最好，但煮熟骨頭唔可以食，唯有揀粉狀，首選骨粉，除左鈣重有其他礦物質，蛋殼粉或鈣粉都可以，無骨咁好，鈣粉有好多種類，自己研究

自制最易忽略係碘不足，會有甲狀腺亢進問題，始終好多人唔係餵原隻包含所有內臟嘅獵物，dr Pierson 係支持生肉醫生，佢有分享生肉食譜會加低鈉碘鹽，買唔到可以用海藻粉代替，碘太多都唔好，要睇住落，因牌子含量不同

植物最唔重要，但適量加水溶性纖維對排毛有幫助（野貓因為連毛食，有做到類似效果，唔夠都會食下草）定期比少少會好啲

咁多豐富既資料，多謝晒

有兩個問題，隻貓唔食魚油丸，混左係貓糧，佢有本事食晒其他剩番d魚油丸係個碗度
依家比緊蛋殼粉佢食，下次試下骨粉，想問下有咩有食材有豐富鈣質而貓可以食？

聽講橄欖油對貓好，網上唔少建議每日比一茶匙比貓食，你有無呢？

貓貓依家係檢疫中心隔離緊，下星期先放監
岩岩收到email 話佢唔肯食乾糧濕糧，叫我寄d 佢中意既野食，但係問題係呢到冇佢平時食開既牌子，好擔心寄到去佢都係唔肯食，因為佢本身都係偏食。
有冇巴絲有相關經驗可以分享下

咁多豐富既資料，多謝晒

有兩個問題，隻貓唔食魚油丸，混左係貓糧，佢有本事食晒其他剩番d魚油丸係個碗度
依家比緊蛋殼粉佢食，下次試下骨粉，想問下有咩有食材有豐富鈣質而貓可以食？

聽講橄欖油對貓好，網上唔少建議每日比一茶匙比貓食，你有無呢？

魚油剪開膠囊吱出嚟撈勻曬正常一係食一係成碟唔食定係你成粒比？

人可以由各種植物吸收鈣，例如豆類，由於貓係肉食，唔適宜食大量植物，所以食骨吸收鈣係最理想，否則都係加粉狀補充品

橄欖油我無加呀，我本身餵生肉，脂肪都好夠不過有聽過煮鮮食嘅人會加少少，類似補充脂肪，因為鮮食食材通常用雞柳，胸或魚肉，普遍低脂
但如果要補充omega3（epa同dha）就只能比魚油（或磷蝦油，但貴），因植物油無