貓糧資料庫（5）

平時都有加水落罐頭俾隻貓食
唔知係咪有次加水加得太多佢唔鍾意
然後直接用手抓入面啲肉
就算減左水都係一樣 請問各位巴打有無咩解決方法

肥美絲，我最近想去汪喵訂多啲罐罐，見到佢又有生食賣，見到餵生食價錢仲平過罐頭！
其實餵生食係咪營養同價錢方面仲抵過全濕食？
生食/乾生食>鮮食>罐頭>乾糧？
乾生食同生食有咩分別？
餵生食都係要一日兩餐？又見到之前講過生食仲會飽啲，可以一日一餐都得？
好亂啊

乾貓草留意係咪貓薄荷，其他都有幫助
汪喵主成分都係洋車前子，不過又額外加其他補充品，就咁買樽洋車前子粉都好夠用，又平啲，自己食都得
貓草南瓜茸效果就無咁明顯

有無相睇？我想知你加水加成點

一直有個迷思 但無人答到。。

就係低碳高蛋白嘅乾糧好多時 灰質都好高
好似形成正比關係

但長期太高灰質亦對貓貓泌尿系統有壞影響
好似關礦物質事
咁點算好?

可惜汪喵唔送生肉去香港

品牌生肉無論凍乾定急凍，只要講明係主食就可以，營養上會好過主食罐頭同乾糧，因為蛋白質無經過高溫加工，對貓狗嚟講易消化啲，吸收都好啲

但價錢差異大，自制生肉最平，不過要自己計營養分量
喺香港買品牌急凍生肉比罐頭貴少少，除非剩係食big dog生肉佢算最平，拍得住平價主食罐
凍乾生肉最貴，我成日覺得餵凍乾嘅實好有錢

分量方面，餐數唔係重點，野貓都無可能日日有2-3餐食，有時幾日先一餐。來來去去都係睇餵食分量，生肉係跟重量嚟餵，大概佔體重2-3%，幼貓再多啲
你可以一餐比曬全日個量，或者分2餐

有啲人傾向1日1餐甚至2日1餐係為左真正令腸胃有休息時間，貓由食嘢到屙翻嗰啲屎大約要20個鍾

灰質係無機礦物質，可以係鈣，鎂，磷，鉀，鈉呢啲
低碳水即係肉多，肉有好多磷，相對要加翻1-2倍鈣去平衡鈣磷比，肉嘅鉀，鈉又多過植物，所以低碳量高灰係正常

結晶嘅成分係礦物質，寵物糧大廠有少少誤導人會認為高礦物質會易生結石，佢哋出嘅處方糧有刻意降低礦物含量，說穿即係少啲肉囉成本平左又可以賣貴啲。或者一啲低鎂糧都聲稱防鹼性結晶（鎂係幫助正確利用維他命礦物質，過低會導致骨頭鈣質流失，甚至形成酸性結晶）

但脫水先係泌尿道問題主因，貓都要礦物質維持身體機能，係多餘先要排走，如果身體脫水，尿少，咁排走次數就少左，多左機會積喺膀胱，形成結晶，少礦物質只係減慢左形成時間

所以飲夠水灰質唔係需要特別注意嘅事（特別提提如果剩係食乾糧又以為自己隻貓飲得多水唔定期用針筒餵佢遲早出事）反而高碳對貓嘅影響大好多，剩係糖尿病都煩死你

不過幾靚嘅乾糧都唔及普通罐頭（罐頭一樣多灰，但有水分）因為水對貓健康真係好重要

洋車前子粉係咪吐毛先需要食?

應該平日都餵得，換毛期間餵密啲

我見iherb有分全洋車前子殼同洋車前子殼粉
係咪粉會好啲，易mix濕糧？

粉先食到同易啲消化
用緊第4款，食左就嚟一年重有好多

定期食下先有效，毛髮會由腸排走
就係唔想貓貓積到太多毛喺胃要嘔出嚟

嘩 好感激ching嘅回應 冇諗過有人會咁認真打咁大篇解釋
其實我唔係淨係畀乾糧， 但其中一隻食罐 淨係lam晒啲水， 成日食剩啲肉塊
亦唔食肉醬罐，大塊少少嘅肉塊都唔點食， 要樁到啲肉好碎畀佢 lam埋
佢又好鍾意食餅所以我哋畀完罐頭去都會再比餅餅佢

餵緊Devoted 同thrive乾糧， 見灰質都比較高所以有啲concern 謝謝解答

咁淨係餵凍乾生肉，間唔中先俾下罐罐夠唔夠水分？thanks肥美絲

thank you ！

之前接左隻貓返黎佢係咁痾爛屎，諗緊係咪轉環境先咁。隔左兩個星期都係咁，追左你啲post ，睇醫生之前已經買左iherb 隻Lactobif 益生菌同Dr Mercola 消化酶。

之後太擔心都係帶左佢去睇醫生，醫生話隻貓有啲肚痾，話要食益生菌 同 比左隻hills 腸胃罐。但係話隻消化酶係啲肝炎嘅貓先有用。
結果食左一個星期hills 罐 加益生菌，都係一半爛一半正常少少。

我膽粗粗比埋隻消化酶同轉左k9罐，啲屎痾得好靚，尿又多。

依加就益生菌同消化酶都一日比一次。

其實隻消化酶係咪同醫生講嘅一樣對隻貓冇咩幫助，可以日日比？

隻貓其實先8個月大，啲牙肉紅紅地發炎，醫生話應該係細個病毒感染，唔會好😭咁我日日都幫佢刷牙同用左醫生開嘅消炎牙膏，好似都係差唔多。
唔知會唔會有啲牙膏推介可以幫啲牙肉消炎呢？

好彩有得係到問下野，肥美絲 你又咁有心會覆咁多野，真係好多謝你！

推到有人見到

推

老母話十日大

唔想佢咁快死

咁細隻唔沖得涼㗎，如果有蚤要用手逐隻逐隻捉

得10日大即係未戒奶，要沖奶粉餵㗎

不如你帶佢去獸醫度檢查一下，睇下佢係咪健康，順便買啲糧

希望佢肥肥白白長大啦

（好奇想知你呀媽係邊度買佢返嚟90蚊一隻貓，成件事有啲古怪）

去寵物店買貓奶粉同針筒，每2個鍾餵一次
食完之後用暖水棉花印尿道同肛門刺激排泄
一定要保暖，蝨用蝨梳梳走，唔可以沖涼

肥美，請問excel入面a+個隻 wellness core 原味2017配方，岀面仲有冇得買？我見鋪頭寫咗原味，原來都唔a+嗰隻，而係rank B的

隻貓確診腎衰竭，得3歲大，但CREA已經去到第4期 (6.5)，醫生都叫食處方糧。乾糧佢都鍾意食，但濕糧就麻麻地，分開幾次食最後都係剩番一半(每日分3次餵，兩乾一濕)。

我知始終都係食濕糧好，有冇邊隻牌子係岩腎貓食? 定還是可以餵番普通個D不過加番降磷嘢?

隻衰貓唔肯打皮下水，我想用番自然D嘅方法幫佢飲多D水

屋企全家都要翻工關係冇辦法定時俾糧、而家都係放長糧方式。
隻貓而家9個月，體重大約3kg。
佢係一隻會自動自覺唔食太多、食太多會直接嘔俾我睇，同埋非常鍾意飲水既奇特貓
餵緊隻乾糧係NV protein，諗緊要唔要轉canagan野味味俾佢，兩隻糧比較既話邊種會比較冇咁易肥？
另外等佢再大少少就考慮俾罐罐佢食，擔心純乾糧對佢唔太好，keep住放長糧既話罐罐應該幾時俾一次好？

可唔可以講多d資料大概點發現