貓糧資料庫（5）

打完針抵抗力會差少少，可能影響腸胃菌叢，當你轉糧又會因為菌叢改變已軟便，有機會雙重打擊。

Thrive 乾糧先會易軟便，罐頭好少聽過會軟，而且好接近almo nature咁係肉絲同低脂，直接轉都易適應，打針影響不太大，加上6月中先打，你可以換左罐先，到時都適應左，乾糧唔轉住，因為要耐啲時間適應

蒸雞柳只有純肉營養唔均衡，重會影響鈣磷平衡，導至骨骼同腎臟問題，貓仔需要好多營養發育，你盡量用主食罐代替，或者整有營養嘅鮮食

另外可以買定益生菌增加腸道益菌減低轉糧打針影響

係為佢好嘅無理由一唔食就投降掛
轉糧係好慢長過程，不外乎餓佢或循序漸進
不過乾糧同罐頭一樣，口味係一個問題，有時要試多幾個牌子

BTW剩係食乾糧要注意飲水問題，唔好諗住佢自己會飲就唔理每100g食物乾糧同濕糧含水量係相差60g以上，最好keep住每日用針筒餵水（如果你唔打算同佢轉濕糧）

因為係用保證成分計算基本營養，即係每個營養比例只會列出最高同最低，我記得係指抽幾個sample去量，計最高同最低，蛋白質同脂肪係最低保證，纖維灰質水係最高，假如5個sample中量度蛋白質最低係45%，就用佢做reference ，所以保證成分只係參考，係保證你一定得到嗰個量嘅營養

你見有啲牌子我（）offical即係間廠用實際實驗室數據，就會準確好多

100減去所有就係碳水化合物，好多時蛋白質同脂肪比實際高，相對碳水化合物會低少少，加上你見VE個成分係無乜穀物豆薯種子，比保證成分出嚟嘅數據更可靠

如果一啲乾糧你見成分有好多穀物豆薯，咁保證成分就有佢嘅參考價值了

間唔中又要上嚟請教咁多位
我隻唐貓女 10個月左右大 之前都食開CANAGAN罐頭 (雞加鴨) 冇咩問題
但最近唔知點解一食就屙爛屎 有一兩次重要係屙水狀嘅屎
請問係咩原因？

雖然唔係咁明白（我蠢）但應該唔需要擔心了

Wellness core性價比真係好好，不過有巴打話呢排缺貨
如果budget 有限，唔建議買太好嘅乾糧，留多啲錢買主食罐，除左post常提到嘅罐，animonda carny或絕育貓系列，fussie cat金罐都，holistic select都係平價主食罐，間中食下都可以

長遠要平一定係自制生食或鮮食，唔急嘅有時間先研究

想請問下Leonardo隻羊味如何？
有冇d有雞嘅乾糧推薦？
我隻貓應該雞肉敏感唔知食咩好

肥絲見你之前有話幫貓貓刷牙，有冇咩牌子牙刷牙膏推介? 我個隻有腎衰竭 唔知有冇咩唔用得

麻煩哂

成個牌子都唔得寫左3個都覺得浪費時間
羊味主成分係肉，肝，肺加埋先得30%
又有好多不明肉來源，其中poultry protein 即係家禽蛋白質，好大機會係雞為主，因為平，有敏感已唔得
重要可能係屠宰場唔要嘅頭頭尾尾，公路死屍，有病等等途徑收集翻嚟嘅廢肉

要避開至敏原最徹及做法係自制，因為好多時植物蛋白質都會有影響
大部分生肉糧可以做到單一蛋白來源或避開你唔要嘅蛋白，如K9, primal，平啲嘅風乾肉糧ziwipeak

或者揀啲寫明係LID嘅乾濕糧，但無可避免一定有植物蛋白，罐頭你睇多兩睇啲成分就會揀到，如instinct LID, koha LID 或mirrick LID。乾糧真係難好多，唔知你隻貓係咪連雞蛋都唔得，因為絕大部分乾糧都會加蛋，instant LID乾糧成分算係比較好，只係碳水化合物都高

牙刷買個360度刷毛就得，嬰幼兒用平過寵物用
我係用椰子油，消炎殺菌

植子油係天然嘢對貓無害處，kcal高又易被腸道消化，如果腎貓係消瘦嗰啲比多少少都可以

想問下除左CANAGAN同Thrive之外, 仲有咩肉絲罐推介??
主子淨係肯食肉絲d鮮食包佢地都係麻麻地

其實要平要好咪凍乾 汪喵500g先250HKD 一個月最多咪500

Thank you!
如果轉罐罐係咪都要撈舊罐比佢慢慢識應比較好？
同埋見大家都會得閒比下唔同口味罐罐，係咪每次都要溝舊罐慢慢轉？
我都好想快啲換埋乾糧，我朋友原來都有用過rc話多味精難轉糧

我一開始已經溝一半一半
好彩隻貓都乖 肯試肯食
我會keep住輪住幾隻糧畀佢 等佢唔好食死一隻糧

最近轉thrive, 之後細貓發燒，瘦哂，唔知關唔關事？
不過發覺有怪味，啲貓唔太鐘意食
所以餵返orijen

如果想知有冇對蛋敏感可唔可以比白烚蛋佢試？

多謝各位回覆，我有朋友食natural greatness，所以最後我買左幾罐試下

成分夠單一無雜質，只係佢某啲味鈣磷比好怪，有啲好多骨有啲又唔夠，另外因爲佢得心同肝，最好間中加隻蛋食，同補充碘

另外如果長期食佢隻兔肉要額外加牛磺酸，dr Becker 有提過一個生肉實驗指出食兔肉一年後體內牛磺酸會過低，所以肉類要多元化

Tiki

我睇緊stella chewy嗰啲凍乾feeding guide
佢話係based on 8oz measuring cup
我買嗰包先8oz
即係如果12lb貓要一日食哂一包?
有冇睇錯？

https://www.stellaandchewys.com/cat-food/frozen-raw-dinners/morsels/tummy-ticklin-turkey

個杯量嘅係體積，食物包裝個oz係重量，分量會有唔同

多謝你解答

間中加隻蛋意思係撈埋係d生肉入面？咁應該係生蛋定熟蛋？有冇分話蛋白or蛋黃？ 碘既話係咪有碘既supplement可以買？

唔該你

生蛋，所以揀啲靚少少嘅蛋
可以全蛋，亦可以蛋黃，唔可以剩蛋白，因為蛋白有好多抗生物素蛋白，會影生物素吸收

我係比海藻粉，每個牌子含量都唔同，要睇清楚碘有幾多，因為只用好少

岩岩養貓 有野想問下
我隻貓三個月大
近依幾日佢屎眼好大陣屎味 用濕紙巾抺完都係咁
同埋佢成日飲水 唔知佢係口乾定係啲糧太咸
咁既情況係咪原本隻糧唔岩佢先至會咁