貓糧資料庫（5）

快D check下,好似話成批貨都出事

我唔喺香港
不過NV咁差架咩

請問大家食開邊隻益生菌？有無推介？寵物用果d益生菌價錢都好貴下

肚痾真係可以有千萬個理由，唯有續個可能性排除
如果唔係一日幾次，同埋其他方面正常，通常我會叫人試左益生菌一個星期先，唔得再加消化酵素，因為小腸菌叢好易受外來因素影響，病過身體虛弱令壞菌易繁殖太多影響消化就好易痾

生蟲（通常會有少許血）
食物不耐受（消化系統問題，唔適應某種食物，如果係食品牌肉，有時可能係對添加嘅某種植物不耐受，建議自制每次比品一種肉來源測試）
食物敏感（免疫系統問題，通常皮膚會有過敏反應）
壓力（貓好敏感，一受壓會直接由身體反映，有啲貓無啦啦尿道炎都係壓力引發，好多病都會因為壓力令抵抗力變差發出嚟）

細菌cancer 發炎呢啲都有可能，但如果剩係痾軟精神好又肥咁機會都細啲

只要係主食罐營養就足夠，尤其肉醬類
通常係質地分別，佢識食就得，唔一定要買幼貓

人食都得嘅，主要係留意菌量，人食菌量會多好多，而且每個牌子又唔同，菌嘅種類都唔同
因為我用開dr mercola所以無再研究人食牌子
你可以用佢嚟做指標，佢大概有35億個菌
California gold nutrition 喺iHerb 都幾受歡迎人食益菌，佢最低劑量係50億，你咪可以比一半咁

多謝肥美絲請問幾耐要食一次？

呢排貓貓轉糧 請問Rawz 雞肉糧成份有無地方要注意？

上官網睇個成份又好似唔錯

但Moisture可唔可以理解成水份？

http://rawznaturalpetfood.com/cat/rendered-free-cat-food/chicken-cat-food/#guaranteed-analysis

謝謝

推一下， 同問

屋企2隻都係咁， 而家一肥一瘦...

另外想問下唔同口味/牌子既罐糧， 係咪唔好混住食？即係day 1 食a 牌a 味， day 2 a 牌b 味， day3 b 牌a 味 咁食？ 主要係怕佢地食厭

無定㗎，日日食又得，隔幾日一次又得
通常係跟包裝指示，如果只係保健用可以唔使食咁密

呢隻糧肥美絲講這話唔好

成分係幾好，但脂肪太低，變左碳水化合物個比例好高
Moisture 即含水量，通常預10%（最多），實際6-7%左右

混食都可以呀，最緊要隻貓肯食
早晚唔同又得，罐頭成分無乾糧咁雜，只要無對某啲食材不耐受就可以
不過如果得一隻貓，2罐撈埋變左有剩有啲貓唔鐘意雪過嘅肉

係碳水超過30%，可能植物成分好多，同驚長期咁食易有糖尿病

謝肥美絲

二個主子(都係1歲囡， 已絕育), 其中一隻乜都食， 另一隻最近開始揀飲擇食(唔知同天氣/發情有無關痛癢?), 而家搞到一肥一瘦， 打交(玩) 起上黎好似有d懸殊

點算好， 有無巴絲試過

屋企大貓男性布偶七歲 5kg 細貓女兩歲 唐貓 5kg
上個月有一日去左幾次廁所冇痾尿，即刻睇左醫生
原來膀胱有一粒好細好細既石
醫生話唔建議開刀做手術因為肝酵素過高傷口有機會埋唔到
醫生開左隻處方乾糧比佢，但佢唔鐘意食
擺低一個鐘都唔食一粒
因為佢依家狀態唔好，我唔敢餓佢
有另一隻處方濕糧（醫生話食乾糧先）佢都係一日食10-20g 超少

但我發現如果自己煮雞胸，再將雞胸同煮雞胸既水溝罐頭，佢就會肯食好多
一餐可以食到40-50g ， 一日兩餐
但醫生話食得處方糧就唔好食其他野
我同醫生反映左個情況，佢話有另一隻處方乾糧同開胃藥可以試
但我依家為左比佢飲多啲水，都係雞胸溝雞水再溝處方濕糧


兩個月後覆診照多次x光睇下粒石化左未


如果好返我就唔再喂乾糧，依家喂緊wellness 最基礎果隻

到時候就買幾隻主食罐輪流喂，如果唔多食既話溝啲雞胸同煮雞水得唔得？？

如果喂鮮食，雞胸加鈣粉，牛礦酸，b群，魚油，少少南瓜咁樣夠唔夠營養素？

因為我本身都會煮超大量水煮雞胸比自己食，而咁岩屋企兩隻貓都鐘意食雞胸

主食罐揀natures menu , little big paw , koha , k9, koha 係咪都唔錯？？ 只要避開魚味？

以前試過ziwipeak 但兩隻都唔多食，一黎就撥佢。

有無人試過隻貓無啦啦唔肯食嘢肯玩肯跑又唔似有咩事，試過放啲糧喺度耐啲佢會自己走去食但食唔多，係咪食厭咗隻糧定有咩事

最好係先解決左體內粒石先
有鹼性石嘅食處方濕糧就得，無可能話一定要食乾，因為乾糧係導至結石主因

處方溝其他糧係會影響酸性劑發揮效力，不過如果隻貓唔食乜都假，最多都係溶解時間耐少少，盡量唔多溝太多，最好保留到2/3係處方罐
同要停曬乾糧飲多啲水令粒石無機會發大

鮮食方面，要加內臟，否則就要自己再加維他命A,D，同鈣之外嘅礦物質，你買本（貓貓這樣吃最健康）有教點整鮮食

罐頭嗰幾個牌子都可以呀，ziwipeak 罐貴同碳水高，唔啱你隻貓而家食

醫生冇話係酸定鹼性石
但係講過處方濕罐係對付肝酵素，處方乾糧就對付尿石
所以食兩個月乾糧先

我今日去睇多次醫生詳細問下佢先多謝巴打本書我再搵下邊度有賣

可以係發情 天氣熱 口腔病 身體病 悶 或者食厭咗

新手貓奴 接收咗隻而家6個星期大嘅bb貓女
之前睇醫生介紹咗隻 royal canin weanling bb貓糧畀我
但睇返好似好高碳水比例 就快食晒
想問下有冇咩貓糧比較好？ 睇資料庫都唔識點揀
真心求指教

老貓14歲確診糖尿病，醫生開左vetlife 處方乾糧。上網睇濕糧好啲，但係以前俾濕糧佢，主子都係唔食兒家努力希望佢肯定時食飯先。

1）vetlife 糖尿病處方糧好唔好？
2）想轉ziwipeak 罐頭，有無邊隻配方推介？
3）仲有無好既低碳糧推介呀

唔該哂先

以前唔識，放乾長糧，兒家好後悔

糖尿病飲食好簡單，10%以下低碳水，好快可以停針
絕大部分主食罐都低碳嘅，買多幾款唔同牌子口味比貓試
反而ziwipeak 罐頭麻麻哋，佢係少數高碳罐頭個表有寫到罐頭碳水含量㗎，你揀下先
唔好信處方糧，因為成分差，而且乾糧點有穀物豆薯，碳水一定高，你呢隻碳水都超過20%，有排都斷唔到針，目的都係keep住睇醫生

我隻貓2歲
一向朝早擺乾糧
放工返去餵罐
但呢排唔食乾糧
反而罐就一日一罐再加水
食開oven baked雞味
新買個包有一粒粒白色既野
唔係蟲 唔知咩黎 隻貓唔肯食
開左包同牌子魚味佢即刻食（平時新野佢要聞好耐）
食得玩得
到底係個糧問題定係隻貓有問題

另外 如果想轉糧
canagan呢個牌子既乾糧好冇？
因為佢本身罐都食緊呢個牌子，
又或者有冇其他牌子推薦?

醫生介紹係嗰2款牌子嘅糧㗎嘞佢哋唔care營養，最緊要賣到糧比你

你每個月用喺糧嘅budget 有幾多，睇下可唔可以乾濕都餵，或者全濕？因為剩係食乾糧等如慳錢比獸醫賺