貓糧資料庫（5）

屋企隻貓10歲，係咪應該開始食老年貓糧？有冇好推介呢？
宜家食緊orijen 雞肉味

大便正常益生菌唔洗日日食？
咁消化酵素呢？

我想問orijen嘅紅肉糧個成份o唔ok，同埋我主人淨係鐘意食乾糧唔係太鐘意食濕糧，搞到我比濕糧嘅份量都唔夠膽比太多，我驚放太耐會變壞。我近排買左Dr.B(BARF)嘅火雞生肉糧比佢，我想問呢隻版子嘅生肉糧成份得唔得，唔該曬！

紅蘿蔔對貓無乜用啊，佢唔似人同狗咁可以將葫蘆蔔素轉化成vitamin A，只可以吸收由獵物儲存喺肝臟嘅維他命
重有你個餐單vitamin A, B, D都無，礦物質又無，一定唔可以長期食（剩係無鈣質已經對骨骼健康唔好，重會影響鈣磷比，傷埋腎）

Thrive唔係最好，因為脂肪低，但就添加劑最少同無膠質，都可以比魚油補夠。不過選擇唔多，長期食魚尤其吞拿魚會上癮，得雞同火雞揀
最好都比下肉醬，會多啲選擇，如牛羊鹿等等

唔好比老貓糧，成份差
年紀愈大腎臟愈差，如果繼續食乾糧會令身體持續脫水，好快腎衰竭，多啲食優質蛋白濕糧先最好，同時可以注意揀啲低磷罐頭，可減輕己受損腎臟負擔（不仿襯機會同佢驗全血，尤其額外睇睇腎功能重剩幾多）

*額外驗SDMA

主子就嚟一歲想幫佢轉好啲既糧
想乾糧同濕糧都準備下。
乾糧方面考慮緊nv ultimate protein同埋canagan，canagan既話野味味好啲定走地雞味好啲？
定係直接買nv ultimate protein係最好？
濕糧就打算買canagan既，仲打算買啲ziwipeak既風乾生肉糧當零食..
因為得一隻所以暫時冇財政困難要考慮
定係各位前輩有其他建議或者貓糧推薦？

想請教肥美絲
嚟梗諗住開始餵BIG DOG RAW俾我個囡食 想問下佢本身咪一pack pack包好左既 一開始好似要逐D逐D溝俾佢食 慢慢轉 但係解凍點搞?
係咪要解凍前拆開佢再切需要份量用食物盒裝住放係下格解凍? 淨番果D係咪都係用食物盒裝住放番上格就得??

肥美絲
屋企隻布偶半年前轉左royal chain隻布偶糧
唔知係咪油得滯
佢下巴出粉刺同損
另一隻半歲大既貓女都係食依隻糧
都有同樣情況

有無話轉邊隻好? 定轉濕糧好?

有無人餵緊Naturea? 我見呢隻糧個ranking都OK. 但無乜人推介

啲貓真係好麻煩，食左幾個月汪喵罐好好地
呢幾日胃口差左，雖然會摧開飯但食少少就唔食
以為天氣唔穩定胃口唔好，見佢都唔係完全唔食，精神又正常就觀察下先
點知尋晚就餓到嘔都唔肯食，正當想book醫生時，都係開第二隻牌子試試先
頂佢即刻食今朝胃口都好好

所以而家要轉罐而家有邊隻ok又抵食啲？

搞乜野，大狗咁多味都冇貨！
班大帝又唔肯食B醫生
想死

primal佢有隻試食裝，但度度都冇貨，唉

我都啱啱買左，但佢打黎話全線斷貨好彩唔係食開只係想試
我隻貓好細食，見佢建議餵食量好似好少就夠，好似啱佢啲
3.5kg既貓係咪真係半包多啲就得？

糧頭冇膠 低炭 成份好 我暫時只係搵到instinct Ultimate 汪喵 同thrive 不過thrive脂肪好似好低 會唔會有其他牌子介紹？

細妹隻貓痾唔到尿，似係食乾糧飲水唔夠
試過轉食濕糧又會痾血，醫生就話佢腸胃唔好先咁
有冇邊啲濕糧罐頭係for腸胃同腎唔好既貓貓食

同意
呢兩日我主子都唔肯食汪喵，嘥曬啲罐
其他肉醬罐例如K9同little big paws佢哋又食得好開心

前幾日同佢去打針醫生問佢有冇杜過蟲 我話只係每個月滴頸
之後醫生問洗唔洗開啲口服杜蟲藥比佢
我當時就話唔需要

其實係咪需要久唔久餵佢食 但之前樓主話呢啲都係毒藥黎 最好連頸都唔好滴

點睇依隻罐?
http://www.catiscat.com.hk/index.php?route=product%2Fcategory&path=212_486&fbclid=IwAR2fZXOlxF6IX0QGwTbsVCtE86P7tbaG_NYBAoUgSHK29nubsNsgvN53Fsg

買左大狗火雞兩盒 死都唔肯死
雞又成日斷貨 仲有咩商業生肉推薦 定係趁夏天轉凍乾算

唔肯食*

正常一包一餐差不多，有啲貓有機會細食，可以切半試大先（啲肉重硬嗰陣切）
肉係放4度櫃解凍12個鐘左右，一解凍左就唔可以雪翻
低溫只可殺蟲，菌就停止繁殖，無殺到，一解凍菌又大量繁殖，食開生肉嘅貓就算胃酸勁都唔預你一次過食大量菌所以食唔囇要掉

有啲糧會噴啲肉渣汁上面吸引貓食，糧油易癡碗，貓下巴長其掂到又唔清潔就好易生，通常改用碟食下巴掂碗機會少就無問題，不過rc成分太差轉都係正確咩貓都應以肉為主，所以糧愈低碳水愈好，揀左幾個價錢都接受到嘅牌子再問都未遲

經濟無問題就食濕糧
其本上一隻貓食罐7-800都夠一個月

你應該比益生菌試左先，唔得再搭消化酵素，食慣乾糧嘅貓腸胃係難消化得切濕食，再唔得重有榆樹皮粉修復腸胃黏膜，飲骨湯，好多方法腸胃唔好就要醫好佢，唔係要諗咩嘢啱佢食

可以三種牌子都餵呀，無必要只可揀死一個牌子，k9,canagan,natures menu, little big paw等等都可以

我一日餵2餐
2餐濕糧都ok?