我和鄰居大姐姐的故事（20）
葉開葉開
1001 回覆
278 Like
2 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
Pushhhh
是今日樓主好忙？
而家出
五百八十二
星期五果晚，我補完習返到去hall入到房，見到阿威攤左響張床好似呆左咁望住天花板。
「阿威，你係咪有乜野心事？」我問。
「吓？...吓？冇...呀？做乜野咁問？」阿威個樣完全唔似冇事。
咦？
我平時比人睇穿既時候都係咁既樣？
唔怪得連周芷若都睇得穿了。
「呢幾日已經開始覺得你好唔妥…尋日仲離譜，問你既野十問九唔應，好似變到野都唔識講咁。」佢可能自己冇留意，但響旁人睇黎就好顯眼了。
不過阿威諗左陣，都係搵左另一個藉口：「冇呀，我尋日發燒呀，病到short左。」
信你果個就真係short鳩左...
之後我同佢叫做爭持左一輪，佢都係堅持自己冇野。
唉，好撚攰。
我自己都有野心煩緊，你唔講我都唔理你唔撚逼你。
唉。
「唔緊要，到你想講既時候我會肯聽。」我唯有咁同佢講。
「哈哈，我都話我冇事咯！」阿威笑道。
但佢個笑容好撚勉強。
我聳聳肩，拎左啲衫褲就去左沖涼。
佢咁既狀態，聽日得唔得架？
*
第二日我同阿威仲有司徒一齊出發，同幾個隊友一齊食左小小野，之後就一齊搭隊巴出發。
我坐左響阿威隔離，佢成個人仲係遊緊魂咁。
「喂，一陣間上到場，唔好將啲唔好既野帶埋上球場啊。」我向阿威忠告左一句。
呢樣野好重要，我係無論球場外面發生左咩事都好，都唔會點影響到球場上面既表現。
「哦。」阿威望住窗口應左我一句。
唉屌，都唔柒知佢有冇聽入耳既。
落車之後我地成班走入更衣室，中途見到有個打扮得幾靚既女仔坐左響看台，見到我地對住我地展露出甜美既笑容。
包括司徒在內既身邊幾個隊友狗口長不出象牙，圍爐講左幾句調戲個女仔既說話。
阿威突然出聲：「喂，收下口喇，果個我女朋友黎架。」
哦？
原來呢個就係阿威既女朋友Jenny？
我望上看台，佢望落個樣同性格感覺上都唔差。
唉，阿威你搞乜鬼啊。
呢個時候阿威揮手同Jenny打左個招呼，而Jenny都有回禮。
司徒仲想再出言調戲既時候，我伸手拍下佢膊頭：「夠啦，入去換衫啦。」
「唉，好喇好喇。」司徒同幾個隊友走去更衣室，我再望向阿威，佢向我微一點頭。
佢個人好似冇啱啱咁呆。
女朋友黎左，所以個心理狀態好左啲？
＊
好快我地換完衫熱埋身，正選陣容都公佈埋，我同阿威都係正選。
不過阿威個樣仲係有啲渾渾噩噩，真係令人有啲擔心。
今日場波我地個戰術果然繼續係用升級版既黑熊戰術。
陳sir同我地講戰術果陣，就真係冇青年軍咁仔細，只係盡量用顯淺既戰術去應付呢場比賽。
而阿東雖然腳傷未愈，但作為隊長既佢都有到場為我地打氣。
「今年我地實力好過上年，」就響差唔多開波要出場既時候，阿東將我地全隊聚埋一齊圍圈：「今次分組賽對住港大並唔係冇得贏既，今次，我地係以3分為目標，OK？」
大家一齊鳩叫：「好！」
對於自己既狀態，我自己心中有數，或者再冇可能可以回復返我港青時既水平，不過我依然要盡力踢。
阿東伸左隻手出黎，放左響圍圈中間，然後大家都將手掌搭上去。
「3分，OK？」阿東大叫。
「好！」大家怒吼：「嶺南！嶺南！嶺南！！」
我地正選球員全部散開。
我有啲擔心咁望一望阿威，佢好似僵硬咁個人行緊去後防位置，正當我想上去同佢打打氣既時候，今場既隊長，year 3老鬼既中堅森遜行左過去同佢打氣。
嗯…
睇黎注意到阿威有問題既唔止我一個。
激勵隊友呢樣野交比隊長喇，我專心爭取入波先。
森遜為阿威打完氣之後就走去球證度擲公字，最後係我地揀場，港大開波先。
森遜揀返我呢個背住太陽光既半場，所以我地唔駛郁。
港大首先開波。
咇！
球證一吹雞，港大既前鋒回後比進攻中場之後就向前衝，森遜已經望住佢地兩個衝緊上黎既前鋒嚴陣以待。
森遜嚴陣以待……咁阿威呢？
其中一個港前鋒已經向條仆街既方向衝緊埋去，條撚樣仲發緊吽哣！
（待續）
星期五果晚，我補完習返到去hall入到房，見到阿威攤左響張床好似呆左咁望住天花板。
「阿威，你係咪有乜野心事？」我問。
「吓？...吓？冇...呀？做乜野咁問？」阿威個樣完全唔似冇事。
咦？
我平時比人睇穿既時候都係咁既樣？
唔怪得連周芷若都睇得穿了。
「呢幾日已經開始覺得你好唔妥…尋日仲離譜，問你既野十問九唔應，好似變到野都唔識講咁。」佢可能自己冇留意，但響旁人睇黎就好顯眼了。
不過阿威諗左陣，都係搵左另一個藉口：「冇呀，我尋日發燒呀，病到short左。」
信你果個就真係short鳩左...
之後我同佢叫做爭持左一輪，佢都係堅持自己冇野。
唉，好撚攰。
我自己都有野心煩緊，你唔講我都唔理你唔撚逼你。
唉。
「唔緊要，到你想講既時候我會肯聽。」我唯有咁同佢講。
「哈哈，我都話我冇事咯！」阿威笑道。
但佢個笑容好撚勉強。
我聳聳肩，拎左啲衫褲就去左沖涼。
佢咁既狀態，聽日得唔得架？
*
第二日我同阿威仲有司徒一齊出發，同幾個隊友一齊食左小小野，之後就一齊搭隊巴出發。
我坐左響阿威隔離，佢成個人仲係遊緊魂咁。
「喂，一陣間上到場，唔好將啲唔好既野帶埋上球場啊。」我向阿威忠告左一句。
呢樣野好重要，我係無論球場外面發生左咩事都好，都唔會點影響到球場上面既表現。
「哦。」阿威望住窗口應左我一句。
唉屌，都唔柒知佢有冇聽入耳既。
落車之後我地成班走入更衣室，中途見到有個打扮得幾靚既女仔坐左響看台，見到我地對住我地展露出甜美既笑容。
包括司徒在內既身邊幾個隊友狗口長不出象牙，圍爐講左幾句調戲個女仔既說話。
阿威突然出聲：「喂，收下口喇，果個我女朋友黎架。」
哦？
原來呢個就係阿威既女朋友Jenny？
我望上看台，佢望落個樣同性格感覺上都唔差。
唉，阿威你搞乜鬼啊。
呢個時候阿威揮手同Jenny打左個招呼，而Jenny都有回禮。
司徒仲想再出言調戲既時候，我伸手拍下佢膊頭：「夠啦，入去換衫啦。」
「唉，好喇好喇。」司徒同幾個隊友走去更衣室，我再望向阿威，佢向我微一點頭。
佢個人好似冇啱啱咁呆。
女朋友黎左，所以個心理狀態好左啲？
＊
好快我地換完衫熱埋身，正選陣容都公佈埋，我同阿威都係正選。
不過阿威個樣仲係有啲渾渾噩噩，真係令人有啲擔心。
今日場波我地個戰術果然繼續係用升級版既黑熊戰術。
陳sir同我地講戰術果陣，就真係冇青年軍咁仔細，只係盡量用顯淺既戰術去應付呢場比賽。
而阿東雖然腳傷未愈，但作為隊長既佢都有到場為我地打氣。
「今年我地實力好過上年，」就響差唔多開波要出場既時候，阿東將我地全隊聚埋一齊圍圈：「今次分組賽對住港大並唔係冇得贏既，今次，我地係以3分為目標，OK？」
大家一齊鳩叫：「好！」
對於自己既狀態，我自己心中有數，或者再冇可能可以回復返我港青時既水平，不過我依然要盡力踢。
阿東伸左隻手出黎，放左響圍圈中間，然後大家都將手掌搭上去。
「3分，OK？」阿東大叫。
「好！」大家怒吼：「嶺南！嶺南！嶺南！！」
我地正選球員全部散開。
我有啲擔心咁望一望阿威，佢好似僵硬咁個人行緊去後防位置，正當我想上去同佢打打氣既時候，今場既隊長，year 3老鬼既中堅森遜行左過去同佢打氣。
嗯…
睇黎注意到阿威有問題既唔止我一個。
激勵隊友呢樣野交比隊長喇，我專心爭取入波先。
森遜為阿威打完氣之後就走去球證度擲公字，最後係我地揀場，港大開波先。
森遜揀返我呢個背住太陽光既半場，所以我地唔駛郁。
港大首先開波。
咇！
球證一吹雞，港大既前鋒回後比進攻中場之後就向前衝，森遜已經望住佢地兩個衝緊上黎既前鋒嚴陣以待。
森遜嚴陣以待……咁阿威呢？
其中一個港前鋒已經向條仆街既方向衝緊埋去，條撚樣仲發緊吽哣！
（待續）
準備坦白了Push
推推
威哥應該之後會俾人打柒
你緊係未睇ocmap故
唔記得劇情啦，都咁多年了
兩個出軌嘅男人要互相開解
都係最掛住呀冰
Push
綠茶巴
可能佢會響第二個故度再出場呢
好似好基咁
推山區巴
五百八十三
「阿威！」我響半場線附近嗌返過去！
「喂！追波啊！」森遜改變方向，冇理自己身後個前鋒，改為去幫阿威手幫佢包位，但睇黎已經太遲，港大前鋒已經過左阿威，眼看就要對住龍門一對一…
阿威突然間好似醒返咁180度轉身雙腳飛剷埋去……
啪！
阿威雙腳完全唔中波，而係中腳！
「啊！！！」個港大前鋒比佢踢到撻左響地下摸住隻腳慘叫。
仆街喇……
果然，球證諗都唔諗就衝埋去，直接向阿威出示紅牌趕佢出場。
屌……
我同班隊友都走上前睇下點搞好……
「喂，我唔係有心架，唔好趕我出場呀！」阿威衝上前同球證解釋。
屌，冇撚用架！
呢個時候幾個港大既球員衝過黎推撞阿威：「屌你老母！你條仆街踢波定踢人呀？」
有啲隊友走埋去推返開佢地……
不妙，咁搞法成班群抽，唔知會有幾多個雙方球員會食牌……
「屌你老母你講乜撚野啊！」仆街，阿威想還拖……
啱先踢波果陣又唔見你咁勇？而家先黎火上加油！
我即刻拉撚住條戇鳩：「冷靜呀！阿威！你想停多幾場賽？」
「佢屌我老母呀！」條友仲掙扎緊。
見到咁，我唯有大聲鬧鳩佢：「冷靜啊！你想累撚死我地！？你已經紅撚左喇！」
比我大聲咁喝一喝，阿威登時呆撚左。
我見佢停左手，就去分開其他同港大球員推撞緊既隊友。
阿威冷靜落黎之後抱住頭，跪左響度，然後再向球證求情。
不過諗都諗到，邊撚度會有用？
阿威死死地氣咁行出球場，經過後備席既時候仲同陳sir佢地道歉，陳sir淨係拍下佢膊頭。
唉屌。
不過雖然少左一個人，但場波都仲要踢既。
專心啊余正熙！
擾攘一輪之後，港大響禁區頂得到個罰球，佢地個10號球員擺好左個波準備操刀。
我本來想返去幫手回防，但陳sir指示叫我唔好，寧願企響前場等機會反擊。
都啱既，而家港大班友上晒去，如果我地守得住呢球做到個防守反擊，咁呢個就係一個絕好既入波機會！
守門員Steven已經擺好左人牆。
要守住啊！
港大10號退後兩步，靜待球證一吹雞就助跑，然後起腳！
好，呢球佢既射門軌跡唔算好靚，應該可以救到既……
Steven蹤身一躍，個波響佢手邊飛過……
啪！
入網。
……
開波只係幾分鐘，港大就已經領先一比零。
屌，呢下我睇得出Steven起跳果下已經慢左，加上佢既彈跳力唔夠同撲救既姿勢唔夠正宗，導致呢球應該救到既罰球就咁應聲入網……
唉屌，唔好怪佢，佢已經盡左全力。
我唔應該用熊輝同鄭定謙佢地黎做standard去同Steven比較……
「喂！醒神啊！一球咋！」我走返過自己半場拍一拍自己隊友，同佢地打下氣：「追得返架！」
「冇錯！」代隊長森遜都附和：「啱啱開波咋，大把時間追！」
「好！」大家既士氣好似恢復返小小...
我地將個波響龍門入面執返出黎繼續比賽。
由於我地太早就打少一個人，兼且又開波幾分鐘就失波，完全打亂左我地賽前既部署，我地本來想穩守突擊，但係而家為左追返一球先反而想搶攻，但整體黎講唔夠對手強又打少一個，亂咁攻上去反而係咁比人搶走晒啲波，斷送晒控球權。
陳sir本來想以不變應萬變，但係我地得一個中堅實在係令到門前險象橫生，結果失左波唔駛五分鐘佢已經當機立斷，將進攻中場俊仔換出，換入後備中堅阿全。
「踢少一個人，所以陳sir先要改變部署，唔關你事。」被換走既時候俊仔一副好落寞既表情，森遜上前安慰。
阿全就戰戰兢兢咁準備入場。
呢個阿全，同阿威完全係唔同類型既中堅黎，雖然有彈跳力、速度同埋奮不顧身既拼命精神，但波底算差，判斷力都唔好，要佢頂替阿東同阿威真係強人所難。
即使換左個中堅都好，都改變唔到我地比港大㩒住黎打既事實，而響缺少左一個進攻中場既情況之下，我地更加做唔到攻勢上前，但兩個中堅努力下總算成功保住一比零既戰果完半場，唔駛失多球。
（待續）
「阿威！」我響半場線附近嗌返過去！
「喂！追波啊！」森遜改變方向，冇理自己身後個前鋒，改為去幫阿威手幫佢包位，但睇黎已經太遲，港大前鋒已經過左阿威，眼看就要對住龍門一對一…
阿威突然間好似醒返咁180度轉身雙腳飛剷埋去……
啪！
阿威雙腳完全唔中波，而係中腳！
「啊！！！」個港大前鋒比佢踢到撻左響地下摸住隻腳慘叫。
仆街喇……
果然，球證諗都唔諗就衝埋去，直接向阿威出示紅牌趕佢出場。
屌……
我同班隊友都走上前睇下點搞好……
「喂，我唔係有心架，唔好趕我出場呀！」阿威衝上前同球證解釋。
屌，冇撚用架！
呢個時候幾個港大既球員衝過黎推撞阿威：「屌你老母！你條仆街踢波定踢人呀？」
有啲隊友走埋去推返開佢地……
不妙，咁搞法成班群抽，唔知會有幾多個雙方球員會食牌……
「屌你老母你講乜撚野啊！」仆街，阿威想還拖……
啱先踢波果陣又唔見你咁勇？而家先黎火上加油！
我即刻拉撚住條戇鳩：「冷靜呀！阿威！你想停多幾場賽？」
「佢屌我老母呀！」條友仲掙扎緊。
見到咁，我唯有大聲鬧鳩佢：「冷靜啊！你想累撚死我地！？你已經紅撚左喇！」
比我大聲咁喝一喝，阿威登時呆撚左。
我見佢停左手，就去分開其他同港大球員推撞緊既隊友。
阿威冷靜落黎之後抱住頭，跪左響度，然後再向球證求情。
不過諗都諗到，邊撚度會有用？
阿威死死地氣咁行出球場，經過後備席既時候仲同陳sir佢地道歉，陳sir淨係拍下佢膊頭。
唉屌。
不過雖然少左一個人，但場波都仲要踢既。
專心啊余正熙！
擾攘一輪之後，港大響禁區頂得到個罰球，佢地個10號球員擺好左個波準備操刀。
我本來想返去幫手回防，但陳sir指示叫我唔好，寧願企響前場等機會反擊。
都啱既，而家港大班友上晒去，如果我地守得住呢球做到個防守反擊，咁呢個就係一個絕好既入波機會！
守門員Steven已經擺好左人牆。
要守住啊！
港大10號退後兩步，靜待球證一吹雞就助跑，然後起腳！
好，呢球佢既射門軌跡唔算好靚，應該可以救到既……
Steven蹤身一躍，個波響佢手邊飛過……
啪！
入網。
……
開波只係幾分鐘，港大就已經領先一比零。
屌，呢下我睇得出Steven起跳果下已經慢左，加上佢既彈跳力唔夠同撲救既姿勢唔夠正宗，導致呢球應該救到既罰球就咁應聲入網……
唉屌，唔好怪佢，佢已經盡左全力。
我唔應該用熊輝同鄭定謙佢地黎做standard去同Steven比較……
「喂！醒神啊！一球咋！」我走返過自己半場拍一拍自己隊友，同佢地打下氣：「追得返架！」
「冇錯！」代隊長森遜都附和：「啱啱開波咋，大把時間追！」
「好！」大家既士氣好似恢復返小小...
我地將個波響龍門入面執返出黎繼續比賽。
由於我地太早就打少一個人，兼且又開波幾分鐘就失波，完全打亂左我地賽前既部署，我地本來想穩守突擊，但係而家為左追返一球先反而想搶攻，但整體黎講唔夠對手強又打少一個，亂咁攻上去反而係咁比人搶走晒啲波，斷送晒控球權。
陳sir本來想以不變應萬變，但係我地得一個中堅實在係令到門前險象橫生，結果失左波唔駛五分鐘佢已經當機立斷，將進攻中場俊仔換出，換入後備中堅阿全。
「踢少一個人，所以陳sir先要改變部署，唔關你事。」被換走既時候俊仔一副好落寞既表情，森遜上前安慰。
阿全就戰戰兢兢咁準備入場。
呢個阿全，同阿威完全係唔同類型既中堅黎，雖然有彈跳力、速度同埋奮不顧身既拼命精神，但波底算差，判斷力都唔好，要佢頂替阿東同阿威真係強人所難。
即使換左個中堅都好，都改變唔到我地比港大㩒住黎打既事實，而響缺少左一個進攻中場既情況之下，我地更加做唔到攻勢上前，但兩個中堅努力下總算成功保住一比零既戰果完半場，唔駛失多球。
（待續）