277 Like
2 Dislike
秀田。武仁耕
2023-06-14 16:02:35
push
大你三條百力滋
2023-06-14 16:44:59
大西北姿粉客
2023-06-14 22:24:25
見到熙哥咁生性真係好欣慰
局部多暈
2023-06-15 01:54:23
淇淇應該都唔多唔少咁係M底
葉開葉開
2023-06-16 13:34:42
精神上M底
葉開葉開
2023-06-16 13:35:02
倍感安慰
葉開葉開
2023-06-16 13:35:20
推山區巴
葉開葉開
2023-06-16 13:35:35
綠茶巴
葉開葉開
2023-06-16 13:36:08
五百五十
「你係邊撚個坐左我張凳?」我皺眉問果條友。
雖然我一入房就屌柒條撚樣,但可能條仆街自知理虧,所以冇嬲之餘仲係咁say sorry。
「啊,唔好意思,你係阿威既同房啊呵?我以為你冇咁早返所以拎左你張凳黎坐!」撚樣一臉唔好意思:「比返你,比返你。」
「阿熙,唔好意思,其實係我叫佢坐你張凳架。啱啱食完飯你又未返到,咪諗住叫司徒陪我打陣機囉,點知一打就打到咁夜...啊,仆街喇,而家幾點?我要打比Jenny!」阿威突然間一臉驚青。
Jenny係阿威既女朋友,有時夜晚佢地響房都會旁若無人咁傾電話,講啲野好撚肉麻...
而阿威正一老婆奴黎,好似全天候一得閒就要打比Jenny報平安咁。
扯遠左添。
講返張凳。
同一句說話,由兩個唔同既人講出黎,我既反應都唔同。
所以雖然同樣係自作主張拎左我張凳,但係我對阿威既包容力明顯高好多,聽到係佢拎我張凳比阿撚樣坐,我就算鳩數:「算喇,你地要打機都要有凳坐既。」
阿威向我點左點頭之後,就拎起部電話撥左個號,同Jenny細細聲咁傾起黎。
撚樣就有啲尷尬,坐左響度拎住個手掣,望下我又望下阿威咁。
我先唔得閒理佢,因為有小小攰,所以諗住響床上面攤一攤先再去沖涼。
「啊,你好啊,我叫司徒啊,讀Year 2 Social架。」司徒打破自己既尷尬,向我打招呼道。
「我叫阿熙。」禮貌上我都向佢打返聲招呼。
又沉默。
「啊,係嘞,你有冇諗住上莊或者參加咩課外活動咁?」司徒又問。
關你撚事咩。
不過我而家識收火,所以梗係冇咁寸咁講出黎,只係淡淡地道:「冇。」
「啊,我係足球隊架,你有冇踢開波架?」司徒問。
我?
講起我以前踢港青又拎過東亞少盃冠軍又拎過當屆神射手真係嚇撚死你。
不過...腳傷之後...唉。
「有。」所以我只係淡然地答道。
阿威呢個時仲係好投入咁同女朋友傾緊計,冇聽到我地既談話內容。
其實佢身材都好高大,應該有玩開運動,唔知係玩咩呢?
會唔會都係踢波?
司徒聽到我有踢波之後就好友善咁同我講:「今個星期六我地足球隊選拔啊,有時間黎參加下吖。」
「嗯,好啊。」我本身就諗住參加既。
我講完之後情不自禁咁望一望自己隻左腳。
傷完之後我真係未試過踢足90分鐘既正式比賽,以前中學校際既學界比賽,雖然係踢草場,啲球例又跟足足總,但只係踢上下半場總共70分鐘。
雖然已經過左四年幾,乜鳩物理治療都做晒,但係我可以回復到幾多實力呢?
仲有我雖然暑假時仲有間中同文叔佢地踢下波,但開左學之後都冇乜運動,狀態又點呢?
當然,我冇擔心過自己究竟入唔入選到校隊,憑我既實力要入選我諗真係冇問題,但始終我對自己踢波要求都高,即使唔係踢職業,我都希望自己可以踢好啲。
仲有,希望唔好受傷,我隻左腳承受唔到再黎多次重傷。
講完呢幾句我地又沉默起黎,成個房得阿威同佢女朋友細聲講大聲笑既聲音。
司徒企左咁耐都真係越企越尷尬,望左阿威一陣,估佢應該冇咁快講完電話,於是放低個手掣,向我道別:「條友睇黎都冇咁快講完電話,我都係返房先。」
「哦,好啊。」我向佢揮揮手道別。
司徒向阿威都揮手,道:「你講完電話又未訓就過黎搵我再打機喇。」
阿威一路講電話,一路向司徒做左個OK既手勢。
跟住司徒就走左出去,成間房就剩返我同阿威,佢好開心咁煲緊電話粥……
我伸手拎起個電話一望……
個主頁面好乾淨咁淨係顯示時間,冇新訊息、冇missed call……
唉。
雖然我知秋兒姐姐好忙好辛苦,所以先唔得閒同我聯絡,但係我都真係好羨慕阿威可以隨時隨地咁搵自己女朋友傾電話。
我歎左口氣,由床上坐返起黎,伸左個懶腰,然後就出去走廊既廁所沖涼。
(待續)
秀田。武仁耕
2023-06-16 14:12:10
推推推
小火花
2023-06-16 15:00:38
有文推推
綠茶綠茶
2023-06-16 15:27:27
Push
寧釆臣
2023-06-16 17:36:24
推
Taeyeon_ss
2023-06-16 22:31:49
推
大西北姿粉客
2023-06-16 23:05:17
熙哥開始寂寞難耐
山區兒童窩巴
2023-06-17 00:19:00
推推
山區兒童窩巴
2023-06-17 00:19:20
大你三條百力滋
2023-06-18 15:47:16
啫喱
2023-06-19 13:03:01
Push
葉開葉開
2023-06-19 13:07:43
五百五十一
雖然好攰,但第二日都仲係要上堂既。
我、阿威同阿冰三個咁啱reg埋同一堂,所以理所當然地坐埋一齊上堂。
佢兩個之間又幾多互動架喎,多數都係兩個冇乜聽書響度傾下計咁,不過咁樣我都落得清閒,認認真真咁上堂。
就黎落堂既時候,我電話突然震左一震,我以為係秋兒姐姐,連忙拎個電話出黎睇。
...
係組媽Cathy。
“熙仔你到未?”
啊,係喎,尋日Cathy問我去中菜廳食飯既時候有冇堂,我好似諗都冇諗就鳩UP話冇堂,所以佢先會奇怪點解我仲未到。
佢約既係十二點中菜廳等,而我地三個就十二半先落堂。
“Sorry原來我有堂上,我同威冰落堂一齊過黎“ 我回覆返Cathy既短訊。
“你地一齊上堂?”
“係”
我覆完呢句之後就擺低左部電話,繼續專心上堂。
哈,秋兒姐姐而家上緊堂教緊書啊,邊有可能會send到message比我吖?
好唔容易終於等到落堂,我同阿威仲有阿冰三個就行去中菜廳。
「呢度!」肥仔阿賢對住我地揮手。(後尾阿威同我講,其實肥仔賢係應該同我地一齊上啱啱果堂Lecture,但條友第一堂已經走左堂,所以先咁準時出現響中菜廳。)
而Cathy都一臉高興咁望住我地三個。
似乎除左我地三個,其他人都好準時到左。
「咦?獸...Simon爸爸未到?」阿威周圍望左一望之後問大家。
又係喎。
條撚樣真係唔撚見人喎。
「佢話有堂上所以唔黎啦。」Cathy答道。
啊,咁對我黎講仲好!
唔撚駛見到條撚樣響度督眼督鼻。
嗱,我就真係好撚小器既,Simon條仆街冚家剷寸鳩我,我就真係好撚記得既。
所以理所當然地,當日幫過我講說話既阿威,我一樣好記得。
「食野先喇,唔好等喇。」奶爸Alan道。
其實除左Simon之外,個個都到齊晒,都冇野好等。
而且佢地響等我地既時候自己已經食緊喇。
Cathy呢個時候隔空遞左張點心紙過黎比我,道:「熙仔你地三個啱啱到,睇下想叫啲咩食?」
「好啊。」我企起身伸手去拎。
接過點心紙,我隻手唔小心掂到Cathy隻手指,我就冇乜野,但Cathy好似有啲唔係幾好意思。
大家都大學生,唔小心掂到下隻手啫,個反應唔駛咁純情啩。
之後我、阿威同阿冰三個鳩點左啲點心,大家再傾下閒計。
我就冇乜點出聲,都係聽居多。
傾下傾下,Cathy突然間問大家:「係喎,你地有冇諗住上莊?」
之前響O Camp定樓上Cafe傾開閒計果陣都有人(唔記得邊個)提過吓關於上莊既野,上莊大概係指做一個學會既委員咁,啲學會有大有細,大既可以上學生會,做學生會成員都叫上莊既一種,細既你鍾意上靈異學會都ok。
不過我覺得果啲真係諗住上莊既人都真係幾得閒,因為果陣只係粗略咁聽佢地吹水,佢地就已講到上大莊(好似系會同宿生會)要成日開會可能會冇覺好訓,又可能成日走堂,但係出左咁多力都好又冇錢收,其實上莊黎對自己有乜好處呢?
真係有人咁撚戇鳩去上莊架咩?
我呢個念頭都未諗完,肥仔賢就已經雙眼發晒光咁話:「有呀!」
啊,真係有人咁撚戇鳩架喎。
「咁你會唔會想上系莊?」Cathy問。
佢好想人上莊咩?佢比我既感覺好似係果用熟人關係黎氹啲朋友入局既騙案咁...
話時話,我記得我既組爸組媽好似冇人係系莊架喎,做咩Cathy好似咁想氹人入天仙局咁既?
「我想上啲唔hea 既莊,系莊啱唔啱?」
「系莊一定唔會hea,雖然唔夠學生會辛苦,但都好chur架。」Cathy答。
「阿媽妳唔係莊員,不過好似都知得幾清楚下喎。」大波妹Amanda問。
呢個問題我都想知,不過我本身都冇諗住咁八卦問,既然有人幫口問左仲好,可以解答我好奇心又唔駛我問。
「哦,我同房係吖嘛,佢地而家準備招莊,所以都托我問下你地入面有冇人有興趣。」Cathy答。
哦,謎底終於解開喇,原來係幫同房招莊。
「咁預我一份先啦!」肥仔賢竟然諗都唔諗就答:「你地呢?有冇人一齊上?」
肥仔賢講完呢句之後,Cathy既目光向我望過黎。
(待續)
睇操女教練
2023-06-19 13:16:50
講起我以前踢港青屌表姐又拎過東亞少盃冠軍試過喺課室開罐頭又拎過當屆神射手開哂門玩露出扑嘢真係嚇撚死你。