我和鄰居大姐姐的故事（20）
葉開葉開
1001 回覆
279 Like
2 Dislike
見到靚仔阿sir梗係聽話
綠茶巴
就黎
五百五十七
「好喇，我地下星期二見喇。」補完習，我開始執野準備走。
一落堂周芷若終於鬆左口氣，然後即刻轉移話題：「余正熙～你踢波咁勁，得閒教下阿立踢吖～佢都係學校足球隊架！」
「妳不如叫返我余sir喇。」我皺眉道。
得一個人會係咁叫我全名，果條八婆個名叫鄭穎琳。
「我鍾意叫你余正熙余正熙余正熙～」周芷若嬌笑道。
「我叫妳唔好咁叫我啊！」我有啲嚴肅地喝鳩佢道。
「唓...咁咪叫返你余sir囉。」周芷若扁扁咀。
「唔，咁我地下個星期見喇。」
「哦...拜拜...余正熙～嘻嘻。」
……
算數。
「啊，余老師你走嗱？等我黎送你吖！」周阿嫲又走出黎。
唔撚駛喇啩...
不過周阿嫲都係堅持送我去搭𨋢，途中佢又同我吹下水：「豬女尋日又激走另一個老師喇。」
「啊，除左我，佢仲有第二個老師架咩？」我有啲驚訝。
「有啊...好似係補數學果啲科...哎呀，伯爺婆都唔係好知，但佢爸爸幫佢搵左兩個補習老師，其中一個就係你。」
「哦...」可能另一個老師係專補理科果啲？
「不過豬女睇落都好鍾意你。」周阿嫲望住我慈祥地笑道。
「係咩？」
「至少你鬧佢，佢會聽。」
我聳聳肩。
講起黎我都唔知平時既周芷若係點，又點比較呢？
不過睇佢尋晚響茶餐廳既表現，佢係咪應該係果啲大癲大肺既女仔呢？
諗起佢尋晚附和我對付自己既男朋友阿立就好笑。
呢個時候部𨋢都打開門，我同周阿嫲道別，就走入𨋢閃人了。
而呢堂之後我雖然都仲係覺得同周芷若補習辛苦，但腦海入面已經逐漸冇左果種唔想做佢補習老師既感覺。
＊
「你一陣選拔比心機啊。」秋兒姐姐響電話度同我講。
而家係星期六朝早，係大學足球隊選拔既日子，而秋兒姐姐行緊去幫佢個學生私補，趁呢段短短既時間佢打電話比我，而我就去左我果層既後樓梯度接聽。
總覺得我地相處既時間每一秒鐘都好寶貴，我同佢兩個都好珍惜呢啲得黎不易既時光。
啊，不過其實以秋兒姐姐而家已經係正式老師既身份，佢係唔應該響出面幫啲學生私人補習，佢咁做真係偷偷地做架咋。
冇計，要搵錢吖嘛。
「其實我冇諗過自己入唔到，哈哈。」呢句係我既真心話。
老實講，我知大專盃既水平係幾高，當年黎講尤其是城大、理大同教院（而家既教大）甚至有唔少球員係踢緊甲組，但我仍然有信心以我既能力，就算去到邊一間大學都好，要入校隊應該都唔係問題。
「你個熙熙，做人要謙虛啊。」秋兒姐姐道。
「我講事實啫，哈哈。」
之後我地又講到未來外母既病情。
「佢啱啱做左第一次化療，而家都停左工...唉，我睇見佢成日都作嘔咁真係好辛苦...」秋兒姐姐嘆道。
「咁呢啲係副作用，都冇辦法既。」我安慰秋兒姐姐：「我會同妳一齊去面對架，放心，發生咩事都好，仲有我陪住妳。之前補習啲錢，我入左落妳戶口架喇，妳得閒就check下喇。」
果度其實真係得有限錢，不過幫得幾多得幾多喇。
唔。
唔係喇，我都係搵多幾份補習好啲，最好係每一堂即時出糧果啲。
「多謝你啊熙熙。」秋兒姐姐感激地道：「啊，我到樓下喇，你一陣踢波小心啲啊。」
「嗯，知道喇，拜拜。」
之後我地就cut左線。
唉，傾得咁短時間唔夠喉啊。
真係希望我地可以傾耐啲，但現實係有好多限制既...好無奈...
我嘆左口氣之後就返左房諗住換件波衫，咁啱阿威都同佢女朋友Jenny傾緊電話。
有時真係好羨慕呢個貌似王〇既大舊衰，可以咁自由地同自己既女朋友講電話。
我換緊衫既時候，條大舊衰都講完電話，望住我陰陰濕濕咁笑。
屌，笑乜撚野啊？
（待續）
「好喇，我地下星期二見喇。」補完習，我開始執野準備走。
一落堂周芷若終於鬆左口氣，然後即刻轉移話題：「余正熙～你踢波咁勁，得閒教下阿立踢吖～佢都係學校足球隊架！」
「妳不如叫返我余sir喇。」我皺眉道。
得一個人會係咁叫我全名，果條八婆個名叫鄭穎琳。
「我鍾意叫你余正熙余正熙余正熙～」周芷若嬌笑道。
「我叫妳唔好咁叫我啊！」我有啲嚴肅地喝鳩佢道。
「唓...咁咪叫返你余sir囉。」周芷若扁扁咀。
「唔，咁我地下個星期見喇。」
「哦...拜拜...余正熙～嘻嘻。」
……
算數。
「啊，余老師你走嗱？等我黎送你吖！」周阿嫲又走出黎。
唔撚駛喇啩...
不過周阿嫲都係堅持送我去搭𨋢，途中佢又同我吹下水：「豬女尋日又激走另一個老師喇。」
「啊，除左我，佢仲有第二個老師架咩？」我有啲驚訝。
「有啊...好似係補數學果啲科...哎呀，伯爺婆都唔係好知，但佢爸爸幫佢搵左兩個補習老師，其中一個就係你。」
「哦...」可能另一個老師係專補理科果啲？
「不過豬女睇落都好鍾意你。」周阿嫲望住我慈祥地笑道。
「係咩？」
「至少你鬧佢，佢會聽。」
我聳聳肩。
講起黎我都唔知平時既周芷若係點，又點比較呢？
不過睇佢尋晚響茶餐廳既表現，佢係咪應該係果啲大癲大肺既女仔呢？
諗起佢尋晚附和我對付自己既男朋友阿立就好笑。
呢個時候部𨋢都打開門，我同周阿嫲道別，就走入𨋢閃人了。
而呢堂之後我雖然都仲係覺得同周芷若補習辛苦，但腦海入面已經逐漸冇左果種唔想做佢補習老師既感覺。
＊
「你一陣選拔比心機啊。」秋兒姐姐響電話度同我講。
而家係星期六朝早，係大學足球隊選拔既日子，而秋兒姐姐行緊去幫佢個學生私補，趁呢段短短既時間佢打電話比我，而我就去左我果層既後樓梯度接聽。
總覺得我地相處既時間每一秒鐘都好寶貴，我同佢兩個都好珍惜呢啲得黎不易既時光。
啊，不過其實以秋兒姐姐而家已經係正式老師既身份，佢係唔應該響出面幫啲學生私人補習，佢咁做真係偷偷地做架咋。
冇計，要搵錢吖嘛。
「其實我冇諗過自己入唔到，哈哈。」呢句係我既真心話。
老實講，我知大專盃既水平係幾高，當年黎講尤其是城大、理大同教院（而家既教大）甚至有唔少球員係踢緊甲組，但我仍然有信心以我既能力，就算去到邊一間大學都好，要入校隊應該都唔係問題。
「你個熙熙，做人要謙虛啊。」秋兒姐姐道。
「我講事實啫，哈哈。」
之後我地又講到未來外母既病情。
「佢啱啱做左第一次化療，而家都停左工...唉，我睇見佢成日都作嘔咁真係好辛苦...」秋兒姐姐嘆道。
「咁呢啲係副作用，都冇辦法既。」我安慰秋兒姐姐：「我會同妳一齊去面對架，放心，發生咩事都好，仲有我陪住妳。之前補習啲錢，我入左落妳戶口架喇，妳得閒就check下喇。」
果度其實真係得有限錢，不過幫得幾多得幾多喇。
唔。
唔係喇，我都係搵多幾份補習好啲，最好係每一堂即時出糧果啲。
「多謝你啊熙熙。」秋兒姐姐感激地道：「啊，我到樓下喇，你一陣踢波小心啲啊。」
「嗯，知道喇，拜拜。」
之後我地就cut左線。
唉，傾得咁短時間唔夠喉啊。
真係希望我地可以傾耐啲，但現實係有好多限制既...好無奈...
我嘆左口氣之後就返左房諗住換件波衫，咁啱阿威都同佢女朋友Jenny傾緊電話。
有時真係好羨慕呢個貌似王〇既大舊衰，可以咁自由地同自己既女朋友講電話。
我換緊衫既時候，條大舊衰都講完電話，望住我陰陰濕濕咁笑。
屌，笑乜撚野啊？
（待續）
熙哥真係成熟咗好多
最尾有gay味
有文要推
輕輕一推
有文要推
推
heihei幾時比組媽食?
有時真係好羨慕呢個貌似王〇既大舊衰，可以咁自由地同自己既女朋友講電話。
王喜？
王喜？
王晶？
阿威好似之後做咗消防，所以係王喜
他徑直地對住你笑
Push
皇上是否日理萬gay? 搞到自己個人好虚脱呀？會犯啲咁低級嘅錯誤。🤣
評已正 推
頂，畫面出來了
王晶笑L咗
笑L咗多謝John巴
始終經過咗斷腳、同秋兒又試過搞到唔瞅唔睬，都係時候大個返小小
五百五十八
「你又笑乜鳩？」屌你老味，我換緊衫果陣望住我鹹鹹濕濕咁笑，莫非條撚樣真係基佬黎？
阿威面上既笑意更濃，道：「冇呀，驚一陣間選拔果陣撞鳩死你。」
啊，原來佢仲諗緊上次傾計講撞唔撞得死我果個話題。
真心，如果你知我係邊個真係嚇撚死你，甚至會覺得自己講出呢句係幾咁天真無邪。
不過算喇，我都唔打算話比佢知。
腳都斷埋，根本無咩好值得炫耀。
之後我又寸下四肢發達，頭腦簡單之類咁大家互寸下，然後就一齊出發去大學canteen快食左個早餐，然後就去位於隔campus一條馬路既足球場。
果度除左我地兩個之外，都仲有唔少都係黎參加足球隊選拔既同學，我同阿威一早已經響hall換左衫，所以而家淨係換返鞋襪就ok。
跟住我地就去左搵啲老鬼點名同睇下我地踢咩位置咁，幫我地點名既係個黑黑實實大隻仔，原來佢就係隊長阿東，佢同我地講：「OK，你地熱下身先喇，轉頭會有分組比賽。」
分組鬥波……咁撚簡單直接既。
「熙仔？」有把聲從我身後傳過黎。
唔？
呢把聲咁熟悉既……？
但冇理由架，唔通我幻聽？
我一擰轉頭……
「陳sir？」我嚇撚左一跳！
眼前呢個肥肥地禿禿地既男人，正正係我響流○青年軍時期既教練，我既足球恩師陳sir！
「真係你！啱啱離遠已見到你！不過我地都幾年冇見，仲諗緊會唔會認錯人添！」陳sir道。
太耐冇見，我覺得陳sir個樣好似蒼桑左小小。
「都有成四、五年啦……係呢，陳sir你響度既？」我響呢幾年入面都仲有同啲舊隊友食飯聚舊，但陳sir又冇出席，我自己又冇私下再搵佢出黎。
諗諗下我都幾仆街。
「我而家響度做教練啊！我先估唔到你真係考左入大學，黎左呢度讀書！」其實我問得呢個問題都戇鳩，陳sir拎住塊板響度梗係做教練喇，唔通黎選拔咩。
不過我又冇收過風話陳sir唔教青年軍喎。
唔通佢秘撈？
「總之都叫做入左大學，都叫做冇做錯決定……」我把口就咁講，其實我不知幾想繼續踢職業足球，只係應承左秋兒姐姐啫……
陳sir笑一笑，道：「人各有志，見到你達成自己目標就好。一陣睇下你表現啦，睇下有冇生疏到。你熱身先啦！」
「好，轉頭見。」我點點頭，準備去自己熱下身。
不過講堅，自己事自己知，雖然爛船都有三根釘，但我都幾肯定自己跌watt跌左唔少。
當然，呢個係指我對比當年自己既隊友而言，而要入選嶺大足球隊，我相信冇乜問題。
「你識教練？」阿威突然開口問。
屌，我差啲唔記得呢條撚樣仲響我隔離。
「嗯，佢算係我踢波既其中一位恩師。」冇佢，就唔會有識用腦踢波既我。
「唔好靠關係入選呀～」
唉屌，你真係唔知我係邊個黎喎，你知我係邊個仲會唔會咁講野？
「一陣唔同隊既話你就知味道！數撚死你條仆街。」寸下佢先。
「哈哈，好驚呀我。」阿成扮到一副好撚驚既表情。
我哈哈一笑。
我開始自己響一面認認真真咁拉筋同熱身，話晒我都受過重傷，唔認真啲熱身唔得。
跟住阿東走過黎同我地逐個分組，我同阿威係唔同組既。
「等我一陣撞撚死你喇！」阿威行開之前仲要笑住咁同我講多次。
「好好好，我等你啊下。」我同佢揮手道別。
呼，好耐冇踢十一人場。
對上一次係中七學界，不過果啲Hea玩既比賽就唔好撚提喇。
我望一望周圍熱緊身既隊友，都係求撚其其咁，有啲就已經響度玩緊波。
技術望落參差不齊，不過好多野就要落到場先見真章既。
阿威果隊踢得先過我，我一邊熱身一邊望佢比賽，條友高高大大真係好頂得下，但腳下功夫頗差，仲有作為中堅黎講佢唔夠淡定，冇睇清楚周圍既環境作出判斷，好多時明明唔駛鳩清佢都要亂解圍……
啊，我唔應該用港青既目光去評審佢既。
我睇場入面四個中堅既表現，佢應該係最好果個黎架喇。
雖然最後佢地0比0打和，但阿威佢地算係比較受壓既一方，係咁比人吊高波入去，阿威有好多機會表演。
就咁睇，除非突然有幾個人勁過佢好多，否則如無意外佢應該入選到。
（待續）
「你又笑乜鳩？」屌你老味，我換緊衫果陣望住我鹹鹹濕濕咁笑，莫非條撚樣真係基佬黎？
阿威面上既笑意更濃，道：「冇呀，驚一陣間選拔果陣撞鳩死你。」
啊，原來佢仲諗緊上次傾計講撞唔撞得死我果個話題。
真心，如果你知我係邊個真係嚇撚死你，甚至會覺得自己講出呢句係幾咁天真無邪。
不過算喇，我都唔打算話比佢知。
腳都斷埋，根本無咩好值得炫耀。
之後我又寸下四肢發達，頭腦簡單之類咁大家互寸下，然後就一齊出發去大學canteen快食左個早餐，然後就去位於隔campus一條馬路既足球場。
果度除左我地兩個之外，都仲有唔少都係黎參加足球隊選拔既同學，我同阿威一早已經響hall換左衫，所以而家淨係換返鞋襪就ok。
跟住我地就去左搵啲老鬼點名同睇下我地踢咩位置咁，幫我地點名既係個黑黑實實大隻仔，原來佢就係隊長阿東，佢同我地講：「OK，你地熱下身先喇，轉頭會有分組比賽。」
分組鬥波……咁撚簡單直接既。
「熙仔？」有把聲從我身後傳過黎。
唔？
呢把聲咁熟悉既……？
但冇理由架，唔通我幻聽？
我一擰轉頭……
「陳sir？」我嚇撚左一跳！
眼前呢個肥肥地禿禿地既男人，正正係我響流○青年軍時期既教練，我既足球恩師陳sir！
「真係你！啱啱離遠已見到你！不過我地都幾年冇見，仲諗緊會唔會認錯人添！」陳sir道。
太耐冇見，我覺得陳sir個樣好似蒼桑左小小。
「都有成四、五年啦……係呢，陳sir你響度既？」我響呢幾年入面都仲有同啲舊隊友食飯聚舊，但陳sir又冇出席，我自己又冇私下再搵佢出黎。
諗諗下我都幾仆街。
「我而家響度做教練啊！我先估唔到你真係考左入大學，黎左呢度讀書！」其實我問得呢個問題都戇鳩，陳sir拎住塊板響度梗係做教練喇，唔通黎選拔咩。
不過我又冇收過風話陳sir唔教青年軍喎。
唔通佢秘撈？
「總之都叫做入左大學，都叫做冇做錯決定……」我把口就咁講，其實我不知幾想繼續踢職業足球，只係應承左秋兒姐姐啫……
陳sir笑一笑，道：「人各有志，見到你達成自己目標就好。一陣睇下你表現啦，睇下有冇生疏到。你熱身先啦！」
「好，轉頭見。」我點點頭，準備去自己熱下身。
不過講堅，自己事自己知，雖然爛船都有三根釘，但我都幾肯定自己跌watt跌左唔少。
當然，呢個係指我對比當年自己既隊友而言，而要入選嶺大足球隊，我相信冇乜問題。
「你識教練？」阿威突然開口問。
屌，我差啲唔記得呢條撚樣仲響我隔離。
「嗯，佢算係我踢波既其中一位恩師。」冇佢，就唔會有識用腦踢波既我。
「唔好靠關係入選呀～」
唉屌，你真係唔知我係邊個黎喎，你知我係邊個仲會唔會咁講野？
「一陣唔同隊既話你就知味道！數撚死你條仆街。」寸下佢先。
「哈哈，好驚呀我。」阿成扮到一副好撚驚既表情。
我哈哈一笑。
我開始自己響一面認認真真咁拉筋同熱身，話晒我都受過重傷，唔認真啲熱身唔得。
跟住阿東走過黎同我地逐個分組，我同阿威係唔同組既。
「等我一陣撞撚死你喇！」阿威行開之前仲要笑住咁同我講多次。
「好好好，我等你啊下。」我同佢揮手道別。
呼，好耐冇踢十一人場。
對上一次係中七學界，不過果啲Hea玩既比賽就唔好撚提喇。
我望一望周圍熱緊身既隊友，都係求撚其其咁，有啲就已經響度玩緊波。
技術望落參差不齊，不過好多野就要落到場先見真章既。
阿威果隊踢得先過我，我一邊熱身一邊望佢比賽，條友高高大大真係好頂得下，但腳下功夫頗差，仲有作為中堅黎講佢唔夠淡定，冇睇清楚周圍既環境作出判斷，好多時明明唔駛鳩清佢都要亂解圍……
啊，我唔應該用港青既目光去評審佢既。
我睇場入面四個中堅既表現，佢應該係最好果個黎架喇。
雖然最後佢地0比0打和，但阿威佢地算係比較受壓既一方，係咁比人吊高波入去，阿威有好多機會表演。
就咁睇，除非突然有幾個人勁過佢好多，否則如無意外佢應該入選到。
（待續）