我和鄰居大姐姐的故事（20）

Push

推

LM

遲早食埋周芷若

禽獸老師

綠茶巴

周芷若？

多謝老細

周阿嫲？

五百八十一

「喂，余正熙～」補補下習既時候周芷若又叫我。

「咩事啊？」我都冇咁好氣。

呢條女教極既進度都麻麻地……

更何況我仲為緊其他野心煩緊……

「你今日係咪有咩事煩惱緊啊？」周芷若突然問。

「乜撚野啊？」我有啲愕然。

「你今日成日皺起眉頭，撩你又冇乜反應。」

啊屌？

我竟然比個大癲大肺既中四學生睇穿左？唔撚係吓嘛？

冇錯，係好多人話過我個樣好易比人睇穿，但我冇諗過連周芷若都可以睇得穿我喎！

「我成日都皺眉架喇。」我又皺眉道。

「乜係咩～」

「屌，妳快撚啲做野喇。」我指住周芷若份notes。

「係喇係喇。」佢又埋頭苦幹起黎。

周芷若雖然煩，但其實佢都逐啲逐啲有改善（至少上我堂係喇）。

做下做下既時候，周芷若突然又開口：「我同阿立如果鬧交既時候我會搵晴晴訴下苦～咁樣好快就開心返會笑返架喇！」

「如果妳知道阿立唔小心出左軌妳會點啊？」我突然間問。

「出軌就出軌喇，點會係唔小心出軌啊！」周芷若鼓埋泡腮答道。

「妳唔好理喇，我話如果啫！」

「哼，阿立夠膽咁樣做既話...等我閹左佢！」周芷若擺出一副好勇鬥狠既表情。

「...」

可能係有一刻我比周芷若既觀察力嚇親，我竟然會不自覺咁問佢意見，我真係痴鳩左線...

周芷若有乜可能正正經經咁答我...

「哦，余正熙，你出軌！」周芷若突然一副發現新大陸既樣。

「痴鳩線！妳快啲做野喇！呢題點啊？做左成十分鐘都未做完！」我指住周芷若份功課。

「係喇係喇，做緊喇做緊喇。」佢係做緊，但做做下又不時會奸笑咁望住我幾眼...

唉屌，我都冇佢咁好氣...

問周芷若啱啱果條問題既我真係戇撚鳩...

＊

之後果幾日，我都仲係煩惱緊將唔將件事坦白比秋兒姐姐聽好。

我唔想有野隱暪住秋兒姐姐，如果唔係我地往後既相處我會好辛苦，就好似中四以前比罪惡感吞噬時咁樣。

不過呢件事唔係普通既事，一講出黎我同秋兒姐姐既關係隨時玩完...所以我都掙扎緊好唔好講...

畢竟如果照而家既情況發展落去，Cathy唔講我唔講，件事根本唔會有可能傳入秋兒姐姐耳入面，只係我心入面會一直有條刺咁解啫。

善意既謊言有時係必須既，就好似我都冇話過比秋兒姐姐聽我同Kitty姐姐做過愛，而Kitty姐姐都可以話係我既性愛啟蒙師添，如果秋兒姐姐知道左呢樣野後果真係不堪設想...

所以，響我下定決心之前，我都係決定乜野都唔好講比秋兒姐姐聽住...

呢個時候我反而有啲慶幸唔駛同秋兒姐姐日日見面了，如果以秋兒姐姐對我既了解程度，佢肯肯肯定會發現我有唔妥。

不過...

我發覺有唔妥既唔止我...

仲有我既同房阿威，佢好似有啲無精打采咁，星期四之後直頭成個人唔見左魂魄咁款...

就算我因為要補習好撚忙成日唔響房都好，我都留意到佢有心事，可想而知佢個樣有幾落魄...

睇佢個樣，佢個精神狀態仲要差過我好撚多...

我諗...佢都有啲心事...

＊

呢個星期六就係大專盃足球比賽既分組賽第一戰，我地既對手係港大。

陳sir為我地額外加多左課輕鬆既操練。

由於阿東既傷都仲未好返，所以試陣既時候都係用阿威拍森遜做正選既中堅組合，不過阿威好明顯不在狀態，防守時錯漏百出，同上星期日練波既時候判若兩人。

睇黎佢既心事都幾嚴重影響佢發揮喎。

「知唔知威仔做咩事啊？」陳sir完左操練之後走埋黎問我。

佢作為資深教練，當然一眼就睇得出阿威不在狀態，只係幾日之前明明都仲係好地地，點解狀態會突然下跌咁多呢？

「可能係知道自己聽日要取代阿東踢正選有啲緊張啩？」我呢個擺明係鳩UP。

事實上我係佢同房，點會唔知佢最近好似神不守舍咁？

「唔...咁就煩喇。」陳sir道：「以實力黎講，威仔可以話係我地隊入面排第三既中堅，而且仲係同東仔同一類型既中堅，希望佢比賽之前可以調節到個心情喇。」

「嗯。我都試下開解下佢喇。」我道。

「咁麻煩你喇。」陳sir向我點點頭。

（待續）

有文啦! 推...

推

推

威哥好似係食完冰？

幾時到熙哥食冰

熙哥，睇個款似唔知點解會俾秋兒發現

唔會啦？應該

中出cathy

Push

Blue Monday精神食糧

push