五百六十四
其實秋兒姐姐對我既擔心係冇錯既，雖然頭一個星期既密集補習我最初覺得仲頂得順，但每一日上堂落堂之後仲要出出入入去補習，都真係幾辛苦。
不過就算幾辛苦都好，我每個星期六補完習都會衝返港島果邊，為既就係見秋兒姐姐果十分鐘，而每次秋兒姐姐雖然話叫我唔好特登出黎驚我攰，但佢每次見到我都笑得好甜。
而我地咁辛苦賺錢比未來外母醫病就梗係有回報，經過兩次化療之後，未來外母個病有進展，癌細胞受到控制，我地洗多啲錢搵私家唔駛好似公家咁排隊真係值得既。
雖然要完全康復都仲有漫漫長路，但而家既進展都令秋兒姐姐心情輕鬆返小小。
大學生活方面，始終我真係私補得好多，其實唔係幾享受到大學生活既樂趣，最多就係每個星期大學足球隊練波同埋夜媽媽返到Hall既時候同自己既同房吹下水，甚至乎阿威仲會同我打下機。
阿威同我唔同，佢雖然冇上Hall莊，但佢響Hall好似人緣幾好，就算好夜都好，都會有人入黎房搵佢，阻撚住我訓覺。不過唔知我既感覺有冇錯，佢好似比起最初入Hall既時候同女朋友傾少左電話咁，而且有時上堂同落堂之間會見佢條仆街同阿冰兩個出雙入對咁，唔知既仲會以為佢地拍緊拖...
定其實，阿威真係想出軌？
唔撚知。
除左阿威之外，有時我都會響學校campus入面撞到組媽Cathy，而有陣時次數會密到我懷疑到底係咪佢特登夾好啲時間黎撞我，不過見到佢最尾同我打完招呼之後就去左搵同我一齊落堂既阿冰，我就諗我應該係自作多情，就好似上次周芷若咁樣。
講起周芷若，我都仲有幫佢補習，冇左最初諗住放棄佢既念頭。但條友真係好撚蠢，可以話係我接近十個學生入面最撚蠢果個，上堂又唔專心，有時好似大癲大肺咁，又好鍾意上堂既時候講呢樣講果樣，所以成績都冇乜進步。
老實講，咁搞我都有啲唔係幾好意思收佢老豆補習費。
講起黎，其實周芷若個人唔係想像中咁冇禮貌（定只係對我？），不過我都仲未知道點解佢對佢嫲嫲咁撚差。
屌，人地家事關我撚事咩。
眨眼間我既大學生涯就過左一個月，好快就迎接我地大學足球隊既第一場正式比賽，就係我地學校舉辦既大專球類邀請賽 - 淫龍盃。
呢個係一個比八間大學參加既比賽，可以將佢視為大專盃之前既一個熱身賽。
老實講，我就對自己隊波冇乜期望架喇，隊友既水平雖然係比起中學社隊校隊既水平大幅提升，但同我當年球會既隊友都係爭好遠。
聽講某啲大專強隊（例如我地聽日既對手理大）甚至係有職業球員在陣，我唔認為我地可以輕鬆取勝。
不過算喇，都到左呢個階段，我已經唔係再為左踢職業波而努力，而且自己又重傷過，而家踢波都係為開心啫。
響比賽之前果晚，咁啱我兩個學生都唔得閒補習，所以我同阿威仲有司徒（星期五個Hall啲人走晒，得返我地幾個聽朝比賽）去左隔離富〇邨食完個茶餐廳就返hall休息。
我響張床度hea緊，而阿威就同佢女朋友傾緊電話，邀請緊佢女朋友聽日黎睇波，不過佢女朋友似乎唔得閒要準備mid term所以黎唔到。
我望一望自己部電話，今晚秋兒姐姐要上堂，全日都只係send左幾個短訊，話過比佢知我聽日要比賽，但我都冇期待過佢可以黎睇我比賽，一來佢真係好忙，二來我響佢面前斷過腳佢有陰影。。
我都真係有啲羨慕阿威，想搵女朋友就可以搵，而我同秋兒姐姐就成日都好忙...
就響我望住秋兒姐姐既短訊發緊吽哣既時候，阿威終於都講完電話。
「傾完嗱？終於唔駛聽你地打情罵俏嘞。」其實我有啲羨慕...
「係啦係啦，唔阻住你休息啦熙哥。聽日入多幾粒啦。」自從佢知道左我踢過港青之後得閒無事就會用啲咁既語氣同我講野。
「你都好好休息啦，時刻保持最好既狀態，咁先至係好既運動員。」即使只係校隊，都可以好認真架嘛。
「知啦，早抖啦咁。」阿威攤低響床上面應我。
我就繼續望住部電話，等秋兒姐姐唔知幾時會send過黎既短訊。
（待續）
我和鄰居大姐姐的故事（20）
葉開葉開
1001 回覆
277 Like
2 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
似柴灣
係咪打錯字？淫龍杯
推推推
專登嘅! 甜故嘛...
玩食字啫
五百六十五
「以上就係今日我地出場既陣容！」好耐冇見過陳sir講戰術既樣喇，佢啱啱向我地宣佈左今日既正選陣容，我當然係正選前鋒喇，可惜阿威只係後備，暫時唔能夠同我一齊響場上面一齊比賽。
中堅係year 3既隊長阿東（同阿威一樣係高大型中堅）同森遜（矮但有速度同攔截力），咁平心而論，雖然響我眼中佢地都係屎屎地架喇，但佢地呢一刻真係好波過阿威既。
之後我地就響隊長既帶領下全隊一齊熱身，熱到差唔多開波既時候就大家響場邊輕抒腳頭或者去個廁所咁。
阿威去完廁所之後走左上看台，我先留意到我幾個ocamp既同組：肥仔賢、大波Amanda、Cathy同阿冰都黎左睇。
不過我同佢地平時都只點頭之交，最多係撞得比較多既Cathy會有幾句計傾（但都唔算有特別聯絡），我諗佢地都唔會係黎睇我既。
題外話，上到大學之後唔知係咪啲風頭躉通常都係啲所謂好爆好玩得既人（佢地唔一定靚仔，可以好樣衰，最緊要玩得），我就算係靚仔又踢波叻，但我實在太摺，所以除左有時感覺到有啲女會望下我之外，都冇試過經歷返中學果陣會比啲女追住攞簽名既時候。
其實係我間中學啲人（不論男女），對響社際出風頭既人有仲宗教式既狂熱膜拜，呢度係大學，啲人唔會咁撚癲喇啩？
我將重心放返落球場度，調整好心情，準備迎接場波。
＊
咇！
哨聲一響，我地響淫龍盃既第一場比賽開波！
我地都算唔係幾好彩，第一場既對手就係大專界既強隊，大專盃既奪標熱門理工大學，陣中仲有幾個以前踢青年軍時對賽過既面孔。
陳sir一向都係戰術大師，所以佢呢場都有個非常意想唔到既戰術...
...
...
...
就係全部波都瞄住我黎踢比我追，之後我再自己單打獨鬥，其他隊友最多就係做支援，但主力都係防守居多。陣式係四五一，兩個防守中場係司徒同文俊，兩隻翼揀左跑得快既豐仔同麥軒。
喂，點解咁似黑熊個戰術既！？
原來黑熊個戰術超前左七、八年啊！
當然點樣防守啲細節位都有講既，但陳sir比我個感覺同響青年軍果陣唔係好同，如果果陣既感覺係要爭取勝利，而家...就好似教緊興趣班咁。
不過開波之後我好快就知道點解。
因為兩隊既水平實在爭太遠，我既隊友們波底唔係好（但當然都係遠遠超過中學校隊時既隊友），再加上響對手既壓逼非常強大，基本上唔會有能力去運行到複雜既戰術。
要我形容既話我會覺得係球會既青年軍對住甲組隊。
由開波開始我地已經比理大㩒住黎打，踢左十幾分鐘就失左第一球。
「喂，精神啊！」我同隊友們打氣：「OK架，比心機踢埋落去喇！」
我冇再好似響中學校隊果陣咁對班隊友WFC，因為我睇得出雖然能力係唔勁，但佢地係有心踢既。
「嶺南！比心機！」隊長阿東都大叫出黎，想振奮球隊士氣。
我地響中圈重新開波，個波傳到我腳下，我就用返以前既踢法...扭扭扭扭扭！
但我畢竟已經冇以前咁勁，我係扭到過到幾個人，但最後響三個理大防守球員包抄之下比佢地搶走左個波。
唉。
如果我冇受過傷，冇果段四年既真空期...
我既隊友拼盡全力去防守，不過有心踢唔代表可以縮短實力，三十分鐘又輸多一球。
零比二。
我係想贏，從來踢波我都係想贏，但呢一刻既我已經意識到我地同對手既實力實在差太遠...
四年前既重傷，加上呢四年既真空期，令我好似冇左踢青年軍仲有港青果陣時果種永不放棄既鬥志...果陣就算係對住日本，我都唔會諗住輸...
但係而家……
雪上加霜既係，隊長阿東之後響對方一次攻勢入面同理大既前鋒爭頂既時候，隻腳落地落得唔好，見到佢拗一拗到隻右腳，之後就坐左響仿真草上面起唔返身，個樣好撚痛咁款。
陳sir同兩個後備一齊出左去，將阿東扶左去後備席附近做下治療。
場上面我地暫時打少一個，我呢個時候決定都退下自己半場防守，起碼要響呢段時間入面守住唔好再失一球。
（待續）
「以上就係今日我地出場既陣容！」好耐冇見過陳sir講戰術既樣喇，佢啱啱向我地宣佈左今日既正選陣容，我當然係正選前鋒喇，可惜阿威只係後備，暫時唔能夠同我一齊響場上面一齊比賽。
中堅係year 3既隊長阿東（同阿威一樣係高大型中堅）同森遜（矮但有速度同攔截力），咁平心而論，雖然響我眼中佢地都係屎屎地架喇，但佢地呢一刻真係好波過阿威既。
之後我地就響隊長既帶領下全隊一齊熱身，熱到差唔多開波既時候就大家響場邊輕抒腳頭或者去個廁所咁。
阿威去完廁所之後走左上看台，我先留意到我幾個ocamp既同組：肥仔賢、大波Amanda、Cathy同阿冰都黎左睇。
不過我同佢地平時都只點頭之交，最多係撞得比較多既Cathy會有幾句計傾（但都唔算有特別聯絡），我諗佢地都唔會係黎睇我既。
題外話，上到大學之後唔知係咪啲風頭躉通常都係啲所謂好爆好玩得既人（佢地唔一定靚仔，可以好樣衰，最緊要玩得），我就算係靚仔又踢波叻，但我實在太摺，所以除左有時感覺到有啲女會望下我之外，都冇試過經歷返中學果陣會比啲女追住攞簽名既時候。
其實係我間中學啲人（不論男女），對響社際出風頭既人有仲宗教式既狂熱膜拜，呢度係大學，啲人唔會咁撚癲喇啩？
我將重心放返落球場度，調整好心情，準備迎接場波。
＊
咇！
哨聲一響，我地響淫龍盃既第一場比賽開波！
我地都算唔係幾好彩，第一場既對手就係大專界既強隊，大專盃既奪標熱門理工大學，陣中仲有幾個以前踢青年軍時對賽過既面孔。
陳sir一向都係戰術大師，所以佢呢場都有個非常意想唔到既戰術...
...
...
...
就係全部波都瞄住我黎踢比我追，之後我再自己單打獨鬥，其他隊友最多就係做支援，但主力都係防守居多。陣式係四五一，兩個防守中場係司徒同文俊，兩隻翼揀左跑得快既豐仔同麥軒。
喂，點解咁似黑熊個戰術既！？
原來黑熊個戰術超前左七、八年啊！
當然點樣防守啲細節位都有講既，但陳sir比我個感覺同響青年軍果陣唔係好同，如果果陣既感覺係要爭取勝利，而家...就好似教緊興趣班咁。
不過開波之後我好快就知道點解。
因為兩隊既水平實在爭太遠，我既隊友們波底唔係好（但當然都係遠遠超過中學校隊時既隊友），再加上響對手既壓逼非常強大，基本上唔會有能力去運行到複雜既戰術。
要我形容既話我會覺得係球會既青年軍對住甲組隊。
由開波開始我地已經比理大㩒住黎打，踢左十幾分鐘就失左第一球。
「喂，精神啊！」我同隊友們打氣：「OK架，比心機踢埋落去喇！」
我冇再好似響中學校隊果陣咁對班隊友WFC，因為我睇得出雖然能力係唔勁，但佢地係有心踢既。
「嶺南！比心機！」隊長阿東都大叫出黎，想振奮球隊士氣。
我地響中圈重新開波，個波傳到我腳下，我就用返以前既踢法...扭扭扭扭扭！
但我畢竟已經冇以前咁勁，我係扭到過到幾個人，但最後響三個理大防守球員包抄之下比佢地搶走左個波。
唉。
如果我冇受過傷，冇果段四年既真空期...
我既隊友拼盡全力去防守，不過有心踢唔代表可以縮短實力，三十分鐘又輸多一球。
零比二。
我係想贏，從來踢波我都係想贏，但呢一刻既我已經意識到我地同對手既實力實在差太遠...
四年前既重傷，加上呢四年既真空期，令我好似冇左踢青年軍仲有港青果陣時果種永不放棄既鬥志...果陣就算係對住日本，我都唔會諗住輸...
但係而家……
雪上加霜既係，隊長阿東之後響對方一次攻勢入面同理大既前鋒爭頂既時候，隻腳落地落得唔好，見到佢拗一拗到隻右腳，之後就坐左響仿真草上面起唔返身，個樣好撚痛咁款。
陳sir同兩個後備一齊出左去，將阿東扶左去後備席附近做下治療。
場上面我地暫時打少一個，我呢個時候決定都退下自己半場防守，起碼要響呢段時間入面守住唔好再失一球。
（待續）
會唔會見返踢斷腳條友
不復當年勇
「一陣唔同隊既話你就知味道！數撚死你條仆街。」寸下佢先。
「哈哈，好驚呀我。」阿成扮到一副好撚驚既表情。
應該係阿威?
有文推一推
差唔多成年冇追啱啱一次過追番曬,睇到佢同淇淇分手嗰度葉開熙我屌你老母啦
唔死都冇撚用
葉開熙我屌你老母啦唔死都冇撚用明明淇淇就係狐狸精乘虛而入介入人哋戀情
乘虛而入介入人哋戀情唔劇透喇
始終有四年冇受專業訓練
打錯字
只能夠講愛情係冇對錯既
淇淇做佢覺得啱既事，阿熙都做佢覺得啱既事
不過第二啲人未必認同佢哋
淇淇做佢覺得啱既事，阿熙都做佢覺得啱既事
不過第二啲人未必認同佢哋