五百六十六
「喂，阿東唔掂啊！」阿東既傷勢似乎幾嚴重，支持唔到比賽落去。
而阿威就熱好身準備出場。
……
我有冇睇錯？條撚樣好似一路行入場一路腳震。
我本來想行過去鼓勵下佢，但見佢識得同佢既中堅森遜拍個掌，咁我都係做好返自己本份算。
阿威入左黎之後，個形勢都係冇變，我亦都返左前場等待機會。
我覺得而家我自己創造機會既能力好似差左，如果真係有機會真係要好好把握先得。
就響我咁樣諗既時候，阿威將理大既傳中波一腳解圍，而呢下解圍夠晒大力，個波飛過左半場，我見機不可失，即時起動，搶左先機甩開左睇住我果個中堅，痴左個波落黎，然後順勢再推過埋另一個中堅殺到入禁區單刀射個地波入網，追返一比二先。
呢球有返啲以前阿必傳波比我既味道，當然阿威既實力當然係唔足以傳到咁靚既波，我1000％肯定條仆街係鳩踢既，不過入到波就夠！我振臂大叫左一聲，幾個隊友都衝過黎攬住我。
好！
仲有得踢既！
不過好快球證就吹完左上半場，紀錄係一比二，我地落後緊一球。
陳sir將我地集合埋一齊，讚左我地兩句，然後就照返上半場既黑熊戰術繼續踢。
佢響呢度教波既方式真係同青年軍果陣好唔同，啲戰術都唔算講解得太深入。
限米煮限飯，冇計。
我呢個時候特登走過去用寸寸地既方式鼓勵下阿威：「你果下亂鳩咁踢都比到我，好撚野喎。」
條友助攻左之後，緊張既心情完全冇晒：「屌你啦，我瞄住你黎傳架！」
好難想像呢條仆街啱啱出場果陣仲腳震震。
我笑左下，道：「你話係就係啦。」
「你唔信？」
「信，梗係信。」
「你唔信！」
「我信。」
「你個樣唔似信。」
「我係信哩。」
「唔係！」
「屌，下半場就開波喇，行出去喇。」我搭住阿威膊頭行出球場。
「但我覺得你真係唔信囉。」條友仲講緊。
「比賽喇柒頭。」我笑住咁推左佢一下。
啱啱呢段咁戇鳩既對話，令我諗起當年同白卡佬阿必兩個人之間成日會出現既無厘頭對話（但冇厘頭果個係阿必）...
好耐冇試過有呢種感覺。
點形容呢？
朋友？好兄弟？類似喇。
我地成隊走出返球場，準備下半場開波。
*
或者係經過半場對面教練既分析，知道嶺南唯一有本錢入到波既得我一個，理大似乎改變左防守既戰術，搵左兩個人對我嚴密防守，我根本難以搵到機會埋門。
以前響流○青年軍同港青，我仲有陳韋拿同盧加顧夠實力可以分擔進攻，甚至乎賈加華同阿必都有入波本錢，面對強敵日本南韓我地都唔驚，但而家我既隊友以佢地既能力，面對理大既防守，佢地係極難分擔我既進攻工作。
就算我僥倖咁拎到幾次波，但我突破得一、兩個球員，就會比返黎協防既理大球員清走左個波。
連我……
都無復當年勇……
於是我地理所當然地被理大狂攻，尤其是我地呢面球員既體能好明顯下降得快過理大好多，導致越踢啲波反而越過唔到半場。
體能下降加上久守必失，終於我地響比賽下半場尾段再連失兩球，最後以一比四輸左比理大。
冇計，實力上爭得太遠。
「踢得唔錯了。」陳sir同我地做賽後檢討既時候講：「人地有精英運動員計劃，唔少係踢緊甲組既，所以我地可以同佢地踢成咁，算唔錯架喇。」
陳sir講得冇錯，對面之前我話對過果幾個見過既球員應該就係精英運動員計劃入去讀書，我地實力爭太遠，所以陳sir先用同教青年軍唔同既方法去應付呢場比賽。
響呢度踢波，開心就好。
不過呢，呢度既隊友至少有樣野好，就算實力真係爭好遠，佢地都真係想踢好場波，唔似得中學果陣班撚樣，比賽輸到冚家剷都仲笑笑口咁。
托阿威把死人口唔收既關係，而家成隊都知我係前港青，所以我都有周圍安慰下啲隊友，甚至比啲意見佢地。
「喂，Cathy媽媽佢地黎左睇我地比賽，我地上去打個招呼？」諗住返更衣室既時候，阿威突然提議。
「好呀。」
（待續）
我和鄰居大姐姐的故事（20）
葉開葉開
1001 回覆
279 Like
2 Dislike
我腦裡面個version, 大麻熙已經變左太監熙
想問下係咪去個網度課金 可以唔洗等？ 用左兩日時間追到live左 好想快d有得睇
介入乜9戀情，本身開始咗啲咩？
大麻熙同秋兒姐姐嗰張都未開始拍拖,邊叫乘虛而入
大麻熙同秋兒姐姐嗰陣都未開始拍拖,邊叫乘虛而入差唔多成年冇追啱啱一次過追番曬,睇到佢同淇淇分手嗰度明明淇淇就係狐狸精葉開熙我屌你老母啦
唔死都冇撚用
最貴嗰個plan好似可以睇多百幾章
咪就係，心愛嘅男人都未有女朋友，咁點解唔可以溝？
想問下如果想睇番外傳3可以去邊度搵
想知其實一個星期update幾多篇
3
Push
綠茶巴
正常一、三、五各一篇
其實係既...佢都係做出個自己覺得啱既決定
多謝支持先！
上Penana可以訂閱，有三個唔同既plan，暫時除咗可以睇到最多優先119章之外，仲有訂閱讀者優先加更、其他優先或者獨家內容！詳情可以上Penana睇！
不過唔訂閱都唔驚，呢度一定會連載到大結局既，放心！
上Penana可以訂閱，有三個唔同既plan，暫時除咗可以睇到最多優先119章之外，仲有訂閱讀者優先加更、其他優先或者獨家內容！詳情可以上Penana睇！
不過唔訂閱都唔驚，呢度一定會連載到大結局既，放心！
唔好
五百六十七
「阿仔，你好勁呀！」估唔到我行到上觀眾席，Cathy就咁樣對住我咁讚我。
「唔啦。」比起以前，我好似退化左唔少，身體同雙腳都冇郁得咁隨心所欲：「我地被技術性擊到。」
阿威插口問：「係呢？阿賢佢地呢？」
「佢地完左場就走左喇，話要返去搞上莊啲野。」Cathy回答道。
「唉，乜上莊真係會咁忙咩...」旁邊既阿冰好似有啲若有所思、心事重重咁感慨地道。
不過關我撚事咩。
「係喎，你地去唔去食野？我請你地啦！都辛苦兩位仔仔比賽啦。」Cathy呢個時候提議道。
！！！
請我食野？
好似好耐冇人試過話要請我食野喇喎！
「好啊！等我沖埋個涼先！好快！」
不過阿威就唔得閒，佢無奈地道：「我有啲野做唔去啦。」
屌，條撚樣陪女就陪女喇。
「咁我都唔去。」阿冰對住阿威眨眨眼。
我諗我之前既觀察應該冇錯，佢地之間...好似有種微妙既默契咁。
不過呢一刻我都唔理得人咁多，只係想快啲去食野：「嘿，唔理你地啦，我拿拿淋去沖涼先，陣間見！」講完我就一枝箭咁標左去更衣室。
快過疾風！
最尾我好似隱約聽到Cathy同我講：「一陣閘口等。」
阿威就尾隨住我一齊返左入更衣室。
我一入到去，就用光速既速度沖完涼。
我沖完涼抹緊身既時候，阿東拐下拐下咁走過黎問我：「我地一陣成隊去食tea，你黎唔黎？」
其實同啲隊友一齊食野應該都幾開心，就好似當年同流〇同港青既隊友食飯咁，不過可惜同你地食飯要比錢。
咁有得揀，梗係揀唔駛錢架喇！
Yeah！
「有靚女請佢食tea，佢先唔會同你班麻甩佬食啊！」口臭既阿威突然響我旁邊爆左一句出黎。
成班更衣室裸男突然起哄。
唉屌，我都冇佢地咁撚好氣，應酬左佢地幾句之後就拿拿淋換返衫，然後衝去北閘果面，我記得Cathy話佢響果度等我。
我去到既時候，Cathy已經響度等緊我。
得佢一個。
「熙仔，你咁快既？」Cathy見到我就露出左個甜美既笑容。
「係啊。」我心諗其實佢可以響球場度等埋我，不過佢而家咁樣響北閘等我仲好，我唔係咁想比人見到我同第二個女仔單獨一齊。
雖然我諗呢度啲人點鳩傳都唔會傳到去秋兒姐姐度。
「想食咩啊？」Cathy問。
「妳請，妳話事喇。」我聳聳肩：「啊，不過我一陣要去補習，唔可以去太遠。」
「咁……我地去XX度食？」Cathy提議。
XX係大學隔離條屋邨，屋邨商場入面既一個茶餐廳，平時好多同學都會響果度食。
「好。」
於是我地就一齊去左XX度食，今日係星期六，除左student helpers同校隊成員之外，應該冇乜同學會留響大學，不過XX入面都幾多人，有唔少仲著住其他大學既校隊風褸，睇黎係唔少其他大學既校隊比完賽之後過左黎食tea。
好彩我地只係兩個人，侍應都搵到個位比我地。
「隨便叫喇。」Cathy笑道。
「咁我唔客氣架喇喎。」我真係冇同佢客氣，叫左雞脾、西多士同公司三文治，再加多兩杯凍檸茶。
「熙仔你好肚餓喎。」講呢句既時候Cathy面上係帶住笑意既。
唔知點解，我有啲覺得好似細個果陣做左啲衰野比秋兒姐姐發現既時候，秋兒姐姐面上果種笑容。
「咁踢完波吖嘛。」我竟然有啲唔好意思起黎。
「係呢，估唔到你踢波真係好勁好勁喎。」Cathy似乎對我啱啱既表現非常欣賞。
乜係咁架咩？
我覺得自己屎左好撚多，但響一啲唔知道我以前係點既人眼中，我既表現係咁好既咩？
我淨係知道，我呢四年入面唔止冇進步，今日面對住高水平既對手，我先切實感受到自己已經唔可以好似當年咁對自己既身體咁控制自如。
退步。
係有呢種感覺。
我搖搖頭，嘆道：「唔勁囉。」
「咁都唔勁？雖然我唔係好識足球，但我覺得你地成隊好似都係以你為重心咁，係咁傳波比你。」Cathy道。
咁咋吓嘩？
「呢啲唔係勁，係戰術需要啫。」我聳聳肩。
「係咩？」Cathy眼仔碌碌咁望住我：「但我覺得你真係勁喎。」
「多謝喇。」呢個時雞脾都到，我拎起黎咬左一啖。
咁啱呢個時候，又有一大班人走左入黎，佢地著住城大既風褸，咁好彩又有幾張枱有人埋單，佢地雖然要分開枱，但至少叫有位坐。
佢地入面其中一個人由入門口果下已經望撚住我，到佢地坐低之後，佢直頭企起身行埋過黎。
乜撚野啊？
（待續）
「阿仔，你好勁呀！」估唔到我行到上觀眾席，Cathy就咁樣對住我咁讚我。
「唔啦。」比起以前，我好似退化左唔少，身體同雙腳都冇郁得咁隨心所欲：「我地被技術性擊到。」
阿威插口問：「係呢？阿賢佢地呢？」
「佢地完左場就走左喇，話要返去搞上莊啲野。」Cathy回答道。
「唉，乜上莊真係會咁忙咩...」旁邊既阿冰好似有啲若有所思、心事重重咁感慨地道。
不過關我撚事咩。
「係喎，你地去唔去食野？我請你地啦！都辛苦兩位仔仔比賽啦。」Cathy呢個時候提議道。
！！！
請我食野？
好似好耐冇人試過話要請我食野喇喎！
「好啊！等我沖埋個涼先！好快！」
不過阿威就唔得閒，佢無奈地道：「我有啲野做唔去啦。」
屌，條撚樣陪女就陪女喇。
「咁我都唔去。」阿冰對住阿威眨眨眼。
我諗我之前既觀察應該冇錯，佢地之間...好似有種微妙既默契咁。
不過呢一刻我都唔理得人咁多，只係想快啲去食野：「嘿，唔理你地啦，我拿拿淋去沖涼先，陣間見！」講完我就一枝箭咁標左去更衣室。
快過疾風！
最尾我好似隱約聽到Cathy同我講：「一陣閘口等。」
阿威就尾隨住我一齊返左入更衣室。
我一入到去，就用光速既速度沖完涼。
我沖完涼抹緊身既時候，阿東拐下拐下咁走過黎問我：「我地一陣成隊去食tea，你黎唔黎？」
其實同啲隊友一齊食野應該都幾開心，就好似當年同流〇同港青既隊友食飯咁，不過可惜同你地食飯要比錢。
咁有得揀，梗係揀唔駛錢架喇！
Yeah！
「有靚女請佢食tea，佢先唔會同你班麻甩佬食啊！」口臭既阿威突然響我旁邊爆左一句出黎。
成班更衣室裸男突然起哄。
唉屌，我都冇佢地咁撚好氣，應酬左佢地幾句之後就拿拿淋換返衫，然後衝去北閘果面，我記得Cathy話佢響果度等我。
我去到既時候，Cathy已經響度等緊我。
得佢一個。
「熙仔，你咁快既？」Cathy見到我就露出左個甜美既笑容。
「係啊。」我心諗其實佢可以響球場度等埋我，不過佢而家咁樣響北閘等我仲好，我唔係咁想比人見到我同第二個女仔單獨一齊。
雖然我諗呢度啲人點鳩傳都唔會傳到去秋兒姐姐度。
「想食咩啊？」Cathy問。
「妳請，妳話事喇。」我聳聳肩：「啊，不過我一陣要去補習，唔可以去太遠。」
「咁……我地去XX度食？」Cathy提議。
XX係大學隔離條屋邨，屋邨商場入面既一個茶餐廳，平時好多同學都會響果度食。
「好。」
於是我地就一齊去左XX度食，今日係星期六，除左student helpers同校隊成員之外，應該冇乜同學會留響大學，不過XX入面都幾多人，有唔少仲著住其他大學既校隊風褸，睇黎係唔少其他大學既校隊比完賽之後過左黎食tea。
好彩我地只係兩個人，侍應都搵到個位比我地。
「隨便叫喇。」Cathy笑道。
「咁我唔客氣架喇喎。」我真係冇同佢客氣，叫左雞脾、西多士同公司三文治，再加多兩杯凍檸茶。
「熙仔你好肚餓喎。」講呢句既時候Cathy面上係帶住笑意既。
唔知點解，我有啲覺得好似細個果陣做左啲衰野比秋兒姐姐發現既時候，秋兒姐姐面上果種笑容。
「咁踢完波吖嘛。」我竟然有啲唔好意思起黎。
「係呢，估唔到你踢波真係好勁好勁喎。」Cathy似乎對我啱啱既表現非常欣賞。
乜係咁架咩？
我覺得自己屎左好撚多，但響一啲唔知道我以前係點既人眼中，我既表現係咁好既咩？
我淨係知道，我呢四年入面唔止冇進步，今日面對住高水平既對手，我先切實感受到自己已經唔可以好似當年咁對自己既身體咁控制自如。
退步。
係有呢種感覺。
我搖搖頭，嘆道：「唔勁囉。」
「咁都唔勁？雖然我唔係好識足球，但我覺得你地成隊好似都係以你為重心咁，係咁傳波比你。」Cathy道。
咁咋吓嘩？
「呢啲唔係勁，係戰術需要啫。」我聳聳肩。
「係咩？」Cathy眼仔碌碌咁望住我：「但我覺得你真係勁喎。」
「多謝喇。」呢個時雞脾都到，我拎起黎咬左一啖。
咁啱呢個時候，又有一大班人走左入黎，佢地著住城大既風褸，咁好彩又有幾張枱有人埋單，佢地雖然要分開枱，但至少叫有位坐。
佢地入面其中一個人由入門口果下已經望撚住我，到佢地坐低之後，佢直頭企起身行埋過黎。
乜撚野啊？
（待續）