貓糧資料庫（19）

汪喵係會好快食厭，好多貓都係咁 尤其是成貓罐，挑嘴罐會好小小
唔食唯有買一堆黎試架咋，罐頭本身就係冇咁好食

想入tg group🙏🏻

新手養貓
想問下貓仔4個半月大
接左佢2個星期
本身protect既digest
依家轉食緊n&d 幼貓糧
但發覺佢成日都踩屎踩到周圍都係
仲要啲屎臭到仆街
想問下算唔算腸胃敏感
唔應該食啲咁高蛋白既糧？
如果轉汪喵生肉/ziwipeak糧會唔會唔啱佢？
Thanks

唉, 又一隻唔糧食...究竟個衰仔邊隻先肯食..

食開THRIVE濕糧但太油生粉剌, 之後試過INSTINCT, APPLAWS, CANGAN, ANIMODA, RC, K9, 汪貓 都唔食...而家發覺佢唔食肉醬之類既糧, 選擇又少了....就尼嘔血了. 而家最後希望係ASTKATTA..唔得真係唔知買咩好了.................

諗住幫主子轉成貓糧，食開instinct大家都話可能太油搞到有黑下巴，諗住轉ziwi風乾會唔會好d?

罐頭就應該繼續食怪獸部落/喵汪，台灣罐性價比幾高

我上網睇好似冇提及蛋白質含量同臭既關係，我見臭既主要原因係：
1. 唔夠水分 (喂多d濕糧，其實夠水分就解決好多唔同問題。)
2. 消化不良，例如太多澱粉纖維和果糖 (轉少碳水糧，不過你個隻糧都唔多碳水。可能幼貓腸道都會弱d既，唔知會唔會對乾糧某d成分敏感，你可以試下單一蛋白質來源既乾糧。)
3. 寄生蟲 (定期杜蟲)
4. 肛門綫發炎 (肉眼觀察下啦，呢個都關唔夠水事）
5. 腸道細菌不平衡 (試下益生菌)

踩屎係咪因爲爛屎呀，不如影d屎黎睇下（記得加密）。

轉糧真係好難，好似寧願餓死都唔食，冇乜計，加油
如果係幼貓，絕育/大個之後粉刺都會自動減少既。
同埋唔洗清得太乾淨，輕輕抹下就得，你抹得太大力刺激到轉頭又生返咁多出黎，沒玩沒了。

一路食開thrive都冇事, 係近呢幾個月d罐肉質變得灰左同油左後就開始生粉刺, 而家冇食thrive後就冇再黑咀角了. 不過其他濕糧又唔多食果下慘. 以前一日屙幾大篤尿而家食住乾糧頂全先後一日得一細篤. 唉.

咁我寧願俾佢食返thrive，唔夠水問題大好多，乾糧咁香口之後再轉返仲難。

上次打針檢查時獸醫話我隻一歲半喵子比正常體重重再dd
建議我為佢健康要減少下d糧食
除早晚各半罐濕糧
平時亦好少俾零食佢
日頭就只有返工前放適量乾糧佢
一般放工後返到黎都夜晚9點先俾半罐濕糧晚餐
不過佢每朝都會係我出門冇耐就同我全部食哂

我有睇過自動餵食機但又唔想佢細細個就習慣用
請問有冇邊隻乾糧係冇咁好味？

我見佢有時晚餐食半罐濕糧時會係雞肉而分開食
雖然最後都會食哂但明顯係冇咁鍾意食先慢慢食
魚類個d罐佢會勁快食哂
所以先想睇下有冇乾糧冇咁好味
希望佢拖長全日慢慢食

今日又試多2個牌子都係唔食....尾服買返THRIVE算

未試過呀, 見到買來試下先. THX

Thrive啲雞肉罐呢排係咪水咗油咗
唔知關唔關我喺hktvmall買事

呢一年半載都好多人話唔同左，我諗係厰問題。

我都轉左去德罐（Granatapet金裝），d屎靚哂大大條
但個excel無講佢，自己衡量

成份:
穀類（小麥全麥粉/玉米麵筋粉/中白糠/人參飼料/麵粉/脫脂米糠）/澱粉/肉（肉粉/雞肝粉）/油脂/脂肪（動物油/脂肪油）/海鮮（刨花）餐食/魚粉/ bon魚粉/啤酒酵母/甜菜漿/粉狀纖維素/馬鈴薯蛋白/牛奶鈣/寡糖/β-葡聚醣/絲蘭提取物/魚膠原蛋白/乳桿菌粉（糞腸球菌）/礦物質（鈣） /磷/鉀/鈉/氯/鐵/銅/錳/鋅/碘）/氨基酸（精氨酸/蛋氨酸/牛磺酸）/維生素（A / D / E / K / B1 / B2 / B6 / B12 /泛酮）酸/菸酸/葉酸/膽鹼/肌醇）/抗氧化劑（迷迭香提取物）

成份表：
水分（10.0％以下）/蛋白質（27.0％以上）/脂質（14.0％以上）/粗纖維（5.0％以下）/灰分（9.0％以下）

貓係肉食性動物...d碳水化合物多到呢...小小新鮮肉都冇，加香料就鍾意食架啦。
就算係有腎病既貓都係要食罐頭/處方糧而唔係食呢d，正常貓更加不了。
我建議喂垃圾桶。

唔關事, 我係唔同鋪買都係油左同灰左. 禽日又買左罐雞比佢試結果一開又係灰色個衰仔完原唔食. 睇來可以放棄THRIVE了

試過餵好多唔同牌子嘅罐 兩隻衰貓都唔多食 暫時得一隻牌子肯食 但兩隻夾埋淨係食到大半罐 (講緊85g嗰啲罐頭) 唯有比乾糧做主食 間唔中食罐頭
之前食nutrience有增到重 (有隻唔食入面啲凍乾) 但大便最尾嗰段會有少少軟便 所以轉左做oven-baked 已經食左一段時間 但食嘅份量唔夠 (計過每日要食60g先夠卡路里)有冇其他糧推薦想佢地食肥返啲

5個月英短
1.8kg係咪算過輕？

剛出世：100g~150g
1~2個月：250~1000g
2~4個月：1~2kg
4~6個月：2~3kg
6~12個月：3~4kg
12個月~成年：4~6kg

係太輕，5個月應該要2.5kg。

加油 啲貓真係勁濕鳩 身在福中不知福

最近領養左隻2歲貓女 營養不良得3.1kg
義工話佢乾糧食開rc kitten所以仲食緊
貓貓淨係鍾意食乾 罐罐早晚餵 但每次食兩啖又走 全日加埋都食唔到一罐85g

請問我係咪應該轉番成貓糧俾貓貓/用餵食機定時出糧好啲？
濕糧點樣可以令佢食多啲講緊連汪喵挑食罐都唔食
想佢肥番多番啲營養