貓糧資料庫（19）

屌一時大意喺寵物店買咗啲垃圾乾糧

平時會上excel睇吓成份

早幾日送唔切貨，去咗寵物店買

見唔算平諗住差極有限

點知睇返forest呢個牌子咁垃圾

係咪樂高寵物度買呢
我第一次買都俾佢水左，當零食罐都ok既，dum又有d浪費。

你點知的

佢呢間係咪所有野都賣貴啲

可能係 可惜我隻貓唔食

轉啦，乾糧好易轉既

價錢上d街舖都貴架啦，樂高又冇話再特別貴d既好似。罐頭我都係試既時候先去鋪頭買，之後都係上網買。

之前有人話樂高個老闆同forest、naturea有關係，所以d sales會狂sell
應該純粹係賺得多d所以特別推。

想問點知啲貓貓食得夠唔夠

養緊兩隻4月幼貓，黑白貓

白貓食得多啲，乾濕糧，水都算多

黑貓乾糧食幾啖就算，濕糧都唔夠另一隻多、水都飲少啲

想知點睇得出佢地夠唔夠

好驚其實係白貓食過量or黑貓唔夠飽

冇太肥又唔係好洗限制佢飲食既，仲要得4個月大，有小小肚腩仔好d。
試下轉糧睇下黑貓會唔會食多d lor，如果都係咁都冇辦法，有d貓係冇咁爲食。
有時病都會胃口差d，留意下。

已經轉咗4隻乾糧，濕糧都轉咗2款，連貓條都唔太食

黑貓食得唔多，但佢玩係幾精神

其實係咪有啲貓天生細食都夠營養

唔係同一日唔可以食乾同凍乾糧，腸胃消化生同熟嘅食物時間有唔同，怕影響腸胃先要分開時間食。都建議兩款糧分隔10-12個鐘左右啫
總之記得小心慢慢轉糧，太快好易肚痾架

佢地有keep住重嘅就唔使太擔心，去打針嗰陣會磅重嘅～記住幼貓都係暴風式成長，通常都唔會唔願食野
你可以留意下會唔會白貓成日去撩黑貓，或者食佢啲野，黑貓唔高興所以唔食etc
或者濕糧嘅質地，有啲貓食moose,有啲食肉絲罐

幼貓罐會多d營養。
其他肉泥/moose罐都食得既，肉絲罐就等牙生齊d有力d先試啦。

我汪喵 Thrive 怪獸 就有特別買係for幼貓嘅
普通主食罐都有買
其他牌子冇特別講明for幼貓我都照買
因為我想比佢食多啲口味試下 但又唔係隻隻牌子都有for幼貓 所以我都會照比佢食

唔該晒

各位點睇生肉糧？
我本身餵緊凍乾生肉糧，因為貓肉食動物所以覺得好合理，我有加水但太多水佢唔太食所以佢飲水唔夠，諗緊好唔好轉罐罐

最尾都係要食左落肚先計，如果佢凍乾食唔多都唯有試下罐罐

叫咁多人吹奏k9乾糧

想問點睇佢地既罐罐

K9啲罐唔似佢啲乾糧咁貴

我之前上網睇話

其實幼貓有牙仔已經唔洗再一定食幼貓罐

想問係咪真

係

佢d乾糧係凍乾嘛，唔會平得去邊。
我見罐頭成分都一樣，幾好呀。
罐頭比起乾糧少奇怪野，好多牌子都食得，睇下邊款食得多d。

本身好多貓糧都係寫全貓糧，佢咬得碎既基本上都食得啦。
幼貓糧係多d營養等佢肥得快d。

想問乾糧同罐係咪要喺佢細個嗰陣盡量餵唔同牌子俾佢食

等佢唔好咁揀飲擇食

罐頭食到清淡個d就最好，食完濃味就返唔到轉頭，由細要養成個習慣之後會容易d，當然如果唔同味都肯食就最好啦。
乾糧唔會好難轉，因爲本身就香脆d，乾糧好食都會搞到唔中意食罐頭。

我次次俾罐都溝水

算唔算變相清淡

咁就似乎佢肯唔肯食啦，如果係本身就食唔曬就唔好加水啦。
佢本身都需要足夠既蛋白質，你都要佢食埋罐頭入面d肉（肉本身都有好多水分），齋lam走d水其實都唔係好多水份。
加水唔鍾意食，結果走去等乾糧仲衰，