你覺得一嚿雲會唔會係你「唔知自己講緊乜」?
其實你成段嘢我唔會話完全唔明。呢套戲對好多人嚟講有好高嘅藝術價值同意義,同時我都認同有啲時候好嘅藝術作品或者都會喺過程牽涉道德上
有爭議嘅行為,而我或者會為一套好作品如果因為佢嘅製作過程
有啲爭議、有踩界嘅地方就冇得上映感到可惜。但好多人就呢件事上(至少從阿聆嘅說法上睇)覺得張導同校方行為唔係單單
有爭議、踩界咁簡單,係有明顯道德上嘅缺失;重申我冇理由去主張張導同校方嘅行為(個重點可以唔包括偷拍)係出自「唔好」嘅動機,但呢點無損我嘅道德判斷:由拍攝期間到公開上映再到呢幾日所發生嘅行為係道德上不容許。如果我可以有理由相信一個行為明顯係「道德上不容許」嘅,點解依然可以有理由覺得其他因素(包括藝術原因)會喺
道德層面令到件事變得「道德上容許」?
噉嘅話,一係我之前嘅「有理由」其實係冇考慮我應該要考慮嘅其他因素(冇話唔可以係藝術原因,但重申諗唔到一個藝術理由點樣可以override一個明確嘅道德理由),所以我之前其實唔係「咁有理由」嘅;一係就係查實我再一冇其他理由再override我個道德理由。簡單啲講,明明個道德問題要求從某啲角度出發就足夠,若果處理呢個問題就要牽涉埋「咩係道德」(你心水清就會發現你自己對「道德唔容許」呢個概念唔係好清𥇦
)、「藝術價值從咩出發」等等,噉唔會模糊焦點咩?或者你個立場未必係我而家呢段respond緊嗰個?
另外,我覺得所有(不論係咪由呢件事出發)關於整體上製作紀錄片(甚至其他片種)所涉及嘅電影倫理問題嘅討論都係有意義嘅,我從來冇否定喎;我甚至乎覺得一個討論多啲藝術、哲學問題嘅社會本身、理論上係喺價值層面高於一個相關討論嘅社會,但呢點同你argue嘅所謂「大眾對呢件事(僅從道德層面上)定調並非好事」差好遠喎。原因或者都係咁上下就原諒我唔詳述。
老實講,見你最尾嗰段講嘅嘢同你上面/之前對照,又見你論述時用嘅各種字眼同理解,我就無謂喺討論雙方喺用詞上準確度有落差同理解上有咁大分歧嘅情況再打太多嘢去回應
我唔覺得出面屌張導嘅人有好多會喺進行討論時會畀你打更多邏輯上似乎合理嘅理由(唔代表佢哋而家冇理由
),但你嘅回應似乎某程度上支持我嘅睇法,所以我亦都唔費時間去回應,多謝ching你咁有心機先