平心而論 《給十九歲的我》好唔好睇？

好睇 真人真事 有血有淚
最唔好睇可能係導演自己加入去既旁白

依個年代，一係就棒你做神，一係就妖魔化你，一係就連討論嘅價值都無。

好可惜成套戲同導演都畀人妖魔化成魔鬼、心地差嘅女人。

套戲好睇之處其中一樣就係世代差異。導演、學校嘅角度同後生女嘅角度完全唔同，所求都唔同。到最後被攝者嘅利益被剝削，導演心血無咗，學校錢就照代。

我唔明白點解溝通過程同結果可以咁差，無論電影有幾好，事實上係爭唔落。依套戲好睇在就係有人咁痴線畀人拍十年都得，一毫子都唔收，Kardashian都做唔到啦。

但就個係賣點，正正就係製作團隊最要花心機嘅地方。導演責任除咗要拍好剪好條片，行政上都有責任管埋。但張導演叻嘅並唔喺依方面，從來行政都唔係佢搞，係佢另一半羅導演同佢團隊管理。

導演講乜都錯㗎啦，只可以停止放映，向女生道歉。讓子彈飛，過多四十年連啲主角都死埋，先可能有更大嘅公映或討論空間。

隨時張盜要賣屎忽畀正苦
都係為咗過呢套嘢嘅電檢

係藍到咁嘅話 點會搵高先發行
畀其他黨企賺錢唔好？

關有冇睇過咩事
個問題又唔係片既內容

你智力係咪有問題

點解唔係大囇 大佬花十年時間拍一套紀錄片, 唔通每一年問你同唔同意呀?
加上同意書根本已經include咗喺戲院播, 包場同電影節
唯一可以拗就係無公映呢部分
唔好講埋d小學雞嘢咩無錢收啦

你有睇過份嘢寫乜？

好想睇😭😭
被果幾個女仔道德綁架就無得再睇

睇完之後呢個月有幻想過佢地一齊上台攞金像獎最佳電影
對呢班女仔係最完美難忘既青春

利申先，上年12月底入場睇咗。

睇成上面大家嘅心聲，自問個人都好百感交集。一方面明有啲道理擺在眼前，但又好自私覺得唔比公映，係呢個時代嘅一個遺憾。或者我私心地咁諗，希望咁多方都傾掂條數，就算之後出修改版，我覺得都算係咁㗎喇

明知有鏡頭, 明知有錄影, 都叫寫實?

一方面，好睇係因為香港人八卦，docu 有好多有關人地好私生活嘅嘢
另一方面，個docu好戲劇性，因為好似陪著佢地行十年，睇到佢地嘅成長，會好proud of them。
有時我甚至覺得呢啲先係屬於中學嘅生命教育。而家中學果啲生命教育真係狗也不屌，我從來冇認真聽過。


但當然，有好都一定有壞。大家有樣嘢忽略左。
壞嘅地方係開頭鋪墊係講果班學生係拆舊校，去深水埗讀，再返新學校嘅改變。話明係學校環境嘅轉變，呢啲改變理應只係同學校生活有關，佢地私生活都只係一個bonus，只有課後活動/做功課先有關。而導演因為迎合自己/觀眾口味，加左好多bonus。
延遲重建計畫果陣，果班學生講得啱，佢地都冇辦法去新學校，咁個docu有咩意義？
跟住嗰個部份就有啲旁白輕輕帶過，我睇嗰陣都覺得有啲奇怪。
正正就係冇咗意義，但係嗰班攝製隊都keep住影佢哋，因為佢哋驚嘥咗個6年嘅心機，所以睇得出，其實到最後嗰班大人都係諗自己多過話想認真記錄學生嘅片段。

好好睇
好睇到行出戲院嗰陣忍唔住又喊咗出嚟
好多人話同外國紀錄片比唔算啲咩，好一般
但係呢套正正係一套香港紀錄片
好多嘢係喺香港長大嘅人先明
嗰種感同身受係你睇外國紀錄片唔會明
深深感受到
嗰六位女仔，包括我哋所有人
係經歷完動盪嘅青春之後
可以堅強努力咁長大成人
已經係一件非常值得讚許嘅事

佢唔想人哋播仲有個位係佢細佬嘅 成個屋企都俾佢搬咗出嚟

評論之前追下post先啦大佬呀…阿聆篇報道咪拎咗份同意書出嚟影晒相囉…張圖差唔多個個連登post都出現過…

其實套戲真係黃嘅有講 藍嘅都有講
由2011年之後啲運動嘅畫面都拍咗出嚟
仲有問過佢哋對社運啲諗法
同埋當中有個主角係想考香港警察
背景係新移民 之後做咗啲prefect阿頭
到佢後期上咗大學 驚俾人知佢想考
就打消咗個念頭
套戲甚至有埋啲移民咗嘅女仔嘅諗法
佢為紀錄片係直接咁拍咗出嚟囉
咁你話有冇計埋政見啦

利申：我入去睇之前係唔知係人血饅頭
無留意咁多就入咗去睇
呢樣嘢我唔介意俾人屌老母

識人讀另一間女校﹐校服又係著長衫﹐一見 poster 就 (想當年) 衝去睇﹐睇到喊哂。
讀女校果種氛圍真係另一個世界﹐果個frd 當時睇完超感動﹐感激果6位女仔願意分享佢地既世界﹐絕對唔係爛片。
只不過估唔到有2 位係咁激烈反對過。如果果6位女仔都三四十歲﹐結哂婚穩定哂﹐應該有得傾。但而家只係22-23歲﹐仲未夠成熟﹐真係未必承受到陌生人對佢地既指指點點。

文長先利申 睇哂電影同訪問文

正正因為好好睇先咁可惜
冇得否認既係
1. 團隊花咗好多心機
2. 對主角們黎講係好珍貴既片段
3. 對大眾黎講係inspirational既
但obtain到以上既結果
個過程相信大家睇完啲女仔受訪都無可否認有unethical既地方
直到公映與否 當中的溝通都反映到導演只係用
1. 軟：為主角好
2. 硬：簽咗同意書
去說服主角接受公映 直到最後直接漠視和硬闖

其實一樣野對一個人既傷害
其他人無辦法衡量
或者我都同意阿佘講有啲事係好靠自己overcome的
改變唔到人就只好改變自己
但導演又憑咩去覺得"好少事啫” “使唔使咁呀”？
結果論黎講導演都可能犧牲咗好多
但前題係為咗作品佢都算做有不擇手段咁利用幾個小朋友

另 身為大眾 可以見到導演不道德既處理手法 阿聆受既傷害
係咪應該都有義務去表達不滿同減低對主角既二次傷害？
呢樣就非常道德層次既討論 唔詳講

但有種講法我覺得幾impressive：
法律之所以出現
係明文咁以盡量公平既原則去保障每個人既權益
但本身佢亦都係建基於道德之上
而道德 就係個條implicit既原則
咩叫道德淪亡 就係大眾之間既social norm冇咗
冇咗意識去做所謂道德正確既事
呢個時候法律就發揮佢既做用去維持返個social norm

事件中導演三番四次拎通告出黎保障自己 係確保做既事有法律依歸
先唔講contract wise有冇效力 (非專業)
而呢個動作已足以反映導演根本冇理會過道德層面
呢樣先係對作品既致命傷

總括黎講就係
片係好睇 但幾好都好 覺得就冇乜野係值得犧牲個幾個主角去做

呢個位喊到仆街同埋一起歌，影佢哋喺泳池邊踢水都喊

其實六個女仔嘅故事都有各自嘅獨特性 少咗任何一個都會令成件事失色不少

如果你覺得cut晒都冇問題嘅話 就證明你睇唔明套戲帶出嚟嘅嘢（或者你根本唔想明/冇睇）

諗返起madam喺討論雨傘革命嗰段對話
冇理由中國十幾億人聽你地幾十萬人嘅話

想知Madam點睇因為幾個人嘅説話 幾十萬人冇得睇呢套拍咗十年嘅紀錄片

Agger 張婉婷剪哂唔再改
應該都係因為呢6個人缺一不可，cut一個真係無哂意思，尤其阿聆選學生會嗰part好大意義

佢拍攝手法係咪似天水圍的日與夜？

其實我真心覺得幾好睇，可能特別我係同主角s 差唔多年紀，都係讀書時期經歷疫情同社運，令到我哋中間失去左啲時間。加上年輕人追夢，反叛，迷惘，被/不被認同嘅事等等。撇除處理手法同埋近日嘅新聞，我個人認為以10年時間去完成一套紀錄片不容易，值得去看一次。