平心而論 《給十九歲的我》好唔好睇？

咁如果睇完篇文
都可以繼續抹黑個女仔，話佢又唔早啲出聲，仲要話佢因為邊幾段片而唔想播映
塐
我諗班人閱讀理解都有啲問題

pr比你所想嘅多啦
你睇多幾多post就知個風向可以好唔同
不過俾咪有pr都其次，主要係根本題材好但拍得唔好，但大家捧到上天

除非立即停止公映 唔係點討回公道

原來已經有2400個連登仔睇左

變咗禁片

批鬥呢個字好使好用
一有輿論共同批評一個人，就係批鬥
但講嘅人係唔會睇前因後果諗下點解啲人咁大反應
不過不求甚解、假理性、假中立呢啲嘢本身就係香港特色嚟

Endorse你理解能力嘅代名詞姐
只能夠講 如果你真係揸住呢個咁ideal嘅標準去睇出面整體嘅留言質素
結論冇理由仲係咁粉紅色世界覺得可以好有章法理性討論 對事不對人 容許多元討論
你要堅持係咁冇嘢好講

事情發展到呢一刻
最想知阿聆同幾個女主角有咩感受

阿蛇： 唉 都改變唔到架啦 上咪上 唔上咪唔上囉

我覺得你要搞清楚，觀眾欣賞呢部電影唔係好似你咁高深用技術角度去睇佢拍得好唔好，而係呢部電影有無共情，帶到俾佢地咩嘅感受。正正係因為呢部電影成功引起共鳴所以大家先讚賞，唔係你講嘅捧到上天。

不過連登仔總係有人會懶高深，個個都讚嘅時候就跳出來用懶專業嘅角度去技術分析拍得唔好之類。

你呢段argument有好多位我都睇到一舊雲，就呢件事上關於「藝術同道德既取捨平衡」既潛在討論，我簡單舉兩個例子：

（1） 張婉婷喺呢套戲既處理上，其中一個受非議既地方，係佢剪片既時候，個六個女仔無份參與，六人要到套戲剪完後內部放映先知內容，導演呢個先斬後奏既做法係不恰當，佢應該係要俾六個女仔參與剪接，並得到佢地同意先可以進行剪輯，但試問如果要有曬六個女仔一致同意先剪到，咁剪完出黎既成果好有可能偏則曬佢地好既一面，咁條片就變得唔全面

於是呢個時候就會有一個藝術同道德既取捨，道德上，導演需要知會六個女仔，而且要俾佢地參與剪接，但藝術上，六個人一人加把口，樣樣要同意過先俾剪，咁套戲呈現出黎既野就會片面（當然，藝術同道德絕對可以兼得，而呢個就係講求兩者間點取得平衡）

（2） 呢套戲另一個爭議係拍攝手法侵犯私隱，攝製隊用貼身跟拍甚至偷拍既手法去拍呢幾個女仔，日日俾部cam影住，好與壞都一定對幾個女仔造成影響，既然係咁，呢個project或者一開始就唔道德，但係咪因為一句唔道德就徹底抹殺成個project既意義？

呢套記錄片本身反映左六人既成長，學校既教育理念，家庭對青少年成長既影響等等，每個人睇完相信都會從中得到啟發同反思，如果有老師有家長睇完後，學習到人地既教育理念，然後更好咁培養自己下一代，咁呢套記錄片就已經有佢既價值同意義，問題係為左呢樣藝術價值，值唔值得咁樣貼身跟拍六個女仔，佔用佢地既時間同私人空間？而基於每個人價值觀不同，呢個問題未必有絕對既答案

以上呢類討論係唔會模糊焦點，因為藝術同道德判斷係一齊討論，而且呢種討論係有需要，至起碼討論出黎既野可以俾下一個想拍記錄片既導演參考，究竟條界應該點拿捏

其實，記錄片呢樣野係好容易惹爭議，Netflix套tiger king，攝製隊利用剪接引導觀眾認為carol有殺人，咁做都係好撚無道德，而喺張婉婷呢套戲入面，至少我無睇到經剪接既惡意抹黑，更多係真摯既情感

人血饅頭片

打手po
支持李慧詩，罷睇

講得好好，可能係最初阿聆覺得要發聲嘅原因

當然，學校同埋當中嘅主角都唔係專業做公關，完全俾人牽住鼻子走

你睇吓每當出現有深度嘅討論，呢個post就會有人留一兩句謾罵就知咩事

你搞清楚乜叫技術角度先啦
我都冇評佢燈光、鏡頭、音樂等做得好唔好（因為佢紀錄片，我都冇太大要求，雖然有好多紀錄片以上技術都可以好好多）

我只係話佢成個內容表達得唔夠好
佢有好好嘅素材，但表達時好多事會令聽到擰晒頭
好多旁白唔加好過加，加咗又曲解或引導咗
而依啲會影響到成套戲嘅flow同情感

共唔共嗚係另一回事
我可以覺得有共嗚，但同時好多嘢令我覺得突兀而妨礙到我觀賞

而家唔係問緊套戲個故事令你有冇共嗚咁簡單
係整體上講緊套戲好唔好睇
而好多位的確扣咗分（唔關事後咩道德問題，亦唔係咩技術，係講故事個技巧方式）
當然我覺得overall還好，值得睇（唔計咩道德問題前）
但只紀錄片黎講有好多地方可以改進，而令到更加好睇囉

個份同意書, 我唔知咩人寫, 就咁睇簡直天衣無縫, 諗得出都服佢心思細密.
如果紀念學校, 根本無需要影校外,家庭, 學生生活各方面情況.
一開始已經無視學生私隱

套戲係好睇,睇完會回想自己過去, 同埋我諗過如果自己十幾歲睇到, 可能有啲嘢可以早啲諗通, 可以行少啲錯路

但我哋睇完拍拍手走, 佢哋唔同, 佢哋今後人生係會有影響.
好簡單, 阿雀去見工, 人哋可能第一句就問, 你會唔會好hea?
Shirley去見工, 人哋可能第一句就問, 你會唔會徇私?
當然可能會有好事, madam 真係做警察前途無可限量, Miss HK 選港姐都會選到

因為有可能有好事, 但都有可能有壞事, 所以一開始真係無必要博.
而家要覺得好彩仲可以止蝕, 佢哋真係有咩事, 良心點安樂?

其實點解香港咁撚閪, 正正就係有班唔會check自己privilege既人對弱勢要求太高, 對自己要求太低, 持住自己有權而將自己既意願強加於人就得, 弱勢反撲佢就高高在上話人係文革批鬥已經無權力仲要幫埋班權貴手諗係咪屌過龍

講真個輿論係咪overly excessive? 客觀效果上可能係, 但我唔會同情佢, 講到尾都係佢自己一早造成

你又over晒…大佬…而家嘅你同一年前嘅你都轉變咗啦…見工個陣點會拎返阿雀同Shirley10年前講過嘅野去問…就算真係問，答佢一句10年前而家都成年人轉變晒都KO佢啦…好似我而家KO你咁…

嗰陣應該冇左香港呢個牌頭lu
歸入中國參賽啦

世界有樣嘢叫先入為主

可能依個計劃間接幫左阿佘同港姐，唔係既根本冇人會理佢地，學校亦都唔會放咁多時間係佢地身上，有部份人睇特未睇過既下下講到太極端，睇完戲既相信大多數人都會覺得計劃係絕對有意義

咁又未必個個都睇咗
主要係啲人睇完個comment
仲有新聞同訪問呢啲

尤其係現今網絡發達
KOL、三唔識七嘅人、
立心不良要起人底嘅人等等
呢啲先最影響個人生活

已經唔少人求阿余Instagram
但佢本身都唔係公眾人物
依家公映變咗但唔代表人哋接受到
個身份改變然而開始不停被起底

謾罵其實個個都做到
希望真正搵到解決方法

打咩手?
都無得你睇, 罷咩?

好想睇，有無線上link

邊個人係中學時期無柒過，無幼稚過係到同朋友玩鬧，甚至請食麥當勞，呢啲係好平常。

有啲言論係好主觀性講人哋是非，無諗點解佢朋友唔拒絕，因為大家都係朋友啊嘛！都唔會換角度睇件事。

有啲人講嘢口吻係無咁好，阿聆係咁，張導亦都係咁，所以就要分客觀去講，好似依家咁，支持阿聆同支持張導嘅人互指大家留言係人格謀殺。

真係要諗諗變做公眾人物要承受好多嘢，驚公映真係明。

https://youtu.be/VArOqhz8KJo
6:52睇返阿余口吻
抱怨咁講
點解啲人覺得佢係講緊笑
將快樂建築於別人嘅痛苦
呢幕真係好好嘅例子嚟