保羅馬甸尼
2023-02-07 09:24:58
呢個咪就係導演角度嘅想法
對佢自己或者專業演員嚟講, 只要有份參與拍套好戲有獎攞名流青史, 之前點辛苦都值得嘅。相信佢自己擺喺呢個計劃嘅心血夠佢拍多兩三部商業片搵錢, 簡單嚟講, 呢套戲係張導自己用嚟J。所以佢成日諗住個諗法就係: 呢齣戲上畫一定爆紅, 班師妹大咗就明白有份喺套全城盛讚嘅得獎傑作入面做主角, 之前嘅辛酸委屈都一定不值一提, 佢地會感激我同學校俾咗呢個機會佢地。而導演呢個崗位一向最最最重要都只係追求套戲好唔好睇點拍先會爆票房。所以張導亦都用咗同演員相處嘅態度/方式去同學生deal, 覺得佢地唔合作係跳草裙舞或者偷懶, 過一陣就settle到, 再唔聽話就出律師嚟凶。
但係呢套係真人show, 佢地喺戲入面嘅生活就係現實生活, 班學生唔會俾人讚話佢套戲演得好好, 只會俾全世界評頭品足, 呢世人同親戚朋友都好難保留到自己嘅空間。正如阿佘講: 真係驚嫁唔出。(阿佘真係好L堅抽, 阿叔我大佢一倍咁滯自問都無佢果種堅強同豁達。)
所以我相信張導無細路仔唔明白年青人嘅諗法加上自己太aggressive只係諗套戲無考慮過學生(佢眼中演員)嘅感受。 咁真正嘅演員簽約收錢又真係唔駛理佢感受嘅...........
講返題目:
只論戲真係好好睇, 雖然有好多導演自己對畫面嘅演譯同埋幫學生代言內心感受, 但係睇住呢班學生成長, 會比較同諗返自己細路仔到幾十歲行過嘅路。加埋用香港呢十年變化牽引成齣戲, 睇完係好有感覺, 如果無而家嘅爭議, 呢套係會喺香港電影史上有一席位嘅代表作。
而家落咗畫, 預計唔會再上, 亦唔會串流或者公開賣碟, 就算有都係一個再剪到九彩嘅新戲, 所以齣戲而家變成一個傳說, 無睇過就真係錯過一世。