而家基本上你加隻腳去妖魔化張婉婷,你就係為弱勢發聲
你幫張婉婷講嘢,你就係佢個friend/你係打手
一言堂到仆街,但有幾多個用文革式批鬥張婉婷嘅人係睇過套戲?
李慧詩未睇就吊,咁佢係咪聽人講先?
戲中用佢嘅片段,一早由2016年就放咗喺yw 嘅youtube channel,點解而家先話有問題。
想拎返出鏡費用?
有睇過套戲嘅人都知,出咗李嗰10秒,主要係解釋馬燕茹讀書定全職單車嘅困局。李嗰10秒係完全唔重要。
然後有人話佢攞過奧運,所以佢先唔駛抽水。。。
但佢出黎抽水之前嘅對上一個 fb post (cover photo嗰個post),先得60幾個like,而家件事都令佢60幾個like嘅post都變到有300幾個like.
係,佢係攞過奧運。但電影風波前,最多人關注嘅奧運得主未必係佢。
佢哩個時候彈出黎講嘢,自然會多咗人關注返佢。
另外,女仔們嘅父母同校方點解一直都冇企出黎講嘢。你哋企女仔嗰邊又好,企學校嗰邊都好。
應唔應該由得一個7x歲嘅老人家,做哂代罪羔羊去俾咁多記者問責?佢唔企出黎,搵人寫萬字文仲好tim啦。佢有擔戴企出黎講野,又俾人用最大惡意詮釋佢每字每句。話佢發悔氣?
仲有呀 唔好再話英雄化李慧詩令到套戲下架,
當日黃埔兩點場導演已經宣佈左係同校方有共識要下架。點都早過李慧詩
又要搵女巫黎燒,又要搵英雄黎捧
世界真係咁簡單就好喇