或者有人以製作上嘅道德問題為理由「錯誤地」幫呢套戲嘅藝術價值定調,但我見絕大部分屌呢套戲/張導/校方嘅人係屌製作問題而唔係討論部戲本身好睇與否。
同埋你都識講,兩者似乎係應該分開嚟睇;但偏偏喺呢個post入面就見到似乎唔少人以為「未睇套戲就唔應該評論拍攝上嘅道德問題」,甚至有唔少人嘅論調係用「藝術價值」/「其他人用咗幾多心血」去override套戲背後嘅道德缺失,噉究竟邊一「邊」先係撈埋一齊講?
上面都講咗,所謂嘅「主流論調」大多只從道德層面去討論呢套戲嘅道德問題,而甚少從道德因素「跨過去」講套戲嘅藝術價值;而如果你都覺件事喺道德層面上嘅結論係相對明顯可見,噉大部分人對呢套戲喺道德層面上有一個比較一致、明確嘅立場係好合理,噉嘅話你所謂嘅「定調」有咩問題?定你嘅「定調」有其他意思?