平心而論 《給十九歲的我》好唔好睇？

估計賣比D+ / N 仔 ...之後再賣DVD


咁咪唔係公演囉 ...

我可以好肯定，D+ 同 N 仔 一定會比高價搶

好多人都未睇





























但就一定記得條仆街女

以後諗起英華女學校就諗起條仆街女

呢套戲當初睇完第一個感覺係，佢會成為大部份學校年年都例播既一套戲係一套好有教育意義既紀錄片
同埋應該無人會超越到，因為正正呢十年香港好多重大歷史事件發生左，呢啲事件應該無可能發生多次面只有佢有記錄低

可以傾既位實在太多，除左基本既探討eg 香港教育制度、6個家庭既教養模式點影響各人成長面向（有單親、有完滿、有寄人籬下、有高壓、有輕鬆既家庭）、各人係青少年心態同性格發展、名校同邨校既教育模式（淨係名校同邨校既校長睇既野已經好唔同)等等外
最重點有記錄到佢地點睇呢十年所發生既社運，同點影響到自己（淨係呀佘/madam/雀3人取態都好唔同）、香港民主意識抬頭+身分認同、到最後10年過去，佢地仲係唔係同當初諗法一樣

睇張導事後反應，真係”頓頓地”，唔似覺得會咁大件事，同埋話哂識咗班女仔十年宜家又無咗個老公係身邊分憂

其實佢都幾花盡心機同精神去照顧呢班女仔
我覺得淨係屌晒佢都唔公平
校方同發行商呢？

而且李慧詩喺戲中真係純粹兩三句
仲要只係講做運動員同學業生活等等，點樣攞到平衡
由佢把口講出黎，更有說服力，而且係正面地講，令大家更支持運動員發展
佢上鏡既畫面係以秒數計
但而家個焦點去晒製作隊伍點樣偷雞入去訪問、訪問片段原來放電影...
我覺得有d可惜，因為李慧詩段訪問，真係好正面

其實就係一個人 ...就可以搞成咁 ...不過同佳哥比，仲有段距離

你睇返madam 背景就知點解佢會想做狗同埋咁多歪理
新移民背景 7歲先落嚟香港
就咁睇佢屋企應該無咩錢 普通基層only
加上上面d教育不嬲都係追求權力
細細個已經要老師好 長輩好
同埋幼稚園已經教你唔好反政府 黨永遠是對的
唔排除佢屋企人同親戚都係藍底
呢啲都好影響madam 一直以來的價值觀

唔似阿雀 佢老豆真係會同佢一齊落金鐘
了解咩事 佢老豆仲好包容到佢罷課

真，依套野太多野可以討論，每個家長對個女既都好唔同,點先叫好呢

袁國勇果到小小神來之筆，佢講得好岩，你就咁睇會覺得佢真係對醫生好有熱誠，簡科真係要簡有興趣，唔係咁就幾十年，但依家提佢就變左笑話

俾全香港啲流量吸血鬼斷章取義
已經好大獲

睇張導開記者會就知佢唔太識講野同埋表達自己

其他十年前開始跟拍 , 你點會知十年後咩環境。。。 仲有無投資者願意投資？

好好睇
因為我未睇

呢套片真係教材級
更加屌打近期幾套好評既電影

重新回憶起中學既點點滴滴
青春到痴線

同返D妹豬分錢你估會唔會出街

呢套嘢將會神一般嘅存在

首先佢唔會再播 會好似神話一樣
睇過嘅人全部都會讚到佢前無古人後無來者


其次就係呢套戲 由演員到導演再到剪片 全部係自己母校 用咗10年時間 經歷香港呢幾年所有動盪
有血有肉咁呈現左青春同埋年輕 你同我都經歷過嘅校園生活

用兩個小時 一齊經歷10年 在經歷自己中學果67年

百般滋味 一齊湧上心頭

一視同仁，唔應該睇《給19歲的我》，亦唔應該睇港女流出
- 分享自 LIHKG 討論區
https://lih.kg/3299105

而且睇完之後係會反思人生
眨下眼就10年

成班唔係自己俾人影完再公開私隱就緊係好睇啦
窺探人地私生活實好睇架

窺探完人生活人地嗌唔好仲要話人咩反應過大、唔洗咁下嘛、浪費心血 真係好笑。係香港講道德真係得啖笑

其實最核突係個班之前讚套戲讚到天上有地下無既kol
依家出post話咩收返言論
心諗你邊位呀
咁套戲好睇咪事實囉
你都係根據返當下感受去評論姐
仲有lihkg post 個班講咩後悔睇左 成千個正評
個樓主做人洗唔洗虛偽到咁呀
唔睇你都睇左啦後悔嚟有撚用咩
下下都要後悔 人生咪好大獲
又唔見呢班人食左隻牛會後悔你隻牛死左好慘？

我都優先場睇左
覺得套電影比到好多反思同埋情緒我
絕對值得入場睇 唔會後悔囉

其實唔應該得佢一個去解釋所有野

老實講係幾好睇
唔同既家庭背景係好影響一個人嘅性格同價值觀
短短兩小時既電影見證住6個女仔嘅成長 自己童年嘅回憶同時都不斷湧現
再加些少片段係影佔中同社運 帶出香港呢十年真係變化好大
-----------------------------------------------------------
但我都認同 真係唔太適合公映
當事人只係普通嘅學生 唔係公眾人物顯然佢哋係冇充分嘅心理準備
未必承受到呢個充斥住唔同價值觀嘅社會嘅人對佢哋嘅評論
目前電影已經停映 希望當事人都可以盡快收拾心情
希望大家可以正面咁支持片中嘅女仔 唔好做加害者