過左咁多年仍然好憎老母對我做嘅呢件事

公開試放榜，條老母問都冇問過我，將我成張成績表 share 曬俾班三姑六婆姨媽姑姐同事朋友睇，係威係勢，完全唔識尊重人地私隱
佢覺得可喜可賀我就覺得唔理想

到揀科，我一直話係想去外國讀書
一句冇錢供唔起就限制左我嘅出路係咁先
分數中上唔算 top，只能夠揀神科以外嘅科目
嗰陣除左好想去外國讀某科之外，未有其他科特別想讀，冇特別主見
結果聽埋老母啲垃圾分析
Science 當然冇出路冇前途
BBA 又供過於求
Engine 又人工低
做老師又難搵教席乜乜柒柒
叫我睇下到時讀呢啲科嘅同學出黎點仆街點乞食
叫我揀埋啲濕鳩 nursing 黎讀
最穩定兼一定有工開
人地一萬你就三萬
講到唔揀做護士就必死無疑咁
唔理我鍾唔鍾意開唔開心讀唔讀得黎返唔返到通宵
話我唔想做姑娘就係任性幼稚

一個人水我唔掂就搵埋班親戚一齊夾埋黎水鳩我
話咩唔係興趣唔緊要
總之到時搵到錢就會開心
結果我身邊啲讀 BBA 讀 engine 讀 edu 嘅同學畢左個個都搵到份唔錯嘅工
而我嗰五年大學就根本唔知自己喺度做緊乜同差啲讀到抑鬱
實習做到懷疑人生
間唔時仲匿埋偷偷地喺度喊
Counsellor 搵過幾次
而件垃圾老母就完全懵然不知
仲喺出面曬我個女之後出黎做護士呀一畢業就三萬一個月呀升埋職八萬出埋私家仲十萬呀乜乜乜

為左錢仲要滿口歪理
為左控制到我去行佢想我行嘅路可以無所不用其極
執屎咋嘛戴住手套戴住口罩邊度厭惡
你 BB 嗰陣我都要同你換片啦
你學生先要執咋嘛之後唔係你執啦
仲要理直氣壯話輪 shift 只係一個禮拜先轉一次更好辛苦你咩
返通宵點會唔健康
你睇下樓下個保安晚晚返通宵咁多年仲生勾勾就知啦
返 shift 仲好啦多左時間用
有制服着仲可以慳返啲錢唔駛買衫裝身添
講野難聽過粗口

自己乜都唔知水人去做護士
大學生活過得好唔好實習實成點從來唔去關心
只係當個女係生財工具
到實習先驚嘆原來返 shift 係咁返
到出黎返工先好驚訝咁問，下你打風做咩返工?
咩叫輪更咩叫 PAN 唔知
打8號波要返工唔知
辛苦嗰個又唔係佢
吹完水唔駛本又唔駛負責任
真係無知到一個極點

逼完人做啲唔鍾意做嘅野
然後叫人賺錢養你
食食下飯借題發揮話我餵到你咁飽
到時我老左你要養我
聽完即刻冇曬胃口
開口埋口都淨係錢錢錢，但錢又唔見你搵到
叫人努力讀書，但自己就從來唔去增值自己
睇書就話自己老花睇唔清楚
日日返黎就淨係識煲劇聽垃圾網台癡上腦
真係諗住夠鐘退休就攤喺度等人養

我有自己人生同將來
唔係話生完我出黎我就要養你架
害完我一次仲想繼續拖我後腿
就算我搵到錢都唔會同你講
家用繼續 basic minimum
到時有能力一腳伸開你搬出去住更加一個仙都唔會俾
食屎啦八婆

做得好 一蚊都唔好比佢

我支持你

老實講 你可以將一切既責任推晒比你老母，話佢逼你讀書揀科要向錢看。對於你比唔比錢你老母我都無意見。

但係你想將來幾廿年過得開心回望過去覺得自己無做錯選擇，試下問下如果自己無比你老母逼你行呢條路，你自己選擇，又會點行？你字裡行間完全睇唔出你有自主決定既諗法。唔係想教訓你d 咩，只係想講，大學5年，你無理由到畢業先知nursing 呢行係點。過程中有冇搵過出路，轉機？你條命係你自己。 與其埋怨，不如呢一刻開始諗下將來條路要點行。

推到啲責任一乾二淨

你老母都係為你好啫
好好考順佢

始終都係血濃於水

就當你揀科嗰時小朋友唔識諗
但讀到上去覺得讀唔掂唔啱讀無得賴架喎
捱得完個degree都唔一定做護士

條命係你自己既 俾老母水左 咁佢係仆街 但你自己唔自救 無人幫到你架喎

辛苦你啦
呢啲問題真係一世都解決唔到 基本上無論點講 佢個套歪曲咗嘅思想係轉唔返返嚟
希望你可以盡早脫離呢個環境
攬攬

以後唔洗再理佢 唔好比錢佢 努力果個又唔係佢

呢啲係控制狂加自私

絲打
自己人生自己要勇敢去選擇
人生得一次
過左去嘅就忘記佢
但未來嘅路記得要揸返喺自己手呀

加油

你屋企有無能力同想唔想比你去外國讀書你都唔會最後一分鍾知

都唔好講你阿媽其實無講錯，做護士真係最穩陣

都18歲啦，讀唔掂咪quit 囉，自己搵錢供自己出國，大把人都係做

加油
雖然你好大怨氣
不過自己都要負返啲責任
揀科讀果時如果連工作性質都唔清楚
咁我覺得你視野係有啲狹窄

聽落份工就唔啱你架喇
不過護士都仲有轉career path嘅機會
做下功課，自己諗真啲，俾多啲主見

你幾廿歲人自己唔識反抗
你老母拎槍逼你讀？

tldr

篇文淨係睇到你將責任推晒比人
你老母無腦姐，你有㗎可？
你所講嘅失敗並唔係得你老母造成，係你自己都有份
諗下自己要點行，有嘢想做就思考下點做
賴人同原地踏步係無分別

我想問你阿媽老奉供你過外國讀書?又話老母事事向錢看，你自己咪又係咁。乜撚都賴人，欠撚左你?

知足常樂啦

唔系咁易既

一於移民澳洲byebye你條尾

無錢供你唔起你想佢點？

平行時空：我老母咁多年都無理過我
呢家我搵到錢，一蚊家用都唔會比你
食屎啦八婆

所有都係老母嘅錯
乜鳩都唔關樓主自己事
只有垃圾先會將個波推到一乾二淨