［殭屍/靈幻/鬼怪］《輪迴。道》世界重新輪迴一次之後我都係變咗做現代道士09

Lm

如無意外，今晚應該有文出

「嗯，出街？唔阻你地」葉靈看了一見智妍再跟陳天航說，然後就想從他旁邊走過

「佢係陪我出去買飯」而陳天航就在葉靈經過身邊時拉住她的手

「你嘅事，點解要同我交代」葉靈一手揮開，就頭也不回的回到家中

「哎！妹頭！有冇見到𡃁仔啊？佢同武妹去買飯啊，有冇叫佢地幫你買埋」屋內隨即響起英叔的聲音

「見到，我叫咗佢地唔洗買」葉靈回答

而這時屋外的二人也聽得清楚

「行啦」陳天航跟智妍說

「喔…係！」智妍乖乖跟著陳天航的尾

陳天航一直沉默前行，令氣氛陷入尷尬氛圍當中

「係呢，航哥啊」智妍鼓起勇氣嘗試跟陳天航說話

「嗯？？」陳天航稍稍將頭轉後

「你係幾時識我啊哥㗎？以前唔聽佢提起你嘅」智妍問

「應該係年幾前？大概啦」

「係點識㗎？年幾前…即係唔係中學同學啦」

「有一排我跑步，佢見到我唔標準，就過嚟教我，個陣開始順勢跟佢學拳」

「哦～原來係佢啲學生，即係都要叫我一聲師姑啦～」智妍得戚的說

陳天航沒有回應，二人又沉默了一會

「我想八卦下啊…」智妍隔了一會又說

「明知八卦就唔好問啦」陳天航明顯的不想回答

「唔係呢，我想知你同啱啱個女仔咩關係啊！？你好似好關心佢，佢又好似唔想理你但又好似好著緊你咁」智妍毫不修飾的問出問題

「唔知」陳天航暗暗反了一白眼

「唔好唔知啦～你講啦！」智妍這次直接「動手」，上前捉住陳天航的手臂

「呃….你做咩？！」陳天航被智妍的動作嚇到

「你講啦！我好想知啊！」智妍不斷搖晃陳天航的手並用那她那圓滾滾的眼睛看著他

「哎…得得得得！！唔好再搖啦」陳天航無奈看著她只好屈服，畢竟是兄弟的妹妹

「好野！你講啦！我聽緊！」智妍雙眼發光般看著他

「冇」陳天航單說了一個字

「下？！冇？咩冇啊！冇㗎啦？！」智妍被簡短的回應嚇到

「係，冇，我同佢就係從來都冇關係，冇開始冇結束，朋友一個」陳天航再說

「冇開始姐，咁可能佢中意你呢」智妍試探的說

「唔知」陳天航又變回簡單的回應

「咁….」

「今日係講咁多」陳天航果斷拒絕再講下去

「下….但係我….」

「我話係咁多！」陳天航回頭怒盯智妍

「嗯…..」智妍被嚇呆在原地不敢作聲

這時一個婆婆經過二人旁邊

「哎喲！靚仔！！原來係你啊」是住在附近的一個婆婆

「呃…係啊靚婆」陳天航認得她就說

「靚仔啊！靚婆要鬧你啦！唔可以對女朋友咁惡㗎！！女朋友係拎嚟錫㗎！」靚婆揮了一下自己的拐杖

「下？？靚婆！佢唔係我女朋友嚟㗎！」陳天航想解釋

「我唔聽啊！你個死袋！蝦女朋友！我打過你先得！」靚婆舉起她的拐杖往陳天航的屁股打去

「喂！靚婆！唔好！！啊！痛！喂！靚婆！你聽我講先！」陳天航被打得「扎扎跳」，他也不可以還手，怕傷到靚婆

「我打過你先得啊！衰仔！」靚婆愈打愈起勁

「嘻嘻」智妍看著陳天航被打的站在旁邊偷笑

「你仲笑？！幫手啦！」陳天航看到智妍偷笑就說

「好好好～」

「哎啊哎啊！靚婆係咪啊～唔好打佢啦」智妍上前蹺著靚婆的手

「嗄….嗄….女啊！以後佢蝦你…嗄…記得同我講啊…嗄…靚婆幫你再打佢」靚婆打完一輪後也喘得快要說不上話

「靚婆啊…都話佢唔係我女朋友咯…」陳天航想再解釋

「你仲講？！」靚婆又打一下

「好啊～放心啦靚婆！佢冇蝦我啊」智妍為陳天航解釋

「嗄…好啦好啦，靚婆攰啦，靚婆返上樓先」靚婆在智妍的調停後終於肯放過陳天航

「嘻嘻」智妍再次看著陳天航偷笑

「你仲笑….」陳天航無奈的看著她

「你啱啱個樣好蠢」智妍笑說

「…..走啦，快啲去買飯」

智妍係咪夠鐘賣鹹鴨蛋

佢啱啱先出場咁快想佢死？！

上季都係出場無耐就比鬼分屍

我講過今季唔會亂殺人嘅

今日有文

期待中👉👈

必須留下正皮

而就在這次之後，智妍跟陳天航的關係居然逐漸的好了起來，最起碼沒有了最初的尷尬

但九叔的家就愈來愈顯得擠逼，一個四百尺多些的單位要逼下接近十人

這日，眾人又完成了一天的訓練，大家都累透

「以我地依家咁嘅進度，世界末日都未打得贏班友啦」啊烈憤慨又失落的訴說

「急唔嚟嘅，烈哥仔，你地幾個先學得個唔夠一年，已經算係超水準㗎啦」英叔拿著水杯走到廚房喝水去

「咁又的確係，你地嘅資質超乎想像，不過…係唔夠時間」莫逆也搭上一句

「喂，死仔你坐過少少啦」英叔拍打葉尚生的大腿讓他坐好一點

「點解你一定要同我逼姐！」葉尚生原本是閉上了眼頭仰天的在休息

「其他地方仲有位咩？」英叔一臉無奈的問他

「我依張係一人梳化！！隔離….」葉尚生打開雙眼，坐直腰板一看，自己也停住了

因為旁邊的位置都已坐滿了人，陳天航跟啊烈啊武三人已逼在一張二人沙發上

「我地已經好逼㗎啦」啊烈笑說

「生哥，你覺得我地仲逼得落？」啊武也說

「……」葉尚生也無話可說

「咁你仲唔讓開？？」英叔再拍一下葉尚生的大腿

「得，我比你坐」葉尚生直接站起把沙發讓給英叔

「乖仔啊！」英叔搭搭他的肩膀

「我去坐飯….枱個邊…..」葉尚生剛起來就馬上想坐回沙發上，皆因餐桌那邊已坐了九叔、葉靈、王奇和莫逆，位置也不是鬆動

但這時沙發已被英叔坐下

「嗱！死仔，係你話讓比我㗎」英叔得戚的說

「好好好～當然冇問題啦」葉尚生假笑的看著英叔

「咁你仲企係到阻住我睇電視？！死仔！」英叔更是一腳將葉尚生撐開

「啊！你….」葉尚生正要開口大罵時

「得啦，啊生你坐依到，我走啦」這時莫逆站起來說

「好啊！唔該你啊逆叔」終於找到位置坐的葉尚生露出笑容

「我都返去啦」王奇也跟著莫逆站起，二人打了個眼色，但眾人都沒留意到

「啊魚咁早返去？」霸到位置的英叔蹺起了二郎腿問王奇

「嗯，我早啲返去陪下夢晞」王奇說

「個衰妹依家點啊？」英叔問

「一直都情緒低落，唔係太肯食飯」王奇落寞的說

「唔緊要啦，你多啲陪下佢都啱㗎啦」

「嗯，我會，我依家就買飯返去陪佢食」王奇說完就拿起工具袋離開

「咁九哥英哥，我都走先啦」而莫逆也跟著王奇腳步離去

「好啊」英叔跟莫逆擺了擺手道別

「好啦，我地又要猜邊個去買飯啦」啊烈說

「嗱生哥！你今次都要猜」啊武對葉尚生說

「唉！得啦得啦，我猜」葉尚生長嘆一口氣

「其實點解你地唔叫外賣？」葉靈不解的問

「九叔中意食粉麵，英叔中意食煎炸野，你就中意食清淡野，點叫？分幾次叫？」而陳天航就說

「嗯….當我冇講，反正唔洗我買」葉靈聽後戚了戚眉說

「嚟啦，猜啦」啊烈伸出拳

在眾人打算猜拳時英叔突然說

「唔洗猜啦！你地英叔我安排咗啦！」

「安排咗？？」眾人不解

而就在這時，智妍就拿著數袋滿滿的購物袋進來了

「大家好啊～」智妍舉起那些購物袋

「妹？！點解你嚟咗嘅」啊武看到自己妹妹突然到來感到驚訝

「嘻嘻」智妍嘻皮的笑了

「登登！依個就係我講嘅安排啦！」英叔突然站起說

「英叔…你做咩叫佢嚟啊？？」啊武跟英叔打了個眼色

「哎呀！啊妍女同我講話佢煮野食好叻啊嘛！咁咪叫佢上嚟煮比我試下囉」英叔笑著揮揮手說，示意啊武不要緊張

「咳嗯」這時九叔乾咳了一聲

「咩姐老野，我係見夢晞受傷之後都冇人煮好野比我地食，成日都要食外賣，所以我先搵啊妍女煮餐飯姐」英叔立刻轉向九叔說

「嗯….你下次唔好咁冇分寸」九叔嗯的一聲後沉默了數秒才說

「哎！得啦！妍女！買咗咩餸呢」英叔雙手合十搓揉

「我冇買啲咩好野啊，好普通㗎咋」智妍把手中的購物袋打開

「得㗎啦，我地好隨便㗎咋」

「我買咗條黃立䱽豉汁蒸、仲有兩斤蝦就蒜蓉開邊蒸，苦瓜牛肉仲有豆豉鯪魚油麥菜」

「嘩～啱曬老野同妹頭啲胃口啦」英叔說

「啊！同埋英叔你話你中意煎炸野，所以我都準備咗鹹魚煎肉餅」

「嘩嘩！咁有英叔心啊！乖啊」英叔拍拍智妍的頭

「英叔啊，佢唔係細路女㗎啦，你唔洗咁讚佢」啊武則說

「我中意啊！英叔唔好理佢姐！」智妍對著哥哥吐舌頭

「你個衰妹！」啊武盯著智妍，而智妍就恃著有英叔撐腰，一臉不在乎的看回啊武

「等陣，你地冇發覺啲野咩？」啊烈突然說

「咩啊？」葉尚生問

「有咩啊？」啊武也不懂

「豉汁黃立䱽、蒜蓉蒸蝦同苦瓜牛肉都係啊航最中意嘅餸嚟㗎喎」細心的啊烈發現一些端倪

「WOW～」葉尚生馬上起哄

因為劇情偏向日常唔會太刺激，所以篇文長過平時個啲

日常幾好睇

Ok嘅，但係煮餸嘅過程唔使寫吓😁

你咁講！我就寫比你上網copy

雞蛋6隻……

幾溫馨

糖呢，兩….

航仔入去幫手 之後

笑聲笑聲，滿載溫馨

蕉兄平時係屋企唔好睇咁多呢啲啦，會壞腦㗎

睇下睇下 又追完post🤭🤭

用咗幾耐時間先？