［殭屍/靈幻/鬼怪］《輪迴。道》世界重新輪迴一次之後我都係變咗做現代道士09

王奇聽到莫逆的話後是瞪一瞪了眼，有些驚訝的回頭看著莫逆

然後他在將視線掃向九叔英叔

「我冇興趣…」王奇低下頭說

莫逆也跟著王奇的線視看去，他知道王奇是在九叔英叔面前有所避忌，所以他沒有再追問

「我再搵你」莫逆輕聲的跟王奇說

「九哥英哥，今日麻煩曬你地，我走先」莫逆跟九叔英叔道個別，便瀟灑離去，而王奇則暗暗思量著莫逆剛才說的話

最後，大家都回到象山暫作休養，陳天航一回到去就把葉靈抱回床上休息

「今晚大家都辛苦曬啦….大家係到好好咁抖一晚先，聽日我再請大家食飯」將眾人都安心好後，英叔說

「我要返去陪夢晞，我聽日再嚟過」王奇的臉上毫無表情，自夢晞出事後，他整個人都變得死氣沉沉的，無精打采

「好，你返去先，睇住夢晞」九叔說

「嗯，我會」王奇回答說

「魚，你已經做得好好，唔好自己一個亂諗野」英叔追上前，搭著至王奇的肩膀說

「嗯….我盡量」王奇簡單撇下一句就頭也不回的離開了

「唉…個死仔頹到咁」英叔看到王奇的情況也不禁感嘆搖頭

叮….叮….鈴….

這時啊武的電話響起

「啊嘶….唉….」啊武看看來電顯示後就哀號一聲

「搞咩啊你，依依嘩嘩咁」英叔問啊武

「做咩啊，你比人追數啊？」葉尚生笑說

「比人追數？我可以幫你喎」啊烈也半開玩笑的說

「嗯？」九叔低嗚一下，把頭微微轉向啊烈的方向

「呃….冇，我幫你唔到，你食自己啦」啊烈看懂九叔的意思，馬上改口

「痴線㗎咩！我點會爭人錢！係我啊妹又打嚟….點答佢啊大佬」啊武用手掩著面，不知所措

「我答」陳天航一手搶過電話

「喂！…..」啊武想叫也趕不了

「喂」陳天航接聽電話

「喂…喂？你係邊個？我啊哥呢？」啊武妹妹聽出聲音不是自己兄長就問

「我係佢朋友，佢暫時有事，依幾日都返唔到屋企」陳天航說

「你到底係邊個？你係咪捉咗我啊哥！？」啊武妹妹追問

「建議你睇少啲電視，再見」陳天航說完後就直接掛斷電話，並將電話關了機

「嗱，一了百了」陳天航事後把電話遞回給啊武

「呃….我有不祥嘅預感」啊武臉上掛上了擔憂

「哎啊，得㗎啦，應該冇事㗎啦，你都咁大個人都仲怕個妹擔心」啊烈也加入說服啊武的行列

「唉….係嘅」啊武看到兩位兄弟都這樣說，也不好再說什麼，只好先點頭認同

……..

之後兩日大家都好好休養，身體都勉強叫作回復不少

「妹頭啊，你今次又要多謝𡃁仔啦，又係佢救咗你」英叔跟葉靈說

「嗯…..」葉靈聽到英叔的話後無奈看一看陳天航

「唓！我又冇叫佢救我！」然後她竟跟陳天航異口同聲的說出這句

「…….」葉靈驚訝的看著陳天航

「我記得…你唔係第一次講依句」陳天航說

「應記個啲唔記….」葉靈唸罵一句

「wow ～你兩個夾到呢，叻仔啊𡃁仔」而英叔又再加一句，令本就曖昧的氣氛再徒添一點

但就正當大家都放鬆一下心情時，九叔家的門鐘響起了

叮噹！！

啪！啪！啪！！隨後就是一陣急促的拍門聲

「開門！」

「咩料啊」英叔低聲問眾人

「唔知喎」眾人也是疑惑，大家都半蹲下的姿態，生怕門外有什麼突然襲擊

「喂武仔，真係唔係你比人追數？」英叔再低聲問啊武

「都話冇啊」啊武無奈的說

啪！啪！啪！拍門聲再次響起，這次令大家更為緊張

嘩有文！推下先

唔係幾記得前文了

喂，我知我隔咁耐出文係我衰仔

推啊！！

而這時九叔亦從房內出來

「咩情況？」九叔問

「我地都唔知咩事」眾人說

「唔知會唔會係個班荗利嚟咗」英叔想把九叔拉低一起半蹲

但卻被九叔一手揈開

「你地覺得佢地要嚟係會撳門鐘？？」九叔一臉無奈的問眾人

「呃……」眾人頓時被問得無言以對

「靈，去開門」九叔命令葉靈

「係」葉靈聽令行事，迅速的就前往開門

啪！啪！啪！而拍門仍在持續

咔咯！葉靈把門一打開，一手掌就正往她面門拍來，她一手捉住那警員的手

「有咩幫到你」葉靈問她

「呃….做咩咁耐先開門啊！」那警員問葉靈

「你地晨早流流就上嚟，我地一定要醒住等你地嚟？」葉靈反問他

「放手先！你唔好咁串喎」警員把葉靈的手揈開

「喂！你唔好郁手郁腳啊」眾人見狀立刻上前發聲

「嘩，原來咁多人係到」另一名站在後方的警員說

「不如你地話比我地聽，你地嚟做咩，我地有咩幫到你」九叔也忍不住說

「嘩嘩嘩，咩事一早咁熱鬧啊」這時不遠方又一把聲音響起

是陳一…..而且身後還跟著一大伙人馬

「原來係陳sir 」啊烈臉上立刻掛起了一個假笑

「我一早都話咗你地係蛇鼠一窩㗎啦，之前仲同我扮曬野」陳一叉腰說

「陳警官，你介唔介意同我地解釋一下你地今日嚟係咩事？如果冇野幫到你地，我就閂門」九叔接上話

「冇咩特別嘅，係有報案話你地涉嫌綁架，啲伙記查到李梓武電話嘅定位係依到，咁啱之前我周圍講過只要關你地事嘅案都要同我講聲，所以我咪嚟八掛下」陳一得戚的說

「嘩，依個人個樣咁狗嘅」葉尚生故事壓低聲線說道

「佢係咁，仲要係食屎個隻嚟」啊烈玩味的笑說

「哦～原來係食屎狗」葉尚生當然也跟著配合

雖說二人都不是大聲的說話，但聲浪其實都足以陳一聽到

「你地講咩啊？！」陳一怒說

「冇曬啊長官，我地廢噏下咋」葉尚生戚戚眉說

「好啦，唔好玩啊sir 啦，啊sir 就喊㗎啦」英叔表面像是調和，但大家也明白他是在揶揄陳一

「你班仆街….人嚟！同我拉曬班仆街返去！！」陳一惱羞的大喊，他身後的人馬就立刻上前把所有人都捉住了

而就是這一喊，驚動了四周的街坊，街坊們都紛紛打開家門探頭出來八卦一番

「喂！差人哥哥！你咩事幹要嚟拉佢地啊！佢地平時好好人事㗎！對婆婆好好㗎」隔壁的一名婆婆就第一個站出來為陳天航眾人說好話

「係啊！！佢地成日幫我啊媽推輪椅，推出推入㗎！你地係咪拉錯人啊！」樓上數層的一個男生也叫喊下來

「你地拉九叔做咩啊？！」

「喂！航仔！佢地係咪蝦你！」

「武仔啊！你做咩比人拉啊！咁以後邊個幫我抽餸啊陰公」

眾街坊都紛紛加入「戰團」，表示陳天航一行人是好人，呼籲陳一不要胡亂冤枉好人

「差人做野唔洗你地教！你地全部同我返入屋」陳一不知從何處拿出一支伸縮警棍，一下揮在那鐵制的欄杆上

鏗！！！！

欄杆與警棍相撞產生巨響把眾街坊都震懾了一下

然後事情就變得不堪設想…..

「我屌你！嚇鬼啊大笨象！」

一棵生菜隨着聲襲來，正中陳一的面門

啪咔！蛋液在陳一面上爆開

「痴撚線㗎？！邊個仆街掉嘅！」陳一用手撥開臉上的蛋液，準備尋找雞蛋的來源

但他一轉頭就迎來了一波「攻擊」，一大堆雜物向他襲來，當中有雞蛋、有生菜、蕃茄，甚至更有一個榴槤飛來

「嘩！！我屌！謀殺啊！」陳一被嚇得貼緊牆壁而站

幸好，那榴槤並沒有擊中任何人

做咩事

啲文到喉唔到肺 想你加更

加更我唔敢講我而家目標淨係想變返日更咋

小心方丈份人好小氣㗎，你竟然出到榴槤

支持呀月巴。。我07放慢拍睇都就睇完啦

我本來係有諗住玩小李飛刀㗎，已經留咗手㗎啦

小李吖，出飛刀

做緊gym 篇文打咗大半，希望今晚出到文

gym? 唔出飛刀出啞鈴

係做完就打埋篇文

一個廿k 啞鈴車埋去

「陳sir ！！我地都係快啲走啦！」一名警員抵不住雜菜的攻擊就說

「係囉！陳sir ！！好漢不吃眼前虧啊！！」

另一名警員看有人出聲，所以自己也加把嘴說

「呃…好！走！走！走！」陳一也怕會再有一波攻擊，所以便命令手下急急快逃

陳一手下聽令押著陳天航一行人回到警局

…….

啪！！

「講！你地係咪綁架啊！！」一名警員拍枱吼說

「啊sir ，我都講咗㗎啦，我地同你地口中所講嘅肉參嘻嘻哈哈咁一齊比你地拉返嚟嘅，你覺得我地有冇可能係綁架佢啊？」被審問的英叔反問警員

啪！！

「依家係我問你問題啊！」那警員又再一次拍枱

「啊sir 你咁樣拍枱我會好驚㗎」英叔笑說

「你係咪玩野啊！！」那警員指著英叔說

「我點敢啊，你比個膽我我都唔敢同啊sir 你地玩野啦」英叔身體靠後，靠著椅背，態度輕浮的回答

而另一邊廂，其他人也正接受盤問，但結果也是同樣問不出什麼來，而且啊武，亦即是「被綁架」的當事人也聲稱並無此事

所以那些警察也沒能再做些什麼，只好放人

「依家暫時放你地先，如果我地有咩需要或者有咩新嘅證據會再請你地返嚟協助調查，明唔明白！」

「得啦，知㗎啦，你地都唔會有啲咩新嘅證據㗎啦，當事人都話冇啲咁嘅事，你地仲可以做啲咩？」又是英叔反駁他們

「你…」警員被反駁得無話可說

「咁我地就走先啦啊sir 」英叔故意回頭跟警局內的警員揮手道別

「喂，英叔平時點教你地㗎？仲唔快啲同啊Sir講拜拜？」英叔望回眾人說

「哦！係嘅，拜拜長官！」眾人異口同聲的說，當然其中有葉靈和九叔不配合

「玩夠啦，返去」九叔為免英叔玩得太過火，就開聲說

「係！」

而就在這時！一身影突跑到啊武面前

「哥！！你冇事啊嘛」

「妹？！」啊武被妹妹的突然出現嚇了一跳

「你塊面做咩會傷成咁㗎？！係咪佢地搞到你咁㗎？！唔洗驚啊 我已經同警察講曬，話佢地綁架你唔比你走」啊武的妹妹說這句話時故意盯了眾人一眼

「哦～原來係你報警拉我地嘅」英叔伸出食指指著啊武妹妹

「係啊！咁點啊！一定就係你地捉住我啊哥，仲搞到佢傷成咁」啊武妹妹再說

「我係電話都叫咗你唔好睇咁多電視、咁多幻想」這時曾跟她說過電話的陳天航說

「係啊！我認得你把聲啊！就係你…」啊武妹妹邊說邊回頭

「嘩….」而就在她回頭看到說話的陳天航時，嘴巴頓時合不上了，口水都快要流下

「妹，你嘩咩啊？」啊武不解的問

「冇…冇啊，哥..佢叫咩名啊」啊武妹妹問啊武

「佢？做咩啊？」啊武沒直接回答

「我叫陳天航」陳天航聽到啊武妹妹的問題，所以自己回答

「呃…..嗯」啊武妹妹尷尬的點了點頭

「呃….雖然有啲尷尬，但係都介紹下先，大家依個就係我個妹——李智妍」

「哈….大家好…哈」智妍尷尬的跟大家打招呼

「你地覺唔覺啊武個妹一見到啊航就成個人唔同曬？」啊烈先裝作蹺起手，然後再用一隻手掩著嘴巴說

「嘩，咁明顯，好難睇唔出喎」葉尚生也附和的說

終於出到深宵文

希望咁次唔好慘死

嘩居然仲記得？！係第一季頭兩集嘅劇情

有睇

唔通係重睇？！

推下文先