[殭屍/靈幻/鬼怪]《輪迴。道》世界重新輪迴一次之後我都係變咗做現代道士09

1001 回覆
24 Like 2 Dislike
2022-08-01 20:50:41
食飯先一陣睇下打唔打到多一段,今日依篇仲有嘢想講
2022-08-01 22:52:51
我當你讚我㗎啦
2022-08-02 00:47:08
2022-08-03 20:46:38
說著說著莫盡用手擦去眼角邊的淚水

「啊嫂…前啊嫂咁大鑊?!」

「嗯….」莫盡無奈點頭

「咁…依家….」

「唉…即係我冇得揀啦….一定要繼續合作」莫盡無可奈何之下決定

「咁…佢地….辛苦你啦盡哥」莫逆也不知可說甚麼,只好拍拍莫盡作以支持

「係我欠咗佢地兩母女嘅…..」莫盡身體傾前,雙手按在面上

「其實你欠佢地啲咩姐…..當初係啊嫂….」莫逆似是有話要說

「夠啦!」莫盡轉頭怒盯著莫逆,讓他不要再說下去

「……..」莫逆也不敢違抗莫盡的命令

「逆啊,我想自己一個諗下野,你返去先,有咩我會再同你講」莫盡揮揮手讓莫逆先走,然後便閉起了雙目休息

「……咁盡哥你有咩就同我講啦」

「嗯….你返去啦」

莫逆離去後,莫盡足足沉思了一晚,一直坐在原位不吃不喝

終於,他決定要致電給段天

「段生,有啲野我想同你傾傾」

「好~冇問題啊~不過我依家開緊會,介唔介意晏少少?」

「好,我等你覆我」

「好~咁我一陣叫習維搵你」

「一陣見」

「一陣見~」

電話掛斷,莫盡沒有呆等習維回覆,他梳洗一番後就直接出發到段天的公司

途中更發了個短訊給凱祺

「乖女,你放心,老豆今日就會搵到辦法,等我」

…………

先讓鏡頭回到我們這一邊

這段時間,啊仁和啊晴已由朋友進一步成為了情侶

他們那熱戀的程度可不是說笑….

「喂~晴晴啊,我依家係九叔到練緊野啊~唔方便講住啊」啊仁拿著手機站到一旁跟啊晴說話,他自以爲這樣我們就聽不到

但實質是,我們都聽得很清楚,應該說是連隔壁聾婆都快聽到

「喂….大佬…搞唔掂,真係好骨痹」啊烈額前滴著汗的望住啊仁

「當初我同洛兒都好似冇咁誇張…..」我當然是跟啊烈同款的表情,聽到啊仁這樣說話的語調,我的毛管全都豎起

連九叔英叔也沒法看下去,選擇無視他

但就唯獨啊武覺得沒有問題

「算啦,難得啊仁咁開心,我地做兄弟嘅緊係要包容下佢啦」啊武就是一個這麼大愛的人

「嗯….係嘅,佢終於都有拖拍,係幾值得開心嘅」啊烈聽啊武說完後只能無奈認同

「講就係咁講嘅….不過….唉!唔鬼理佢啦,我地練野!」我決定跟九叔英叔一樣,不理會就可以了

「好啦~我要練野啦,唔係就比人鬧㗎啦,拜拜啦晴B~mua~」突然啊仁那邊傳來了一句

「我頂你個肺!!」我聽到這句就真的忍不住啦

「豈有此理!!」啊烈跟我同步起了反應

「你老味!真係忍無可忍!!」我、烈二人同時衝向了啊仁

「喂!喂!喂!大佬!做咩啊!!!」後知後覺的啊仁直至我們跑到他身後才發現我們

「練野啊!!」我拔出了一把英叔為我特製的木彎刀刺向啊仁

而啊烈就同樣英叔為他特製的一把木斧,斧刃處還用了軟膠包著,減低了殺傷力

「嘩!你地玩啲咁嘅野?!」啊仁情急放下了電話,把右手伸出

咻!!他的桃木劍便自動飛往到手上
2022-08-06 02:40:49
兩日冇
2022-08-06 08:12:11
2022-08-06 14:47:30
依兩日收工都幫朋友搬屋砌傢私,搞到冇時間打文,放心啦!今晚會有㗎啦
2022-08-06 19:28:01
啊仁的靈力控制經已比我們任何人都好,他已接近可以將武器控制自如

他手拿到劍後第一時間先格擋住啊烈的木斧,畢竟木斧的殺傷力還是比我的木刀大得多

然後他再低頭躲過我的木刀

「喂!兩位大佬!傾個電話都得罪你地?!」啊仁無辜的看著我們

「頂唔順!」

「太骨痹!」

我和啊烈一人一句的說

「咁最多我下次細聲啲囉!!唔洗偷襲我嘅!」啊仁表示

「冇下次!」

「殺咗佢!」

「喂!兩位大佬啊!!」啊仁果斷逃跑,他徑直的衝出門外,跑到出外面走廊

「追!」

待我和啊烈追出去後,啊仁突然停下了沒有再跑

原來是啊晴來電

「仲傾?!」我和啊烈舉起武器

「咪住!!」啊仁大聲的喝止我們

「晴你講多次!」啊仁皺起了眉,好像有事發生了,我們也放下了武器

「我….我啱啱….啱啱返到屋企發….發現爸爸唔見咗啊!」啊晴驚慌失措,已哭得口齒不清

「你爸爸唔見咗?!」啊仁重複啊晴的話,想確認自己沒有聽錯

「係…係啊…佢依排突然記性唔係咁好,成日都唔記得野,我依家….好擔心佢啊,我應該點做好啊啊仁…..」

「你….你依家落去屋企附近,去叔叔平時會去嘅地方搵下先,我帶埋我幾個兄弟即刻過嚟幫手搵」

「好啦….你快啲過嚟啊」

「得,冇問題!我好快就到!」啊仁急急的掛斷電話然後看向我們

「得啦,聽到啦」

「行啦!」

我和啊烈回到屋裏放下木製武器

「英叔!我地有事要出一出去啊!」我進屋時順便通知一下英叔他們

「哦好啊,咁你地睇下做完野買唔買埋飯過嚟食囉」英叔在房內回應我的

「好啊!」我說

「我今日有揸車」啊武亦從褲袋拿出了車鑰匙

「好兄弟!!!」啊仁像快要哭的看著我們

「行啦!仲咁多野!你未來外父等緊你啊!」我們拉著啊仁就出發

有啊武充當我們的「柴可夫」,我們好快便趕到了祈德尊新邨那邊

下車後,啊仁立刻會合了啊晴

啊晴一看到啊仁就馬上飛撲抱著他大哭

「點算啊!!我搵唔到爸爸啊!!佢依家有時連我都唔認得㗎….」啊晴邊哭邊說

「傻妹,咁點解你唔一早同我講啊」啊仁溫柔的抱著啊晴問

「我….我都唔知應該點做…」啊晴哭得像小孩子一樣,只懂不斷搖頭

「好好好,唔緊要,依家我地一齊去搵啦,好冇?」啊仁雙手搭著啊晴的肩膀,把她推到自己面前,為她擦去眼淚

「嗯….」啊晴乖巧的點頭

「好啦,咁依家我地應該點做先?」啊仁回頭望著我們

「我地可以先去依到附近有保安或者多人嘅地方搵搵,問下會唔會有人見到世伯,同埋啊嫂你send世伯張相比我地,我地可以分頭去搵」啊烈仔細分析我們應該如何行動

之後啊晴就將一張他父親的舊照片傳了給我們

「望落去張相好似好舊咁喎」啊武看著啊晴傳來的相片

「係啊…因為爸爸好耐之前開始唔中意影相,所以我冇佢嘅近期照….麻煩曬你地啦」啊晴向我們禮貌的點頭

「哎!你係啊仁女朋友,即係我地啊嫂,自己人唔洗咁客氣㗎」啊烈豪氣的說,非常符合他「義字當頭」的性格

「好啦,我地開始搵啦」啊武先行往外跑去,開始尋找啊晴的父親

「咁我同啊晴一齊搵,一個鐘頭後係返依到集合!電話聯絡」啊仁牽著啊晴也開始出發

但….一小時過後

我們完全找不到啊晴父親的影蹤….

「咁點算啊….爸爸會唔會出咗事㗎…我地係咪應該報警啊」啊晴焦慮不安

「嫂,報警都冇用,世伯失蹤嘅時間唔長,佢地唔會急住幫你搵,反而會浪費你時間係警署落案」啊烈跟啊晴說

「咁依家點算啊….」

「等陣!」我突然靈機一觸,想到了一件事情

「做咩啊?」眾人看著我

「頂!點解我地啱啱咁蠢!我地要搵人,點解唔搵葉靈幫手,佢用尋盤一定搵到嘅」

「喂!係喎!又唔早啲講!」啊仁也頓時恍然大悟一般

「又唔見你諗到?!」我反說

「都係你醒!」啊烈拍拍我

「葉靈?」啊晴一頭霧水的看著啊仁

「哦~葉靈係啊航嘅紅顏知己」啊仁極順口的說出

「喂!你再亂講野!你信唔信我打死你!」我向啊仁舉出了中指

「哎!哎!你冷靜啲!口快快講錯姐!乖!快啲幫手打比靈姐!」啊仁雙手前臂舉起,一副無辜的樣子

「咁啊仁又冇錯啊,靈姐淨係聽我地航哥講野嘅」啊烈也暗暗的笑說

「你班仆街…..」我口裏默默咒罵,手就在拿出電話準備致電葉靈

「喂,做咩啊?」葉靈對我突然致電給她感到有點奇怪

「想麻煩你幫一幫手搵個人」我簡單說出請求

「你當我工具精靈?接咗任務唔得閒」葉靈打算拒絕

「唔係啊!係啊仁女朋友個老豆走失咗,佢記性比較差,驚佢有危險!所以先咁急搵你幫手!」我趕緊在葉靈掛斷電話之前說完整件事

「……」葉靈聽到後沒作聲

沉默幾秒

「你地位置」葉靈問我

「荃灣廣場!」我馬上回答

「我就係你地附近,十分鐘到」葉靈說完後就掛斷了電話

口硬心軟她終究也是肯前來幫忙
2022-08-06 20:09:56
幾時釣蝦
2022-08-08 08:25:05
嚟!你想幾時!
2022-08-08 08:41:48
我幾時都得
2022-08-08 16:08:05
始終靈姐才是男主的正室,的確有太多出場的機會。
還有那種傲嬌的性格,有血有肉好多Z難。
2022-08-09 09:57:00
又打風
2022-08-09 17:54:13
聽日咪又係要返工
2022-08-09 17:54:30
2022-08-09 17:55:06
咁葉靈都係我自己最中意嘅女角色所以佢的確係出場次數最多
2022-08-09 17:55:28
個風都已經比力場彈走啦
2022-08-09 17:56:06
聽日8號就去釣蝦
2022-08-09 17:57:20
8號點會開啊?!
2022-08-09 17:57:59
上次8號都有開
2022-08-09 20:58:40
晏啲出文
2022-08-09 21:35:29
文呢
2022-08-09 22:24:43
「點啊?佢肯唔肯幫手啊?」啊仁看到我放下電話馬上緊張的問

「佢咁啱就係附近做緊野,依家過緊嚟,十分鐘左右到」我交代說

「嗱!係咪呢,我都話靈姐淨係聽我地航哥講㗎啦」啊烈掩嘴笑說

「仲講」我輕輕提腿踢了啊烈一腳

「B啊…邊個係葉靈啊?佢真係幫我搵到爸爸?我地依家就咁企係到唔周圍搵,我…..」啊晴偷偷的拉了啊仁衣袖一下並悄悄的說

「放心啦,葉靈係一個好叻嘅人嚟,只要佢肯幫手一定可以搵到叔叔㗎」啊仁耐心的向啊晴解釋

「好啦….」啊晴乖巧的點點頭,靜待葉靈的到來

而葉靈亦非常準時的在十分鐘就趕到過來現場

「人名」葉靈一趕到就馬上拿出了尋盤

我們所有人看著啊仁,等待他說出啊晴父親的名字,但啊仁卻尷尬的回望我們

過了兩秒

「晴啊,你爸爸叫咩名啊?」啊仁居然是不知道啊晴父親的名字

「佢..叫霍鎮海」啊晴緩緩說出

「霍鎮海?!」葉靈聽到後頓時緊皺眉頭

「靈姐,你做咩咁大反應?你識得啊晴爸爸咩?」啊仁一臉懵的問

「霍鎮海依個名….」其實不止葉靈,聽到啊晴念出她父親的名字後,我也皺起了眉,皆因這名字…..有點耳熟

「霍鎮海..好似….係…」啊武也不確定的開始說著

「係四力之首——神力霍鎮海」啊烈直接說出

在上次九叔英叔為我們解說四力往事的時候啊烈還未加入我們,但事後我們也為啊烈大概的惡補了一下這段故事

「咁你係霍蘊晴?!」葉靈問啊晴

「係啊…做咩啊」本已驚惶失措的啊晴被葉靈的凌厲氣場逼一逼更是驚恐

「呃….靈姐啊,有咩事慢慢講啊」連平時非常怕葉靈的啊仁不得不出聲

「葉靈,你冷靜啲先啦,做咩啊?」我上前捉著葉靈的手,把她拉後了一步

「你唔記得咗,九叔話霍蘊晴霍映東死咗㗎咩?!」葉靈就順勢退後在我耳邊說了一句

「…….」我聽到後也忍住沒發聲,只輕輕瞪大了一下眼睛

的確,我也記得九叔有說過霍蘊晴霍映東始終也是避不過一個大刧,那我們面前的這個人是誰…

「咁…你都照搵咗霍鎮海先,到時搵到佢嘅就搵個藉口帶佢地返去九叔到,問個清楚」我思考數秒後再跟葉靈說

「嗯,就咁話」葉靈同意的點點頭

「冇事,我好冷靜,依家開始幫你搵」葉靈把手上的尋盤先遞給了我,然後解下了掛在頸上的黑石吊墜,開始始揮動

「祖師在上,弟子葉靈欲尋道法弟子霍鎮海,求指迷津」

隨著黑石的揮動,尋盤好便指出了一個方向

「依邊」葉靈跟著指針帶路

「仁啊,佢咁樣係咪真係搵到爸爸㗎?」啊晴看著葉靈手上的尋盤覺得不解

「得㗎!你唔信佢都信我!一定搵到」啊仁就很堅定的跟啊晴說

「嗯…我信你」啊晴弱弱的點頭

「霍蘊晴點會唔識尋盤係咩,佢啊媽係東道高手」葉靈繼續悄悄的跟我說話

「你唔記得九叔話霍蘊晴係佢啊媽出事大病一場之後失咗憶咩?」對於這一點我反而又記得清楚

「嗯…..」葉靈輕點頭,表情甚是無奈

尋盤的指針帶著我們走進了荃灣廣場的內部

「爸爸佢係依到?我地啱啱都搵過」啊晴用類似自言自語的聲量說了一句

「唔信嘅,可以自己繼續出去搵」耳朵靈光的葉靈面無表情的在前方回了一句

「呃……」啊仁感覺自己處於兩難的局面

「靈姐啊….其實啊晴冇惡意㗎,佢都係想講下啱啱搵過咋」啊仁主動上前跟葉靈說

「嗯,我都冇惡意,我純粹想同佢講唔信就出去搵姐」葉靈正眼都沒有看一看啊仁,只顧著看尋盤
2022-08-09 22:24:53
出咗啦
2022-08-10 11:32:29
靈姐就是有霸氣!
連靈姐都唔信,你食屎啦!HAHAHA
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞