［殭屍/靈幻/鬼怪］《輪迴。道》世界重新輪迴一次之後我都係變咗做現代道士09

出文算快

完全冇冷場，兩年黎日日追，雖然成日唔夠喉

所以樓豬要出多啲文

「即刻走！！」霍鎮海對著啊晴大叫

「爸爸……」啊晴又驚又喜的看著霍鎮海

驚是不知自己走了之後誰來照顧「父親」，喜是「父親」救了自己，證明自己在他眼中起碼佔有一席位

「走！！」霍鎮海推開九叔，視力受損的九叔撞到雜物堆上跌低，方向感全無，一時起不了身，然後霍鎮海再飛撲將英叔拉開

只剩下刀瘋一個掣肘！

「嗚啊！」啊晴出抓抓向壓著自己的刀瘋

刀瘋吃痛鬆手，跟啊晴拉開了兩個身位，然後他伏身貼地，一手按著地，一手握著彎刀

「嘻～你同佢到底有咩關係」刀瘋執意追問啊晴跟紅眼人的關係

「我根本唔知道你係到講咩」啊晴說

「哈～咁你就再冇利用價值啦」刀瘋邪魅一笑後按著地的那手就發力一推，準備向啊晴撲去

但才剛向前了一點後就突然被拉後，更撞向了英叔的方向

是霍鎮海

英叔已被他用法給鎖住了，動彈不得

「走！」霍鎮海再次命令啊晴馬上離開

「……」啊晴定晴的再看看父親一眼，就飛奔離去

「霍大哥…..我諗你要比個….交代我地….嗄….」九叔艱辛的爬起，但好快又再跪下

只見他不斷喘氣，手按胸口，像是呼吸困難

「嗯嗚@$%¥&！！」被法鎖住的英叔連話也說不出

霍鎮海看看門口，想想啊晴應已走遠，便對著英叔揮了揮手指，把他解開了

纏在英叔身上的「氣鏈」解開，英叔重獲自由

「嗄…..霍老大，我諗真係要一個交代，你啱啱放走咗隻怪物」連英叔也這樣說

「我…冇野好講….係我欠咗佢嘅」霍鎮海羞愧的說

「你….你…..」

嘭！………

剛起來的九叔倒下了

「喂！老野！」英叔頓感不妙，飛快的衝上前看看九叔情況

「喂老野！醒下啊！」英叔搖晃九叔，但全無反應

他將兩指放到九叔的頸動脈上

「九哥點啊」刀瘋也退還了身體給徐峰

「佢脈搏好弱」

「送佢去醫院先，我地有咩遲啲再講」霍鎮海說

「嗯…..」英叔也只能點頭

在等救護車到來的時間英叔也將啊晴逃逸、九叔暈倒的事告知了啊武他們，讓他們也趕去醫院會合

而禍不單行，九叔送醫院的期間，英叔的電話響起了

是啊武通知他，我的情況不樂觀，身體多個器官都有衰竭的跡象，很有可能捱不到今晚

「點解會搞成咁…..嗯…我知道啦，一陣醫院見」英叔接聽電話後，心裏極為崩潰，但現時也只能強忍於心

此時醫院裏

「點解會咁㗎醫生！！冇可能㗎！」啊姨知道我的情況後傷痛嚎哭

「醫生會唔會搞錯咗啊？我姨甥只不過係比人撞咗一下，點會咁嚴重啊」姨丈身為一家之主只能充當起硬朗及理智的角色

「唔好意思….我地都盡咗力，病人受傷嘅地方我地都已經處理好，但突然佢所有嘅內臟都開始有衰竭嘅跡象，醫院冇咁多器官可以私值，以病人依家嘅情況…..冇可能等到，所以….節哀順變」醫生也無力處理，只能愧疚的離開

「你地不如入去陪下佢？」一名護士跟啊姨他們說

「老婆….唔好喊啦，我地入去陪下佢啦」姨丈摟著啊姨的肩膀說

「嗚…..」但啊姨卻哭成了淚人，留不了情緒

「姨姨啊….我地唔好喊啦，我諗肥仔都唔會想見到我地咁樣，我地洗個面就入去陪佢」一直陪著啊姨的洛兒也忍著自己的眼淚，安慰起啊姨

「傻女…..明明你自己都咁唔開心，都仲安慰姨姨，你真係好乖，我地啊航識到你真係佢嘅福份….好，我地去洗個面」啊姨牽著洛兒準去洗面

就在她們一轉身之際就剛好遇上趕來的啊烈和葉靈

嘩！！評價咁好！我巧感動！！

會㗎啦！打文！

正
轉折黎了

可能就係男主角死！大結局！！！！！！

而啊武和啊仁不在是因為啊仁一直在擾攘著要回去救啊晴，一怒之下，啊武直接出手把他打暈了

現在啊武負責看著啊仁，所以他倆沒有跟來

「Auntie …..」葉靈和啊烈向啊姨點頭

「我地去洗個面先，轉頭一齊入去睇啊航啦」啊姨神情暗淡的說

而這時，洛兒突然鬆開了啊姨的手

「姨姨啊，唔好意思，你介唔介意去廁所等我，我有啲野想同佢地講」

然後走到葉靈面前

「姨姨同我講咗….肥仔又係因為救你先會出事」洛兒目無表情的看著葉靈

「係」葉靈點頭承認

「上次係咁今次又係咁，每次都關你事…..」洛兒將我受傷的責任全推給了葉靈

「呃…..洛兒啊，唔係你諗咁樣㗎，啊航佢…」啊烈想充當二人的「和事佬」，但洛兒明顯沒打算聽他的意思

「肥仔今晚有咩事，我會憎你一世」洛兒說下一句狠話就走開了

「呃….洛…你….唉…….」連平時腦筋快的啊烈也不知所措

「憎我一世……哈」葉靈目光呆滯的望著地面，冷笑的一聲

別看葉靈表面平靜，內心其實受盡愧疚煎熬，而且她剛才已被自己是神力怪力的女兒這消息震撼了一次

整個人心力交瘁，已作不出什麼反應

「靈姐….唔好將洛兒講嘅野放係心上，佢都係諗唔開先會咁講」啊烈也不想二人關係弄得太僵

「嗯，我明」葉靈強忍心中波瀾，輕輕點頭

之後啊姨和洛兒進來了我的病房，啊烈和葉靈就在外守候

「啊姨…..」我虛弱的想伸手觸摸面前那兩個對我最為重要的女人，但奈何我已經再無力氣

洛兒懂我，她牽著啊姨的手來主動捉著我

「衰仔….你瞓醒就好返屋企啦，知唔知啊」啊姨捉著我的手不斷的掃我手背

「哈….我今次瞓個晏教會瞓好耐㗎，你唔好鬧我啊…..」

「傻仔…啊姨唔鬧你，啊姨點捨得鬧你」啊姨的眼淚開始忍不住流下了，她轉身抱著姨丈無聲的哭泣

「姨丈…..你要幫我好好睇住啊姨啊」

「放心，我會，但你都要幫手㗎，如果唔係我養咗你咁多年，我咪好蝕底？」姨丈強忍淚水，硬笑著說

「咁你..蝕硬啦」我笑說

然後就是要跟洛兒….作最後的道別了，一個我喜歡了十年的女孩，一個喜歡了我十年的女孩….

「Hey….肥仔」洛兒依舊用著那甜甜的笑容看著，不同的是今次她的眼睛比較紅潤

「Hey…..傻婆，咳咳咳」我弱弱的一笑，但好快就被咳嗽覆蓋了笑容

「你話邊個傻啊！」洛兒出手拍打了我一下，這一下她用的氣力比以往的都要輕，但卻是我感覺到最痛的一下

「喂….痛啊」我說

「你都知痛㗎咩，成日逞英雄，亂咁幫人…..你有冇諗過後果㗎，我點啊，姨姨點啊！你個衰人！！！」洛兒說著說著就淚流滿面的軟跪在我的床邊

啊姨也哭得虛脫，要姨丈扶著

「你地….唔好咁啦，我只不過…..係好攰好攰…好想瞓…」

「唔好….唔好瞓啊，肥仔！！」

嗶———！

「肥仔！！！」

「嗚！！衰仔！！！」

「點算啊老公！！我落到去點同家姐交代！！」

咔！砰！！在外等著的啊武葉靈聽到大喊聲便緊張的衝了進來

「啊航……」啊武看著我的病床呆住了

「……..」葉靈則靠著牆身，不斷的搖頭

然後獨自跑走了

啊航醒下呀～ 樓主醒下呀～ 唔好諗住咁樣就揼低班讀者走咗去呀～ 醒下呀～

呀航會返黎架

聽日返工

我啱啱先見到自己打錯名

《第三者視覺》


陳天航，死了

「喂….英叔」啊烈撥通了英叔的電話

「點啊！武仔！我啱啱到醫院，睇埋老野咩情況我就過嚟㗎啦，你個邊點啊？」英叔剛剛跟隨救護車到達醫院

「啊航佢….啱啱走咗啦」啊烈黯然地說出陳天航的死訴

「……..」英叔沉默

幾秒過後

「好….我知道啦，我轉頭過嚟」說畢，英叔便掛斷電話，他看著躺在病床上的九叔

「老野….啊航已經走咗啦，求神拜佛，你唔好有事」英叔雙手捉著病床的扶手，扶手都快被他握得變形

「先生，唔好意思啊，個扶手就爛啦」一位護士看見就制止

「呃….唔好意思」英叔這才知道自己失神了

好快，就有護士和醫生來把九叔推進了急症室的病房裏

「你係病人親屬？」護士問

「呃…我係佢契大佬」英叔想了想回答

「咁你係出面等，有咩我地會通知你㗎啦」

「唔該曬你姑娘」

咻！！護士拉上圍幕，醫生開始為九叔搶救，剩下英叔在外等候

不過沒多久，就有一群人來到了英叔的身旁

是啊武、啊仁、啊烈、夢晞、王奇還有緩緩跟在後方的徐峰和霍鎮海

徐峰不敢讓霍鎮海跟啊武他們有太近的接觸，畢竟陳天航是因為他才受傷離世的

徐峰怕啊武一行人會對霍鎮海的存在有所情緒

而王奇夫婦是聽到消息後馬上趕來，然後剛好在往急症室的路上碰上了眾人

「英叔….」最先知道陳天航死訴的啊烈眼眶浪著淚的站到英叔旁邊

「你地….」英叔愕然發現身後多了一群人

「啊航佢….」啊烈默默流下了男兒淚

英叔上前擁抱著啊烈

「冇事，我地男人老狗唔好喊！𡃁仔只係比你地快一步去咗第二個地方修練姐」英叔用力抱緊啊烈，其實他自己的內心也是疼痛萬分

「點會估到…..個衰人咁就走咗去，佢明明仲話要做我細路嘅契爺」夢晞也忍不住淚水，將頭悶到王奇的胸口上，放聲哭了起來

「咁九叔依家點啊？」王奇心疼的抱緊夢晞，然後再問

英叔放開懷中的啊烈

「未知，醫生都係啱啱推佢入去，佢話有消息會同我講」

而就在眾人都在留意九叔的狀況時，霍鎮海悄悄的離開了人群

他在醫院裏遊走，像在尋找什麼

不過以他的能力好快便找到他要找的地方

他要找的地方就是——陳天航的病房

叩！叩！

他敲響房門，洛兒和天航啊姨還在病房裏抱著陳天航的遺體，不捨離去

他步進了病房

天航姨丈第一個留意到霍鎮海的出現

「你係？」天航姨丈問他

「嘶….你係邊個？」哭得淚流滿面的啊姨這時也回頭望向霍鎮海，洛兒也是

「定魂安魄，眠」霍鎮海唸出一句咒語，並伸出一隻手指輕輕一揮

在場的三人馬上進入了昏睡狀態

「好好瞓一教，希望你地瞓醒會….重拾希望」

他再向病房大門封上層結界，讓外面的人進不來

之後，霍鎮海慢步走到陳天航的遺體旁邊

「你就係保護我個女嘅人…..」霍鎮海這時回復了清醒，知道葉靈才是他的女兒，並記得自己是打傷陳天航的人

「返唔返到嚟….就靠你自己造化啦」霍鎮海伸出一手，放到陳天航的額前

「靈灌凡體，天魂續命」他手發金光，口中唸著古咒

陳天航的遺體一瞬被金光籠罩著

咔！咔！咔！

突然！門外有人扭動門鎖

「裏面發生咩事啊？我地係嚟推走陳天航嘅遺體㗎」是醫院的職員

「靈灌凡體，天魂續命」霍鎖海不慌不忙的繼續唸著咒

啲靈力係咪過埋比佢

咁應該變全故第一高手唔洗打啦

咁係米可吟九字真言出龍神呀？
唔係, 個個係馬氏一家喎！
主角應該有必殺技吧？！

無師自通：加騰鷹爪功，搞到洛兒葉靈夢晞全部

咁淫邪？！

又好似真係到依家都冇比過絕招男主角佢地

九叔同英叔就有！不過用完會扣自己血

四日睇曬所有
十方幾時出黎呀 葉尚生會唔會就係十方
烈兄同十方好型好型
樓豬好掂

四日？！
第一季真係有咁短咩？！！！

不過多謝你中意睇同支持！

日睇夜睇
十方出黎未呀月巴

啪！啪！啪！

「唔該！裏面係咪有人啊？」職員緊張的拍門喊問

「唔好理啦！撞門入去啦！」另一名職員說

「下！？好大鑊㗎喎」

「我地唔入去，佢地係裏面睇唔開自殺嘅話，我地仲大鑊啊！」

「呃….你都啱，咁…咁撞啦！」

「1！2！3！」

啪！！！病房門被撞開

內裏除了陳天航，和靠著病床昏睡了的三人外，空無一人

「喂？！佢地真係死咗啊？」

「唔係啊….佢地瞓咗咋…..」

「喂，喂，小姐、太太、先生，你地起身啦」

職員拍醒三人

「嗯…點解….」洛兒睡醒後好像忘了霍鎖海來過的事

「點會瞓咗㗎….」天航啊姨和姨丈也是同樣

「呃…..唔好意思啊，我地係嚟推走死者去殮房㗎，請你地去辦理手續」職員將陳天航的遺體抬到另一張床上，準備推走

「肥仔……」洛兒伸手拉著那床

「呃….小姐」職員嚇了一跳

「洛兒啊…..你比個衰仔安心走啦…你咁樣，佢走都走得唔安樂」啊姨強忍不捨拉開了洛兒的手，讓醫院職員把陳天航推走

下層的急症室內，九叔已完成了搶救手術，被送去了普通病房

醫生說九叔的情況大概是，有毒氣入侵身體，導致心臟病發作，而雙眼亦因被毒氣所傷而暫時失明，要接受長時間治療

「……..唔該你醫生」英叔跟醫生道謝後轉身再跟啊武他們交代

眾人接收到資訊後都沉默，只有徐峰注意力不在此

他終於發現身後的霍鎮海不見了蹤影，但當他正打算轉身尋找時霍鎮海就慢步回到他的身邊

「霍大哥你去咗邊啊？」

「冇，去咗個廁所姐」不知霍鎮海為何隱瞞離開的事實

「哦…好」徐峰不知情的只好點頭

………..

而與此同時….

啊晴逃離九叔的家後就一直跑一直跑，跑到由象山通往梨木樹的一條山路

這裏氣氛極為陰森詭異，夜間沒有街燈照亮，只有淡淡月光令人勉強可以看到前方的路

而這條山路右邊是一幅長滿了青苔的石牆，有些地方更被人刮走，寫成了一句「喃嘸阿彌陀佛」

左邊的山坡就擺滿了一堆破碎了的佛像

「依到邊到嚟㗎….」啊晴的情緒已回復，不再像剛剛一樣發瘋

咔….咔……咔….山坡上傳來陣陣怪聲

啊晴聽到怪聲感到害怕便不理太多，加快腳步就往山路更深處走進

沙！！沙！！山坡上的草堆發出被踐踏的聲響

啊晴慌張的望去聲響位置，並無發現，當她一看回前方

「嗚嘶！！」一隻色餓鬼突然出現在她面前

「嘩！！」啊晴被嚇怕，往後倒下

「咩嚟㗎？！」啊晴望著前方那色餓鬼嘔心的巨舌

「哈哈哈！！一個女仔咁夜行山路～好危險㗎！！嘻嘻！！！」色餓鬼顧名思義就是生前是極為好色的人死後幻化而成的

專對女生下手，就像之前陳天航巧救夢晞那次一樣

「你唔好嚟埋啊！！！！」啊晴用手捉住了色餓鬼那黏笠的舌頭，但卻無阻色餓鬼雙手對她的「襲擊」，色餓色開始對啊晴毛手毛腳

突然！！色餓鬼突然慘叫

「呃！！！！」

色餓鬼被人從後拉住頭髮，將他拉後

「本力在此，游魂野鬼膽敢放肆！」一男子的身影站在了色餓鬼的身後，但周遭環境實在過於昏暗，啊晴無法看清那人是誰

咔！！噗滋！！！！

色餓鬼的整個頭顱被那人拉斷，身首分離

「你…..你係邊個啊」已被嚇得失神的啊晴問

「契女，係我啊」