［殭屍/靈幻/鬼怪］《輪迴。道》世界重新輪迴一次之後我都係變咗做現代道士09

睇完波就推

原來我回錯

所以我都冇出聲

兩碗細牛腩河呢
(有碗比我拎左去賭)

仲有兩日
買定3碗準備賠啦 ！

我賭1碗 同埋係你個碗

賠率王呢

我是來追文的

有㗎今晚有文

「重點唔係佢，係你師父本應係地獄嘅魂魄唔見咗」

「下？！咁知唔知去咗邊？！」祝融裝作驚訝，但實情就是自己把人藏起來的

「未知，我已經暗地裏派暗影軍搜索曬成個天庭同地府，但都係冇發現」

「咁….」祝融裝作思考

「所以我懷疑呢件事同判官失蹤有關」

「嗯….我會處理」祝融一臉嚴肅的樣子，但根本就是口是心非

「好，記得依件事切勿張揚，判官嘅事我會對外講係我派佢去執行任務，所以暫時離職」

「好，冇問題」

二人的對話就此終結，玉帝也不帶懷疑的離開了兜率宮

等玉帝走遠後，祝融回到煉丹房之中，解除了隱藏我的法術

「呼…..師父，你話一介凡人，居然可以用靈力強行復活一個人，成何體統」祝融坐在地上，看著我，雙腳搖搖晃晃的，就像小孩子上體育課時坐在地上看著老師一樣

「嗄….你講緊霍鎮海…？」我意識已模糊

「師父原來你識佢」祝融雙眼像發光一般看著我

「你..想做咩啊….」我問他

「我想你幫我拎啲野」

我眼前一黑….

…………

「死仔，你都係時候交代下你支野係邊到搵返嚟啦」英叔說的就是葉尚生手上的那支畫龍戟

「嗯….嚴格嚟講，我都唔知佢係邊到嚟嘅…

前排，我冇再停留係泰國，我返咗去台灣，但都係做醫生，咁有一日我係手術室做做下手術個陣，突然間感覺背後有道光

我擰轉頭望過去，就發現依把嘢係半空浮下浮下，但我再望下其他人，佢地好似都見唔到咁

所以當下我都冇理佢，直至我做完手術之後佢都仲係到，我先至慢慢行過去，當我掂一掂依把野，佢就好似液體由我手臂開始融入我身體」

「即係你自己都唔知依支野嘅底世？」英叔問

「唔知㗎，我依家淨係識叫佢出嚟同收返埋佢咋」葉尚生搖頭表示

「唔怪得佢發揮唔到十成威力啦」

「十成威力？」

「你拎你支野出嚟啊」英叔突然一說

「依句冇問題….但又好似好有問題咁」葉尚生聽得皺起了眉頭

「拎啦！！死仔！咁多野講！」英叔一拳打在葉尚生的胸口上

「嘩嘶….拎囉，打我做乜鬼姐」葉尚生怒盯英叔

噠！葉尚生彈一彈指，他頭頂上就出現了個圓形結界，畫龍戟就從結界裏掉下，葉尚生準確的將它接著

「你揮嚟睇下」英叔叫他

「下，依家？」葉尚生也感詫異

「係啊，快啲啦！」英叔催促他

「哦…好啦…」

陳天航他們為葉尚生搬開家中的雜物，讓他有足夠的位置

搬好後，葉尚生拿著龍戟順暢的揮舞起來，動作之流暢就有如行雲流水

「真係唔得呢」英叔卻不太叫好

「英叔，咁都唔得？啲動作又快又靚喎」啊烈第一個提出意見

「我都係咁覺得，動作之間簡直毫無破綻，真係對打起上嚟，我應該避唔到….」啊武也認為葉尚生功夫了得

「唔係動作嘅問題….呃…點講呢英叔苦惱的想卻應怎表達

「做唔到人器合一」而九叔就在這時說出重點

「啊！係啊！我就係咁嘅意思」英叔猛然點頭認同九叔的話

「人器合一？….」葉尚生聽得一臉困惑，其實不止他，另外三人也是

推！

人器合一...

做咩事

當然係諗衰嘢啦

有冇器靈

你哋唔好咁啦

咁都可以諗到衰嘢

我又返黎啦 十方終於出場
最愛十方 可唔可以再型啲呀
結界師呀救命

暫時未出現結界

今日生日，一陣同屋企人出去食飯不過應該有文出

佢上世個結界已經令我深深愛上佢

生日快樂

「你依支戟係靈器，當你個日拎出嚟個陣就已經感覺到」九叔說

「咩係靈器啊？」啊烈問

「嗱，靈器呢，顧名思義就係充滿靈氣、靈性嘅武器，傳說中係由千萬年前天地人三界大戰嘅時候，一啲戰敗嘅神遺留係人間嘅」英叔接著九叔的話說下去

「天地人三界大戰….會係一個咩畫面」啊烈這樣一說，眾人又真的進入了幻想中

畫面又真是難以想像的壯觀…..

「而且相傳靈器係有自主意識，佢會主動去搵自己認可嘅主人，如果強行用佢，會有一定嘅後果」英叔續說

「可以會有啲咩後果？」啊武認真的問

「我都唔知㗎，武仔你想知咪試下」英叔暗暗地偷笑

「生哥，可唔可以借支戟比我試下？」啊武問葉尚生

「呃….隨便拎去，但你唔洗叫我生哥㗎，叫我啊生或者啊東就得」葉尚生邊把畫龍戟遞給啊武邊說

「好，唔該」啊武用左手接過畫龍戟，並把它用手拋了一拋

「比想像中輕好多」啊武覺得不可思議的說

「我當都係咁覺得，但佢揮起上嚟又會好有力」葉尚生說

「真係？」啊武笑笑然後就揮動龍戟

但結果不似預期！

「嗯？！」鏘！！畫龍戟突然沉動的插到地上

「咩事啊？！」眾人也吃了一驚

「我都唔知啊，佢突然間變到好重」啊武自己也是一頭霧水

他嘗試伸手去把插到地上的龍戟拔起

「嗚啊！」但啊武拼盡全力，臉頰也冒起紅絲

再突然！！鏗！！

畫龍戟的戟身突然彈出四片刀刃，呈十字形的

「嘩！好彩！！」幸好啊武反應夠快把手鬆得快，不然左手也沒了

「我就知你反應快㗎啦！」在眾人也嚇得目瞪口呆時，英叔此時卻笑說

「英叔！你一早知會咁？！」啊武質問英叔

「我唔會咁，但估到唔會有好野囉！」英叔說

「….」英叔是自己師父，啊武也不好再說什麼

「好啦，玩夠啦，死仔收返埋你碌野先」英叔跟葉尚生說

「呃….你依句野聽落冇問題，但又感覺好有問題….」葉尚生聽得皺起眉頭，同時收起了畫龍戟

「生，當日你見到靈器個陣，仲有冇咩事發生？」沉默良久的九叔問

「嗯…有啊」葉尚生點頭

「當佢係我身上流動個陣，我好似進入咗一個幻象咁」葉尚生回憶起那天的事

「幻象？你見到啲咩？」九叔追問

「呃….我見到我自己長頭髮嘅，手上都係拎住依支戟，面前就有個老人家，我會叫佢做師父….畫面都好模糊，但可以隱約見到背景有一個牌匾，上面寫住好大個「無」字」

說到這裏，九叔跟英叔對望了一眼，他們心裏都想著同一樣事情

無極門！

「繼續講，仲有冇見其他野？！」英叔心急的問

「之後就係啲零碎嘅畫面，但好奇怪」

「點奇怪法啊？」

「係啲片段裏面我見到你地兩個、啊妹，仲有…」葉尚生視線掃向陳天航幾人

「仲有邊啊，快啲講啦！」

葉尚生伸出食指，指著他們的方向

「我？！」啊烈指著自己

「定我啊？」啊武也是

「唔係，係你地」葉尚生語出驚人，居然在幻象中都看見到陳天航他們

「死仔，你冇講笑啊嘛？」英叔也震驚的問他

「冇…上次係樓下情況咁混亂見到佢地都一時認唔到」葉尚生肯定自己說的是事實

「點解會咁…你事前冇見過佢地啊，就算好似你地咁講，你都係喺泰國見過𡃁仔姐，啊烈哥仔同武仔你冇理由會見到㗎」英叔一手抱胸一手托著自己的下巴

「我都唔知點解，但我幾肯定係佢地，我依稀記得有一個畫面係啊武隻右手有條好似龍嘅野」葉尚生再說出一件令眾人一呆的話

「咁真係唔會錯啦…」