月牙
2022-12-24 21:04:56
「喂啊逆,咩事要你特登嚟搵我地」英叔問莫逆
「可以得我地三個?」莫逆看看旁邊的眾人再說
「你地全部出去一陣」 九叔吩咐眾人離開
「好」葉尚生帶頭出外
「烈,你點啊」啊武到外面扶起啊烈
「我冇事….」啊烈雖然口硬,但明眼人都看得出剛才的一腳確實是傷得啊烈不輕
「嚟啦,我地落去吹下風抖下先」葉尚生說
………
「好啦,啊逆,你可以講啦,你停次嚟搵我地係因為咩事」英叔問莫逆
「係咁嘅….我知我地南陽同你地北門不嬲都唔啱,但今次我除咗你地….真係唔知搵邊個幫手好」莫逆也顯得有點難為情
「傻啦,我地識咗咁多年都唔洗計依啲咩派咩派,有咩想幫手即管出聲,你話係咪啊老野」
「嗯,我地依一輩嘅人,都差不多得返我地幾個,唔洗咁客氣,有咩事就講」畢業相識多年,九叔對莫逆也沒什麼敵意
「件事係咁嘅….前排盡哥就泊咗個好碼頭,就請咗佢做集團嘅玄學顧問」
「我地有睇新聞,前排嘅事啦,嗰個咩…咩集團」英叔就是想不起那集團的名稱
「老野你記唔記得?」英叔轉向問九叔
「冇留意」九叔搖頭
「係段氏集團」莫逆說
「又係段氏?!」英叔九叔同樣震驚,這段時間的事大部分的事都是跟段氏有關
「你地做咩咁嘅反應?」而莫逆當然不明所以
「冇….你繼續講先」英叔讓莫逆先繼續說
「佢同嗰個段氏集團合作之後,佢有同我討論過,佢覺得段氏班人有古怪」
「佢發現咗啲咩?」
「盡哥覺得佢地啲高層…全部都係殭屍」莫逆說
「依個應該唔係你今日嚟搵我地嘅原因」九叔猜測這不是莫逆的來意
「係囉~如果係普通殭屍生事,你兩兄弟應該輕鬆解決啦」英叔補說
「的確係咁,真係咩都瞞你唔到….九哥」莫逆尷尬一笑
「咁你快啲講啦」英叔催促莫逆快說
「好…件事係咁嘅…..」
莫逆跟九叔英叔交代了莫盡跟段天他們之間瓜葛,即是這段時間所發生過的事,包括莫盡為前妻而向段天屈服的事
「個死仔…即係佢為咗籌錢而幫班殭屍做野啊?」英叔說得咬牙
「重點應該唔係依個」九叔看穿莫逆
「係,問題係盡哥係一個星期前唔見咗,完全失去聯絡,連啊嫂都搵佢唔到」莫逆再說
「下?唔見咗,咁佢最後有冇講低啲咩?或者有咩線索?」英叔問
「佢失蹤打過一次電話比啊嫂,啊嫂話佢把聲好震好弱,似係受咗傷,同埋佢一次過過咗好大筆錢比我,仲send咗個錄音嚟」莫逆邊說邊拿出電話
「受咗傷….唔通佢同個幾隻殭屍反咗面?」英叔猜測說
「以莫盡嘅能力,如果佢受傷,對方都唔會好得幾多」九叔又有一番見解
然後莫逆就播出他手機中莫盡傳來的錄音,錄音的內容大概就是把錢傳給了莫逆,要莫逆好好照顧他的前妻和女兒,以及好好守著南陽
「條仔真係好似講到遺言咁….搞咩啊」英叔像是有點不祥預感那般
「咁你今次嚟搵我地係想我地幫手搵佢?」九叔開門見山問莫逆
「係!九哥,我知你地身邊個𡃁妹有東道派尋人嘅能力,我想你地幫我!唔該你你地!」莫逆擺出平常不會有的誠懇和禮貌
「哎!得啦啊逆,大家識咗咁多年,我都唔想睇住佢出事嘅」英叔說
「好,我地會商量一下對策」九叔也說
「九叔!我反對!!」這時,一直停留在門外的啊烈衝門而入
月牙
2022-12-28 20:05:34
「你做咩!」九叔指責啊烈
「九叔!係佢同嗰個莫盡害死我啊哥!我地唔可以幫佢」啊烈訴說
「一件事還一件事啊烈哥仔,我地始終係同期,唔可以唔出手」英叔苦口婆心的跟啊烈說
「英叔!佢!….」啊烈正想說話
「我決定會幫!如果你係唔想幫手,你可以唔幫」九叔卻斬釘截鐵般的先說
「……」啊烈沒說話,沉默
「啊烈算啦,九叔都好難做㗎」啊武上前把啊烈拉到自己身邊
「咁既然你地都知道咩事,爭取時間,武,你負責執好架撐;生,你幫手睇下有咩要帶;靈你準備拎尋盤出嚟」九叔開始分配工作,捉緊時間去發尋找莫盡
「好」眾人收到指示後就馬上行動
「呃….烈哥仔啊,咁你留係到睇住𡃁仔啦」英叔拍拍啊烈
「嗯….」啊烈也沒別的選擇
大概半小時後,大家都準備得差不多
「靈,係咪有方向?」九叔問
「嗯,已經有」葉靈點頭道
「咁出發啦」英叔說
「烈,咁你睇住啊航啦」啊武回頭跟啊烈說
「嗯」啊烈只單調回應
眾人出發
「老野,你真係可以?」英叔問九叔
「嗯」九叔點頭
「你睇下你同烈哥仔幾似,唔好嬲佢啦」英叔原來想當啊烈和九叔之間的「和事佬」
「我根本冇嬲佢」九叔一臉淡然的說
「咁你又叫佢唔好去?!」英叔驚訝的問
「咁佢唔想去」九叔也是簡單明瞭的回應
「哦….咁樣啊,冇事都好啊」
「啊逆啊」九叔叫向莫逆
「咩事啊九哥?」
「咁依家莫盡個前妻情況點啊?」九叔關心起莫盡的情況
「呃…如果繼續食藥同化療嘅話情況會好啲嘅,但其實醫生話咁樣都係可以拖多一年半載……」莫逆說著說著也愈漸心酸
「咁莫盡條友仔仲咁搏命搵錢?不如早啲….」英叔說到這裏也沒再說下去,大家也明瞭他的意思
「我同凱祺都有同盡哥講過….但佢又點會肯啊,佢覺得點都有希望」莫逆無奈的說
「………」
大約一小時,眾人到達了目的地——西貢
「莫盡條友仔洗唔洗走到咁遠啊」英叔站在原地雙手叉腰地說
「靈,之後嘅方向點?」九叔問葉靈
「呃….尋盤嘅指針係咁亂轉,指唔到一個方向比我」葉靈也束手無策
「即係依到嘅磁場有古怪」九叔說
「但西貢咁大,我地點搵?」久久未發聲的啊武也問
「九叔,我地不如分組去搵,單獨行事又會有危險,我地依到啱啱好雙數,兩個人一組咁去搵,如果啊妹個尋盤有咩消息就即刻同你地講」
葉尚生提出建議
「嗯,就咁樣,大家分頭行事」九叔同意葉尚生的提議
「咁點分啊?」葉尚生問
「呃….死仔,你同老野一組,武仔同妹頭一組,我同啊逆一組」英叔主動為眾人分組
其實眾人也清楚英叔這樣分組的意思,就是不放心莫逆跟其他人一組
這一點相信莫逆也看得出,他不蠢
「好啊,冇問題」但莫逆也沒說什麼,因為他也清楚知道自己南陽派的定位是怎樣
「好,咁就咁啦,大家執生啦」英叔再跟大家說一句後,大家就正式分為三隊散開了
先說說葉靈和啊武這一隊
二人沉默前行,葉靈還在專注整修尋盤,而啊武則一直想開口問葉靈問題,但不知怎開口
直至葉靈放下尋盤發現啊武的古怪
「你想問咩?」葉靈停下腳步問啊武