［殭屍/靈幻/鬼怪］《輪迴。道》世界重新輪迴一次之後我都係變咗做現代道士09

係咪估唔到一早就有

係呀你出文未

打緊今日未必有！依兩日都出咗去慶祝生日！所以打唔到文

月巴啲文要陪我走出失戀

啱啱散？

兩個禮拜仲係日日喊到傻閪咁

放心我明，第二季前段我都啱啱分手，所以有一段特別輕散

但冇事嘅！好好做自己好快就可以走出嚟㗎啦

好絕望 要嫁唔出了

頂住啊絲打天大事都有我地啊，有咩唔開心就係tg 谷講下，大家吹下水，好快就過去㗎啦

可能大把人想娶你呢

月巴好暖

必須的

「點解你地咁嘅反應？」葉尚生不明所以

「因為…..」

之後我們為葉尚生解釋啊武的狀況

「居然會有啲咁嘅事….咁即係我見到嘅可能唔係幻象…係…」

「係事實」九叔肯定的說

「老野，點解你咁肯定？」英叔問九叔

「咁樣嘅話，之前嘅所有野都會通曬」九叔說

「老野，我地就咁就下定論….會唔會太求其？」英叔少有的質疑九叔

「嗯？」九叔也疑惑的看一看英叔，然後他站起走到自己房間

「英叔你啱啱係咪judge 啊九叔？」葉尚生也帶點驚訝的看着英叔

「捽？我邊有捽佢啊？咁核突嘅野我做唔出喎死仔」英叔皺眉的說

「唔係啊！頂，我係話質疑啊！質疑！」葉尚生無奈的說

「你又係…無啦啦講咩英文」葉靈反白眼說

「咁我都唔係質疑嘅，只係想求證下姐，始終可大可小」英叔少有的認真

噠！突然九叔把「地王三世書」拋到英叔面前

「想知啊生見到嘅係咪真，查下就知，啊生見到無極門，無極門所有弟子都係姓萬」

「死仔生日係….19..」

噠、噠、噠….

英叔飛快的翻開「地王三世書」，直至到要找的那頁

「搵到啦，死仔霍映東後改葉尚生…..」英叔讀出三世書的內容

「嘩…連改咗名都有紀錄」啊烈對這本三世書的神通感到難以置信

「當然，地王三世書係由地藏王親自鑑寫」九叔說

「死仔上一世個名叫…..萬十方」英叔讀出葉尚生上輩子的名

轟隆！！屋外突然響起一記旱天雷

「真係姓萬…咁啊生見到嘅極有可能係真

你地仲記唔記得之前突然出現嗰個神祕人？」

九叔問眾人

「記得啊…我地咁多個人都唔係佢手腳」啊烈回想起那天的事

「簡直係怪物嚟…」啊武也對那次事件歷歷在目

「佢走之前講過一大堆人名：

張九、張英、陳天航、葉靈、李梓武、張一烈、陳鯨

佢亦話啊仁即係陳鯨，而我地所有都係應刧嘅人，但仲差一個人，當嗰個人出現，個大刧先會降臨」

「你懷疑死仔就係未出現嗰個人？」英叔問九叔

「好有可能」九叔點頭

「死仔，你有冇可能再睇到多啲片段？」英叔轉向問葉尚生

「我都唔知喎….自從第一次之後都未試過」葉尚生自己也不太清楚

「你再試下」英叔說

「好….」葉尚生走近畫龍戟，畫龍戟馬上收起了彈出的四片刀刃，就像知道葉尚生靠近

「如果你係好似英叔講咁有靈性，就比我睇多啲野啦」葉尚生輕聲的對畫龍戟說

畫龍戟此時亮起了一道紅光，就像聽得懂葉尚生的話一樣

「佢…」葉尚生也嚇了一跳

「都話佢好有靈性㗎啦」英叔說

葉尚生伸手，閉起眼握緊龍戟

龍戟再次亮起紅光，但比剛剛耀眼得多

「嗯？！」葉尚生眉頭突然緊皺

我決定重睇了

勿quote文

我唔係judge你，幾時再有文

你做咩捽佢

估中左 真係新十方

最叻你啦
無蕉的蕉兄

晏啲有文今日遲收工，食埋飯就出

「點啊死仔？？」英叔問

「見到….一個光頭佬，佢好高大」葉尚生進入了意識界

「光頭佬？」陳天航聽到葉尚生說這句時有點反應

「係，我同佢交緊手….佢好犀利…」

「唔止我一個….仲有..啊烈，佢同我一齊聯手」

「我？」 啊烈聽到自己有份也馬上專注點

「我地兩個都唔係佢手腳！」葉尚生額前開始冒汗

轟隆！！外面又是一聲旱天雷

「啊！！！」葉尚生突然大叫，並把手鬆開了，雙腳發軟，軟坐在地

「嗄…嗄…..嗄…..」葉尚生突然背汗淋漓，滿面冷汗

「死仔！咩事啊？！」英叔和葉靈馬上上前關心

「呼…..我比個光頭佬打穿咗個肚」葉尚生還有點魂魄未定

「個光頭佬會係咩人嚟，咁犀利…..連你都唔係佢對手」啊武認真的問

「如果我冇睇錯…佢係殭屍，仲要唔係低級個隻」葉尚生擦去額前的汗，在英叔和葉靈的扶助下站起來

「我諗我識佢….羅東」陳天航突然說出羅東的名字

「啊航，你又識？！」眾人對陳天航又認識一個敵人感到好奇

「如果我冇估錯，啊生口中講嘅光頭佬應該就係上次個兩個人嘅同伴——羅東，佢係段天嘅近身保鏢，我見過佢」陳天航說

「又係佢地，嗰個段天到底係咩人啊？身邊個個都係怪物」啊武無奈說道

「武仔，你唔會咁天真，仲覺得嗰個咩段天會係普通人啊嘛？」英叔忍不住說

「我試下再睇多次，睇下可唔可以睇多少少」葉尚生再次伸手去握住畫龍戟

「量力而為啊死仔，攰就抖下先啦」看得出英叔對葉尚生很是關心

「我得嘅」葉尚生點頭說

「點解生哥好似睇完啲畫面就咁攰」啊烈問出一句

「烈哥仔，唔係你估同靈器連結係咁易㗎，淨係咁樣睇下畫面就已經接近抽乾死仔嘅體力咁淨㗎啦」英叔解釋道

「明白…」啊烈點頭

「我今次見到唔係我地….係…」葉尚生又是汗流滿面

「係咩啊？」英叔問

「好亂…好多人，係戰爭，但唔係依家，似係古代」

「三界大戰嘅畫面？」

「應該係…」葉尚生也還沒清楚

「我見到…」

「咩啊？？」

「有個好似啊航嘅人…但老好多」

「有啊航？？佢做緊咩啊？」

「佢作緊手印、施緊法….」

轟隆！！！一聲極響亮的雷聲

「嘩！！！」葉尚生突然大叫一聲往後倒地

「死仔，你唔係啊嘛？哈哈哈！男人老狗比個雷嚇親？」英叔笑著挖苦葉尚生

「唔係啊！係啱啱行雷個一下突然有個人企咗係我面前！」葉尚生解釋說

「有個人企咗係你面前？但你睇到嘅應該係過去嘅畫面，唔可能有人望到你㗎喎」

「我都唔知啊….但我好肯定佢係望住我」葉尚生被嚇了一驚

「嗯～其實你地都唔洗知發生過咩事啊，好好過你地嘅生活咪好囉」陳天航突然說出奇怪的話，語調也跟平常不同

「搞咩啊啊航你，講野怪怪地嘅」啊烈第一個發現陳天航的不妥

「老野」英叔叫了一聲

「嗯」九叔也馬上點頭回應

「𡃁仔，你過嚟」英叔向陳天航招手

「我？」陳天航表情有點疑惑

「我叫𡃁仔啊嘛，緊係叫你啦」英叔眼神銳利的看著陳天航

啊烈和啊武好像也懂英叔九叔的想法，二人向陳天航踏近一步

「咩事啊你地？」陳天航問眾人

「𡃁仔，伸隻手出嚟」

上身都出埋黎

黎啦黎啦 陳天航之謎

要估邊個上佢身先